شراء‏3‏ آلاف سيارة لتوزيعها علي القضاة وأعضاء النيابة العامة؟؟؟

وافق المستشار ممدوح مرعي وزير العدل علي تمويل صندوق الرعاية الاجتماعية بالوزارة لشراء‏3‏ آلاف سيارة لتوزيعها علي القضاة وأعضاء النيابة العامة بالتنسيق مع أحد البنوك الكبري‏,‏

وأضاف سيتم الاتفاق مع البنك علي منح القاضي وعضو النيابة قرضا ميسرا لشرائها علي ان يكون السداد للبنك مقصورا علي ثمنها فقط بينما يتحمل صندوق الرعاية الاجتماعية بالوزارة سداد الفوائد البنكية المربوطة علي مبلغ القرض لكل قاض وعضو نيابة عامة حتي لاتكون عبئا علي دخولهم وعقد المستشار أحمد الزند رئيس نادي قضاة مصر اتفاقا مع المستشار عبدالسلام تمراز مساعد وزير العدل لشئون الديوان العام وصندوق الرعاية الاجتماعية والصحية علي تمويل صفقة السيارات والذي سيتم بموجبه قيام البنك الذي سوف تختاره الوزارة بمنح قرض ميسر لكل قاض وعضو نيابة علي ان يتحمــل الصندوق قيمة الفوائد مجمعـــة دون أن يتحملها القاضي أو عضو النيابة الحاصل علي القرض‏.‏

وأوضح الزند أن الأولوية لتوزيع السيارات سوف تكون لشباب القضاة والنيابة العامة والذين يعدون أولي بالرعاية المالية في هذه المرحلة
‏
منقول من الاهرام عدد 12/4/2009
شايفين البلد :biggrin2::biggrin2::biggrin2:

فيش مره نقابة الاطباء تعمل حاجه زي كده لشباب الاطباء الغلابه والنيابه الباطنيه والذين يعدون اولى بالرعايه في كل المراحل؟

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

طيب والنبي تقولهم علي نقابة المهندسين بالمره...
أقصي حاجه بنشوفها مصايف جمصه وراس البر ومرسي مطروح...

وزارة العدل اساساً بتدى مرتبات كبيرة جدا مقارنة باى وزارة تانية يعنى مش مستنيين دعم الوزارة عشان يجيبو عربية

طيب مش من الافضل دعم المدرس عشان يقدم لنا جيل متعلم بجد ينهض بالامة ؟؟

اقتباس:

---

المشاركة الأصلية كتبت بواسطة Drift_Lover

طيب والنبي تقولهم علي نقابة المهندسين بالمره...
أقصي حاجه بنشوفها مصايف جمصه وراس البر ومرسي مطروح...

---

ياباشا نقابة المهندسين دى حالة خاصة وربنا يديك و يدينا طول العمر و تتفك الحراسة

iهههههههههههههههههههههههه� �هه كل يغني علي ليلااااااااه

اقتباس:

---

المشاركة الأصلية كتبت بواسطة hossamdoaaaa

وزارة العدل اساساً بتدى مرتبات كبيرة جدا مقارنة باى وزارة تانية يعنى مش مستنيين دعم الوزارة عشان يجيبو عربية

طيب مش من الافضل دعم المدرس عشان يقدم لنا جيل متعلم بجد ينهض بالامة ؟؟

---

يا باشا .... العربيات مش بتتوزع ببلاش
ده مجرد قرض بدون فوائد او بفوائد رمزية
الكلام ده موجود في اماكن كتير في مصر
الجيش
الشرطة
الضرايب
الجمارك
اماكن كتييير
بس الخبر منشور بطريقة مثيرة عشان يعمل توزيع ونسبة مشاهدة ( انا اقصد الخبر الاصلي طبعا مش الموضوع )
ودي طبيعة الاعلام المصري ...... غير صادق... و يحاول اثارة الجدل بدون داعي

اقتباس:

---

المشاركة الأصلية كتبت بواسطة aif

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

---

اليابان قامت من الحرب العالميه التانيه كده
خلت كادر المدرسين زي كادر القضاه و بكده ادت للمدرس احترامه -المفقود هنا-
ووضعه الاجتماعي اللائق و خلته يركز في عمليه التعليم ..
تقريبا اليابان اتقدمت

