بأذن الله هاروح اعمل صيانه ال5000 الاسبوع اللى جاى و كنت عايز اسأل عن ايه اللى المفروض هايتعمل فى العربيه؟ و هيتكلف كام؟؟
و سؤال اخر عن موضوع تعديل علبة الدريكسيون هل هيتعمل و لا لأ؟ انا عربيتى موديل 2008.
و شكرا
عرض للطباعة
بأذن الله هاروح اعمل صيانه ال5000 الاسبوع اللى جاى و كنت عايز اسأل عن ايه اللى المفروض هايتعمل فى العربيه؟ و هيتكلف كام؟؟
و سؤال اخر عن موضوع تعديل علبة الدريكسيون هل هيتعمل و لا لأ؟ انا عربيتى موديل 2008.
و شكرا
حضرتك صيانة ال 5 الاف فيها الاتى:
غيار زيت + فلتر
الكشف على جميع السوائل و الزيوت
تربيط عفشة
الكشف على العربية ككل
لو حضرتك عندك ملاحظات على اى حاجة بتقولهم طبعا
بس اهم حاجة بما ان حضرتك عربيتك موديل 2008, تأكد على مهندس الاستقبال انك هتحط 3 لتر زيت فقط و قول له ان كتالوج العربية مكتوب فيه ان السريون مو 2008 بتاخد 3.1 بالفلتر
و لو قالك اى حاجة, قول له انا من نايل موتورز و اتفقنا على كده مع مهندس احمد عبدالوهاب.
اما بخصوص تغيير علبة الدركسيون ... هل حضرتك بتسمع اى اصوات زى الموضوفة هنا فى المنتدى و لا بتسأل عادى؟
شكرا جزيلا لحضرتك
انا هاعمل الصيانه فى نايل اوتو فى المنصوره مش فى القاهره اقولهم برضه على موضوع الزيت و حضرتك بتقول 3,1 لتر طيب ال 1, لتر ده هايتحط ازاى
بالنسبه لعلبة الدركسيون انا بسمع اصوات من زمان من قبل صيانة ال 1000 و قلت لهم و قالولى انهم بعتوا طلب لقطع الغيار و ما حدش رد عليا لغايه دلوقتى
على فكره انا متابع معاكم فى المنتدى من زمان و حضرتك و الاخ ابو عبد الله من اهم اسباب شرائى للسيريون شكرا جزيلا
بخصوص ال 0.1 لتر
هو عامة لما بينزل الزيت من الموتور, مش كله بينزل, فلما تحط 3 لتر هتلاقى المقياس ظبط معاك.
اما بخصوص علبة الدركسيون, مش عارف اذا كان فى المنصورة عندكم بيغيروها و لا لأ.
لكن استنى شوية كده لما الامور تتظبط فى المركز الرئيسى فى العبور بخصوص تغيير العلبة, لأن لسه فى بعض الملاحظات فى تغييرها.
نفس الكلام برده عايز اعمل صيانه ال10000 وبيقولولي انها بتاخود زيت 3.5 3.7 في الحدود دي:36_7_4[1]:
خلي بالك و انت بتعمل الصيانه و حاول تراقب العربيه من فوق لان في حاجات بتتنسي لما بيكونوا مستعجلين يعني المفروض كمان يتعمل rotation لللعجل و هما نسيوا يعملوة عندي و طبعا اخدوا تمنه و انا نسيته خالص
بالنسبه للتكلفه حوالي 410 جنيه شامله الضريبه
شكرا لكل الردود