المارش بيعمل صوت تكة كدة و مبتدورش و السحب بتاع العربية ضعيف - بيجو 504

**samirayad** · 14-04-2009 09:12 PM

انا عايز اجيب كتاوت نوع محترم اللى هى فرنساوى تعمل كام تقريبا لان الكهرباءى قالى اجبلك كتاوت ب 30 جنية حتادى الغرض

سيبك من حتة يؤدى الغرض دى .....ومتجيبش الا نوع محترم ( وياريت فرنساوى زى مابتقول ) لأن الكتاوت هو روح الدينامو.طبعا بعد ما تتأكد أن فعلا الشحن ضعيف زى ما أحنا متوقعين..........ومش حيزيد عن 60 - 70 جنيه على ما أعتقد ( دا الدينامو الأستعمال مابيزدش عن 150 على الأكثر ).....ربنا يوفقك وأبقى طمنا عليك

**mood_8210** · 15-04-2009 01:07 PM

روحت شيكت على شحن الدينامو طلع زى الفل 10 على 10 و بما اننا استبعدنا ان يكون العيب من الشكمان يبقى مش فاضل غير التاكيهات بس انا اخر مرة ظبط فيها التاكيهات كانت من 3 شهور تقريبا معقولة تكون حملت فى الفترة دى ؟ ولا ممكن عشان تغيير حالة الجو ؟

**islambana** · 15-04-2009 02:24 PM

بص ياباشا عن تجربه ال 504 ماتسخنش كده الا للأسباب الاتيه
الردياتير مسدود ومليان صداء
او التاكيهات مش مظبوطه
انت تروح تظبط تاكيهات ضروري وان شاء الله هتحس بفرق
علي فكره التاكيهات لما تكون مظبوطه صوت العربيه في السلانسيه بيبقي عامل زي العربيات الديزل (تكتكتك)

**analyzer** · 15-04-2009 02:49 PM

المشاركة الأصلية كتبت بواسطة samirayad

التكه اللى بتحصل للمارش بدون تشغيل المحرك ليها أحتمالات كتير.................................

1-ضعف فى البطاريه بحيث بيتم فعلا سحب البندكس للفلام ولكن نظرا لأن أمبير البطاريه ضعيف لايستطيع المارش تدوير المكنه....

2- وجود تلف فى ملف اللقط الموجود داخل الأوتوماتيك بتاع المارش وهنا بيتم سحب البندكس برضه للتعشيق مع الفلام ولكن لايتم تغذية المخدات من ملف اللقط علشان الملف تعبان..........

3- وجود تلف فى المارش نفسه زى مابتقول (مخدات _ موبينا - شربون - سست شربون ضعيفه)....وفى الحاله دى البطاريه بتكون كويسه وملف سحب الأوتوماتيك وملف اللقط كمان (الملفين داخل الأتوماتيك )

اشكرك بشده يا هندسه على التوضيح والمعلومات القيمة دى
فى الحقيقه انا دائما باستفاد من مشاركاتك التى تدل على خبرتك العاليه

**samirayad** · 15-04-2009 10:16 PM

المشاركة الأصلية كتبت بواسطة analyzer

اشكرك بشده يا هندسه على التوضيح والمعلومات القيمة دى
فى الحقيقه انا دائما باستفاد من مشاركاتك التى تدل على خبرتك العاليه

ياباشا تحت أمرك.................وكلنا أخوات وبنتعلم مع بعضنا من أجل الثقل الفنى لنا جميعا................

**samirayad** · 15-04-2009 10:30 PM

بس بردو السحب بتاعها بايظ خالص و الحرارة عالية نسبيا و بتستجيب ببطء انا مش عارف بقى دة يكون بسبب تاكيهات

بما أنك أطمنت على الدينامو

_ يبقى يجب أن تراجع خلوص التاكيهات لأن ممكن تكون التاكيهات محمله شويه..........

_ والتاكيه المحمل يعنى خلوص قليل وغير طبيعى بين كامات عمود الكامه ونهاية سيقان الصبابات.......وده يعملك الآتى......

_ صوت التاكيه بيكون غير واضح (لأن الخلوص صغير )

_تقليل زمن أستجابة الصبابات فى الفتح والغلق مع خبطة الكامات على نهاية الصبابات..............

_فى الحاله دى معدل السخونه حيزيد.........وبالتالى سيقل العزم الخارج على الكرنك مما يعنى سحب قليل........

_ وبرضه ممكن يكون الدبرياش بدأ يودع وبيحصل جواه أنزلاق بين الأوجه الأحتكاكيه (الفلام والأسطوانه & الديسك والأسطوانه )....وده بيسمى أنزلاق القابض........

_ وممكن تطمن برضه على الدبرياش لو كان صوت المكنه مبيعلاش مع الضغط على الأكسراتير بشكل ملحوظ مع عدم وجود سحب كويس ( لو الوضع طبيعى وزى زمان ).....يبقى عليك وعلى التاكيهات...........

_ ياريت برضه تطمن على أن الفرامل كويسه ومفيش فرمله بتعلق ولا حاجه وده ممكن تعرفه بعد ماتجس حراره الفرد بعد مشوار .......

_ لو الأمور دى ماجبتش نتيجه ....روح برضه لمكان ترصيص كويس (علشان تشوف كفاءة بلى العجل مع السرعات ).......لأن لو بليه تقيله حتعمنلك برضه مشكله فى السحب....والعربيه حتشكل حمل على المحرك ويسخن ...........

_ أختار من الأمور دى الأسهل بالترتيب اللى تحدده أنت......

**mood_8210** · 16-04-2009 07:54 PM

من كلامك يا م.سمير المشكلة فى التاكيهات لان كل الاعراض اللى قولتها بالنسبة للتكيهات موجودة عندى و الف شكر ليك و لكل الاعضاء اللى شاركوا برايهم و الله المستعان

**mood_8210** · 16-04-2009 07:59 PM

المشاركة الأصلية كتبت بواسطة islambana

بص ياباشا عن تجربه ال 504 ماتسخنش كده الا للأسباب الاتيه
الردياتير مسدود ومليان صداء
او التاكيهات مش مظبوطه
انت تروح تظبط تاكيهات ضروري وان شاء الله هتحس بفرق
علي فكره التاكيهات لما تكون مظبوطه صوت العربيه في السلانسيه بيبقي عامل زي العربيات الديزل (تكتكتك)

ما انا عملت عمرة كاملة للرادياتير يا اسلام و هو كدة مفيش غير التاكيهات اللى عاملة المشكلة و شكرا يا باشا على ردك و شكلك كدة مش فاكرنى ولا اية معاك محمد البطش من دمنهور

**islambana** · 17-04-2009 01:07 AM

المشاركة الأصلية كتبت بواسطة mood_8210

ما انا عملت عمرة كاملة للرادياتير يا اسلام و هو كدة مفيش غير التاكيهات اللى عاملة المشكلة و شكرا يا باشا على ردك و شكلك كدة مش فاكرنى ولا اية معاك محمد البطش من دمنهور

لا طبعا ياباشا فاكرك عيب عليك