ملحوظه للناسي التاريخ تقريبا النهضه الصناعيه لليابان و مصر ابتدت في نفس الوقت
بس هما فين و احنا فين
يا رب عليك بالظالم .. و اللي مطارع الظالم

اقتباس:

---

ياباشا نقابة المهندسين دى حالة خاصة وربنا يديك و يدينا طول العمر و تتفك الحراسة

---

انا لسه فى هندسه و سمعت عن موضوع الحراسه ده
بس مش فااهم يعنى ايه حراسه و ايه سببها و امته ممكن تتفك
و لو اتفكت ايه هيكون الاختلاف ياريت توضيح؟

اقتباس:

---

المشاركة الأصلية كتبت بواسطة eng/muhamad

انا لسه فى هندسه و سمعت عن موضوع الحراسه ده
بس مش فااهم يعنى ايه حراسه و ايه سببها و امته ممكن تتفك
و لو اتفكت ايه هيكون الاختلاف ياريت توضيح؟

---

و أنا كمان نفسى أعرف ... كلها سنتين و أنضم للمحروسين

وانا كمان عايز اعرف ايه موضوع النقابة انا خلاص ده اخر تيرم ليا يعني كلها شهرين بالكتير وابقي تحت الحراسة

بس زى منتوا قريتوا ياجماعه ان البنوك حتخش فى الموضوع دا وقروض وفوايد
وأظن ان مفيش شيخ متكلمش عن موضوع القروض اللى بفوايد وانا عشان كده مقرر انى مشتريش اى عربيه بنظام القروض اللى بفوايد دى
وربنا ييسر إن شاء الله

دا علي اساس ان اموال وزارة العدل ملك القضاة مش ملك الشعب

بالذمة هو ده العدل؟

انا طالب زيكم فى كلية هندسة
بس والدى الله يرحمة كان مهندس

وحكاية الحراسة دية ان مفيش انتخابات فى النقابة من 15 سنة تقريبا وفلوس النقابة كلها بتروح فين
الله اعلم
معاش المهندس 300 جنية تخيلوا

طيب

انا واحد قريبي رائد جيش

اشتري من الجيش العربية اللانسر ارخص من سعر السوق ب 12 الف جنية

12 الف جنية فرق سعر في عربية في رينج المائة الف

المهم كنت بسأل واحد صاحبي مهندس في توكيل ميتسوبيشي

بقوله التوكيل بتاعكم حرامي لما يعمل خصم 12 الف جنية امال يبقي مكسبه كام من العربية لانه اكيد بيكسب من العربية مهما كانت الكمية اللي اخدها ضباط الجيش

افادني ان العربيات دي بيكون عليها خصومات جمركية و معفاة من ضريبة المبيعات

عموما انا شايف ان الخدمات دي حتي لو مقدمه لفئات معينة

فهيا مش عيب و لا غلط

متنسوش كمان ان المفروض القضاة و الضباط مالهمشي مصادر دخل غير مرتباتهم

فالمفروض هيئاتهم تساعدهم بصور مختلفة

و المؤسسات و الهيئات التانية تقتدي بيهم

اقتباس:

---

المشاركة الأصلية كتبت بواسطة aif

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

---

موافق بشدة ، اكتر ناس لازم تكون عينها مليانة القضاة ووكلاء النيابة وكل من يحكمون بين الناس

اقتباس:

---

المشاركة الأصلية كتبت بواسطة aif

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

---

و مين قال لحضرتك ان القضاة غير مقدرين ماليا دا غير التقدير المعنوي و النفوذ اما المدرسين فلهم الله من قبل و من بعد

اقتباس:

---

المشاركة الأصلية كتبت بواسطة aif

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

---

انا معاك يا باشا، احنا كتير بنبص بعين مش كويسه للناس اللى برده بيكون فيهم نسبه كبيره محترمين

اقتباس:

---

المشاركة الأصلية كتبت بواسطة Ahmed Anwer

متنسوش كمان ان المفروض القضاة و الضباط مالهمشي مصادر دخل غير مرتباتهم

فالمفروض هيئاتهم تساعدهم بصور مختلفة

و المؤسسات و الهيئات التانية تقتدي بيهم

---

هو حضرتك فاكر يعني القلضي دا مرتبه 300 جنيه ا عتقد ان احنا بنكلم فيما لا يقل عن 7000 و الرقم دا كان اتنشر في احدى الجرائد

