تجربة سوبارو امبريزا موديل 2007
السلام عليكم ورحمة الله وبركاته
انا سقت سوبارو امبريزا فى مصر لمدة 5 ايام عملت حوالى 1000 كلبو متر فحبيت انقلكم وقائع التجربة مع مقارنة بينها وبين المازدا 3
انا كنت فى مصر اجازة لمدة 5 أيام احضر فرح اخويا وطبعا كالعادة اجرت عربيه واستلمتها من مطار القاهرة
اجرت العربيه من شركة اسمها Sixt وهى تابعه لابوغالى
والسوبارو امبريزا كانت ارخص الاسعار
http://www2.0zz0.com/2009/04/13/10/298944974.jpg
الاول هستعرض كماليات العربيه
- فتيس اوتوماتيك
- باور استرينج كهربا
- مرايات كهربا
-فوانيس شابورة
-ازاز كهربا
-كاسيت وسي دى اوديو مع 6 سي دى اتشنجر
- سيستم الدفع الرباعى
- جنوط اسبور
-مفتاح ريموت
- ABS
-2 ايرباج
- فرش اسود
- عتب جانبي وامامى
- نكييف اوتوماتيك
العربيه من الخارج
العربيه من الخارج شكلها جميل وليها مقدمة هجومية ، لكن شكلها تقليدى جدا من ورا
بابان العربيه مافيش فيها اطار Fram) حوالين الازاز فبيدى الطابع الرياضى لما الازاز ينزل للاخر وتفتح الباب، شكل الفوانيس الامامية جميل وبيدى طابع رياضي
الحقيقة العربيه مش مميزة اوى يعنى مش Catch Eye
العربيه من الداخل
العربيه من الداخل واسعة من جوا وبالذات المساحة للسائق والراكب الامامى
لكن فيه ضيق نسبى للى راكب ورا لو اللى قدام مرجع الكراسي
التابلوه شكله تقليدى جدا يعنى معقول
الفرش الجلد للتابلوه يعطيك احساس ان العربيه قديمة
العربيه قعدنها مريحة جدا والقوايم مش بتعوق الرؤية
مشيت بيها لمدة ثوانى على 160 على طريق مصر السويس وكانت العربيه ثباتها ممتاز وفى نفس الوقت الموتور مكنش بيصدر ضجيج او صوت عالى زى الانسر البوما
المميزات
العزل ممتاز جدا ، عزلها رائع
صوت الموتور غير مسموع بالمرة
السحب ممتاز وان كان بطىء بعض الشىء على السرعات العاليه
ثبات رائع
التكييف قوى جدا
لاتشعر ابدا بنقلات العربيه
العيوب
واطيه فبتحك فى المطبات العالية
الشنطة متوسطة الحجم
استهلاك البنزين مش اقتصادى يعنى التانك بعمل بيه 350 كليو
العشفه ناشفة وتحس بيها على السرعات العالية لو الطريق مش ممهد كويس، واقصد بكده ان فيه عربيات العفشة بتاعتها ناعمة وفى نفس الوقت ثباتها على السرعات العالية كويس جدا زى الميجان والمازدا 3
الفرامل متوسطة
المجمل
العربيه كويسه لكن الحقيقة لما ركبتها لم احس باى تميز مع العلم انا سقت الميجان ولانسر بوما ومعايا مازدا 3
اما نظام الدفع الرباعى اظن ان الواحد مش هيحس بيه الا لما العربيه يكون الموتور فيها مش اقل من 2000 سي سي
مقارنة بين امبريزا و مازدا 3
الشكل الخارجى مازدا 9 / سوبارو 7
فخامة الصالون مازدا 9 / سوبارو 7.5
الوسع الداخلي مازدا 8 / سوبارو 8
الثبات مازدا 9 / سوبارو 9
استهلاك البنزين مازدا 7 / سوبارو 7
ملحوظة تم استعمال بنزين 92 والعربيه كانت ماشية بدون اى مشاكل
التقييم عبارة عن تجربة شخصية