اقتباس:

---

المشاركة الأصلية كتبت بواسطة eg_falcon

هو حضرتك فاكر يعني القلضي دا مرتبه 300 جنيه ا عتقد ان احنا بنكلم فيما لا يقل عن 7000 و الرقم دا كان اتنشر في احدى الجرائد

---

ال7000 آلاف جنيه اللى حضرتك بتتكلم عليها بيحصلها اى موظف درجة اولى عادى فى اى وزارة او مصلحة حكومية بتدر مكاسب للدولة، وده بعد اضافة البدلات واللجان والحوافز والاضافى والنبطشيات والمأموريات والأرباح والاختراع الرهيب المسمى الكشوف اللى محدش فاهم هى ايه بالظبط، وده كله على فكرة فوق الترابيزة ، وطبعا مش هتكلم على شباب الشراكات الاستثمارية اللى عايشن فى دور men in black بكل اكسسواراتهم سوداء اللون من اول نضارات الشمس والبدل وسماعات البلوث وحتى العربيات مش هقول الناس دى بتعمل كام فى الشهر
والتالى فان فكرة مساواه القاضى اللى هو مفروض انه واحد من صفوة المجتمع بموظف عادى او احد شباب البلوتوث مبدأ غير مظبوط ، لازم يكون دخله كافى انه حطه فى المكانة الاجتماعية الملائمة للدوى اللى الدولة عايزاه منه، مينفعش يبقى واحد داخل المحكمة فى قضية مثلا راكب عربية كورولا مثلا والمحامى بتاعه سايب مفاتيح الأوكتافيا للسايس ، ويشوفوا القاضى وهو نازل من اكسيل وللا 131،

اقتباس:

---

المشاركة الأصلية كتبت بواسطة aif

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

---

وجهة نظر سليمة طبعا و 100%
:B4_388::B4_388::B4_388:

اقتباس:

---

المشاركة الأصلية كتبت بواسطة Michael_Lanos

انا معاك يا باشا، احنا كتير بنبص بعين مش كويسه للناس اللى برده بيكون فيهم نسبه كبيره محترمين

---

اكيد يا مايكل .....كلامك صح طبعا
الفساد موجود في جميع المجالات وجميع الفئات
وفي القضاء كذلك .... لكنه في القضاء موجود بنسبة أقل كثيرا من المجالات المجاورة ..... المجاورة مثل الشرطة... الإعلام ...المحليات.... المجالس النيابية ... ده طبعا على سبيل المثال
ويبقى القضاء ( ولو كان به بعض الفساد ) بمثابة الامل الذي يراود الأمة في مستقبل افضل .... الضوء الذي نحاول ان نراه في نهاية النفق
مش كتير عليهم انهم يركبو عربيات بالقسط زي باقي الناس

ربنا يكون فى عون الدكاترة والمهندسين و المدرسين ..
-
مرتب الطبيب حديث التخرج 259 لدة سنة و تانى سنة بعد التخرج بيوصل بالحوافز حوالى 470 جنيه و يفضل محلك سر على كده لسنتين أو ثلاثة ..

اقتباس:

---

المشاركة الأصلية كتبت بواسطة mr_safwt

انا طالب زيكم فى كلية هندسة
بس والدى الله يرحمة كان مهندس

وحكاية الحراسة دية ان مفيش انتخابات فى النقابة من 15 سنة تقريبا وفلوس النقابة كلها بتروح فين
الله اعلم
معاش المهندس 300 جنية تخيلوا

---

معاش المهندس فقط 250 ج وليس 300
ويصرف كل 3 شهور !!!!
انا مهندس على المعاش

اقتباس:

---

المشاركة الأصلية كتبت بواسطة drahmd

فيش مره نقابة الاطباء تعمل حاجه زي كده لشباب الاطباء الغلابه والنيابه الباطنيه والذين يعدون اولى بالرعايه في كل المراحل؟

---

معاك حق والله يا دكتور بيطلع عيننا طول حياتنا مذاكرة مذاكرة ثم مذاكرة

اقتباس:

---

المشاركة الأصلية كتبت بواسطة جمال

معاش المهندس فقط 250 ج وليس 300
ويصرف كل 3 شهور !!!!
انا مهندس على المعاش

---

والله انا صعبت عليا نفسي ....
معاش المحاسب .... 70 جنية
:8954[1]:
مين يزود .... قصدي مين يقلل

اقتباس:

---

المشاركة الأصلية كتبت بواسطة megamoudy

معاك حق والله يا دكتور بيطلع عيننا طول حياتنا مذاكرة مذاكرة ثم مذاكرة

---

يا باشا هناك فرق
الطبيب ممكن يشتغل في اماكن عديدة
في اكتر من مكان في نفس الوقت وممكن بعد كدة يفتح عيادة ....وبيشتغل مع اطباء آخرين في عمليات وخلافه ...
لكن القاضي ح يعمل ايه .... يفتح محكمة ؟؟؟؟:8954[1]: طبعا مستحيل
وماينفعش انه يشتغل في عمل آخر ....يعني دخله من الوظيفة .... وبس ...
غير انه امامه مغريات مالية لا حصر لها .... يعني لازم يكون شبعان عشان نضمن انه يبقى عادل

اللي أعرفه أن اللي بيدخل السلك القضائي بيكون أصلا من أبناء الطبقات العليا ... يعني أصلا شبعان و مرتاح. و مش أي حد يجيب مجموع في الحقوق يدخل السلك القضائي.

على عكس المحاميين و المهندسين و الدكاترة و المدرسين اللي بيشتغلوا في الحكومة

اقتباس:

---

المشاركة الأصلية كتبت بواسطة sab3aawy

ال7000 آلاف جنيه اللى حضرتك بتتكلم عليها بيحصلها اى موظف درجة اولى عادى فى اى وزارة او مصلحة حكومية بتدر مكاسب للدولة، وده بعد اضافة البدلات واللجان والحوافز والاضافى والنبطشيات والمأموريات والأرباح والاختراع الرهيب المسمى الكشوف اللى محدش فاهم هى ايه بالظبط، وده كله على فكرة فوق الترابيزة ، وطبعا مش هتكلم على شباب الشراكات الاستثمارية اللى عايشن فى دور men in black بكل اكسسواراتهم سوداء اللون من اول نضارات الشمس والبدل وسماعات البلوث وحتى العربيات مش هقول الناس دى بتعمل كام فى الشهر
والتالى فان فكرة مساواه القاضى اللى هو مفروض انه واحد من صفوة المجتمع بموظف عادى او احد شباب البلوتوث مبدأ غير مظبوط ، لازم يكون دخله كافى انه حطه فى المكانة الاجتماعية الملائمة للدوى اللى الدولة عايزاه منه، مينفعش يبقى واحد داخل المحكمة فى قضية مثلا راكب عربية كورولا مثلا والمحامى بتاعه سايب مفاتيح الأوكتافيا للسايس ، ويشوفوا القاضى وهو نازل من اكسيل وللا 131،

---

كلام سليم ومنطقي.

اقتباس:

---

المشاركة الأصلية كتبت بواسطة aif

يا باشا .... العربيات مش بتتوزع ببلاش
ده مجرد قرض بدون فوائد او بفوائد رمزية
الكلام ده موجود في اماكن كتير في مصر
الجيش
الشرطة
الضرايب
الجمارك
اماكن كتييير
بس الخبر منشور بطريقة مثيرة عشان يعمل توزيع ونسبة مشاهدة ( انا اقصد الخبر الاصلي طبعا مش الموضوع )
ودي طبيعة الاعلام المصري ...... غير صادق... و يحاول اثارة الجدل بدون داعي

---

كلام سليم

أنا واحد صحفي في الأهرام كان بيستشيرني في الإختيار بين سيارتين: سكودا أوكتافيا أو فورد فوكاس
قلتله هات الأكتافيا

قال لي أصل عندنا في الأهرام في عرض سيارات بالتقسيط بدون فوائد على كذا سنة
والموجود هو الفوكس
قلتله هات الفوكس

المقصد أن مسألة السيارات المقسطة من الهيئات موجودة في الكثير من الهيئات
لكن الإعلان لحاجة في نفوس أقوام آخرين

وعموماً أظن أن هناك توجه في جميع الهيئات مدفوع من الدولة لزيادة تلك العروض لتحريك سوق السيارات
والله أعلم

اقتباس:

---

المشاركة الأصلية كتبت بواسطة aif

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

---

الأطباء ملهمش نفس يعني؟!!!!!

اقتباس:

---

المشاركة الأصلية كتبت بواسطة sab3aawy

ال7000 آلاف جنيه اللى حضرتك بتتكلم عليها بيحصلها اى موظف درجة اولى عادى فى اى وزارة او مصلحة حكومية بتدر مكاسب للدولة، وده بعد اضافة البدلات واللجان والحوافز والاضافى والنبطشيات والمأموريات والأرباح والاختراع الرهيب المسمى الكشوف اللى محدش فاهم هى ايه بالظبط، وده كله على فكرة فوق الترابيزة ، وطبعا مش هتكلم على شباب الشراكات الاستثمارية اللى عايشن فى دور men in black بكل اكسسواراتهم سوداء اللون من اول نضارات الشمس والبدل وسماعات البلوث وحتى العربيات مش هقول الناس دى بتعمل كام فى الشهر
والتالى فان فكرة مساواه القاضى اللى هو مفروض انه واحد من صفوة المجتمع بموظف عادى او احد شباب البلوتوث مبدأ غير مظبوط ، لازم يكون دخله كافى انه حطه فى المكانة الاجتماعية الملائمة للدوى اللى الدولة عايزاه منه، مينفعش يبقى واحد داخل المحكمة فى قضية مثلا راكب عربية كورولا مثلا والمحامى بتاعه سايب مفاتيح الأوكتافيا للسايس ، ويشوفوا القاضى وهو نازل من اكسيل وللا 131،

---

1-اسمحلي أختلف معاك بالرأي عمر العربية مكانت دليل علي نزاهة وعدالة الشخص ولا هي سبب يسمحله يستغل وظيفته أو منصبه في شيء مخالف
2- بعدين القاضي ده موظف حكومي يعني مرتبه لازم يكون في حدود مرتبات باقي الوظائف الحكومية ذات الوضع الإجتماعي الراقي
3- لو الموضوع برفاهية الحياة ونوع العربية يبقي نجيب أغنياء مصر نخليهم قضاة ورؤساء ومين أحسن منهم بيركبو مرسيدسات وبي ام

اقتباس:

---

المشاركة الأصلية كتبت بواسطة sab3aawy

ال7000 آلاف جنيه اللى حضرتك بتتكلم عليها بيحصلها اى موظف درجة اولى عادى فى اى وزارة او مصلحة حكومية بتدر مكاسب للدولة، وده بعد اضافة البدلات واللجان والحوافز والاضافى والنبطشيات والمأموريات والأرباح والاختراع الرهيب المسمى الكشوف اللى محدش فاهم هى ايه بالظبط، وده كله على فكرة فوق الترابيزة ، وطبعا مش هتكلم على شباب الشراكات الاستثمارية اللى عايشن فى دور men in black بكل اكسسواراتهم سوداء اللون من اول نضارات الشمس والبدل وسماعات البلوث وحتى العربيات مش هقول الناس دى بتعمل كام فى الشهر
والتالى فان فكرة مساواه القاضى اللى هو مفروض انه واحد من صفوة المجتمع بموظف عادى او احد شباب البلوتوث مبدأ غير مظبوط ، لازم يكون دخله كافى انه حطه فى المكانة الاجتماعية الملائمة للدوى اللى الدولة عايزاه منه، مينفعش يبقى واحد داخل المحكمة فى قضية مثلا راكب عربية كورولا مثلا والمحامى بتاعه سايب مفاتيح الأوكتافيا للسايس ، ويشوفوا القاضى وهو نازل من اكسيل وللا 131،

---

1-اسمحلي أختلف معاك بالرأي عمر العربية مكانت دليل علي نزاهة وعدالة الشخص ولا هي سبب يسمحله يستغل وظيفته أو منصبه في شيء مخالف
2- بعدين القاضي ده موظف حكومي يعني مرتبه لازم يكون في حدود مرتبات باقي الوظائف الحكومية ذات الوضع الإجتماعي الراقي
3- لو الموضوع برفاهية الحياة ونوع العربية يبقي نجيب أغنياء مصر نخليهم قضاة ورؤساء ومين أحسن منهم بيركبو مرسيدسات وبي ام

مفيش حاجة للمهندسين الغلابة طيب ههههههههههههههههه كلها شوية وهنبقى منهم هههههههههههههه والحسار ده هيتشال امتة اللى بيتكلموا عليه !!!

اقتباس:

---

المشاركة الأصلية كتبت بواسطة drahmd

فيش مره نقابة الاطباء تعمل حاجه زي كده لشباب الاطباء الغلابه والنيابه الباطنيه والذين يعدون اولى بالرعايه في كل المراحل؟

---

افتروا بقي افتروا

منتوا بتاخدوا مرتبات علي قلبكم اد كدا

اشي 300 واشي 400

:I_angr1[1]::I_angr1[1]:

1 - الناس دية مش كلهم ولاد ناس ومحترمين وبيتنقوا على الفرازة زي ما بعض الزملاء قالوا ( المهم دفع ولا لأ )
2 - دول مش محتاجين عربيات أصلاً كلهم معاهم وبينزلوا يجيبوا العربيات بتاعت المعوقين برخص التراب ولا بيفك حظر ولا أي حاجة وبيمشي والجدع يكلمني
3 - ما يقال من إن كثير من الجهات والهيئات الحكومية يوجد بها نفس الإمتيازات فتنقسم إلى قسمين إما جهات لازم تاكل عشان متفضحش الدنيا زي الصحافة والجيش والشرطة والنيابة وكده
أو جهات شغال فيها إبن الوزير وإبن الباشا الحنتير عشان الناس الكبيرة تريح إلي أكبر منها ... وبس
أنا أعمل في أحد الهيئات الحكومية إلي بتدخل للبلد فلوس بالعبيط وبالعملة الصعبة كمان ومبشوفش من الـ7000 جنية إلي كاتبهم سبعاوي دول ربعهم حتى

الغرض من الموضوع ده فقط إنهم عايزينهم يترسموا زيادة يعني مينفعش تبقى مراته أو حد من عياله معهوش عربية فبيسهلوا عليه عشان يترسم زيادة

حسبنا الله ونعم الوكيل

صحيح الكادر بتاع النيابه بقاله قد ايه دلوقتي........5 سنين؟
بتوع النيابه والقضاه بطلوا يخالفوا القانون
عربياتهم زي عربيات الناس نمرها باينه
مش متفيمه
معليهاش بالبنط العريض (هيئه قضائيه ملاكي.................)
حد بيحاسبهم
ايه اللي اتغير العدل انتشر
القضايا خلصت
بطلوا وسايط ومحسوبيات
يريت حد يجاوبني

الموضوع كله شو اعلامى وحقيقة الأمر ان وزارة العدل بتحاول ( لسة بتحاول ) تتفق مع 3 شركات سيارات لشراء 3 آلاف سياره منها بأسعار خاصه نتيجة الكمية الكبيره المباعه وهذا السعر لن يعرفه القاضى ولكنه سيقوم بالشراء بسعر السوق والفكره هى أن يتم التقسيط على خمس سنوات وسيقوم أحد البنوك بالتمويل وربح البنك هو الفارق بين سعر السوق وسعر المورد + 1 % تتحمله الوزاره فقط وسيكون على القاضى دفع مقدم فى حدود 40 ألف جنيه


يعنى الموضوع كله يعتمد على كمية البيع الرهيبه فى ظل الكساد الواضح

اقتباس:

---

المشاركة الأصلية كتبت بواسطة iceheartedgirl

افتروا بقي افتروا

منتوا بتاخدوا مرتبات علي قلبكم اد كدا

اشي 300 واشي 400

:I_angr1[1]::I_angr1[1]:

---

طب ماهو الدكتور لازم يبقى دكتور يعني بدله ب50 جنيه مستعمله سابع يد وجزمه متخيطه ب 5 جنيه وياكل يوم فول ويوم ماياكلش ومفيش داعي يجيب عربيه لازم يكون دكتور كده ويملا عين العيان عشان يبقى دكتور قد الدنيا مين اللي قال ان الدكاتره ليهم خمسه عين؟ مين الكداب ابن الكدابه اللي قال كده؟ يامين يلايمني عليه الله يرحم زمان وايام زمان وتحيا مصر