الموضوع: ايه اللى بيبوظ الجيربوكس

المشاركة الأصلية كتبت بواسطة manabedo

حد يرد عليا يا جدعاننننننننننننننننننننن ننننن

ياباشا مش شرط انك عشان بتعمل كيك دون وكدة يكون باظ هوة عامل إية معاك يعنى ؟؟؟

لا معملش انا بس خوفت من كلام استاذ مختار
فبسال عشان كده
وسالت برضو لو علي ال d و سقطت علي 2 او 3 ضرر جامد ولا ايه

المشاركة الأصلية كتبت بواسطة M.Mokhtar

هو كتر الكيك داون اكيد مضر
ولو مش للفتيس هيبقى للموتور


لو سقطت على 2 او 3 فى توقيت مناسب (سرعه مناسبة) مش فيه ضرر
لكن لو ماشى 100 وتسقط على 2 اكيد يبقى بتهزر

مش لاقى كلام ققولة بعد كلام حضرتك بصراحة رد وافى بس ممكن ابسطه اكتر هوة فعلا انا هشبهالك بحاجة بسيطة ولو عملت الحركة ديه سؤاء مانيول او اوتوماتيك ال 2 هيبوظوا :) الفكرة بمنتهى البساطة مثلا انتة على 130 وكنت رابع خامس ايا كان وجبت تانى كده الترس نفسة أصلا مينفعش يوصل السرعة ديه فبك بساطة هيتكسر وهيطير الجير بوكس نفس الفكرة اعتقد فى الأوتوماتيك :) ومتقلقش كده الجيربوكس بتاعت تمام حاول بس تاخد بالك اهم حاجة من موضوع الزيت وبلاش تستخدم ال2 و 3 اشتغل برجلك وكيك دون أحسن وديه وجهة نظرة او لو هتستخدمهم ياريت تكون من 2 لى 3 ل d وميكنش العكس :)

متشكر اوي يا رجاله اناكنت بسقط عند سرعه مناسبه فعلا بس لقيت واحد بيصوت جنبي وي قولي حضر فلوس فتيسش جديد
فقولت اسالكوا

المشاركة الأصلية كتبت بواسطة manabedo

متشكر اوي يا رجاله اناكنت بسقط عند سرعه مناسبه فعلا بس لقيت واحد بيصوت جنبي وي قولي حضر فلوس فتيسش جديد
فقولت اسالكوا

ياباشا احنا معملناش حاجة احنا كلنا هنا موجودين عشان نساعد بعض ومتقلقش هوة بس لما كان بيقلك جهز فلوس فيتس جديد كان مقلق بزيادة وانتة خد بالك اهم حاجة تانى مرة من الزيت ياريت لو كل يوم او كل مشوار تدى يه على طوب او حتت متكسرة فى الشارع تتأكد منة الزيت بعديها بصراحة 90% من الجيربوكس اللى بتبوظ بتبقى من السبب ده يعنى لو خبطت طوبة فى مواسير اللى مودية زيت بيتدلق كلة وفى الحالة ديه علية العوض :)

المشاركة الأصلية كتبت بواسطة bishoy02010

ياباشا احنا معملناش حاجة احنا كلنا هنا موجودين عشان نساعد بعض ومتقلقش هوة بس لما كان بيقلك جهز فلوس فيتس جديد كان مقلق بزيادة وانتة خد بالك اهم حاجة تانى مرة من الزيت ياريت لو كل يوم او كل مشوار تدى يه على طوب او حتت متكسرة فى الشارع تتأكد منة الزيت بعديها بصراحة 90% من الجيربوكس اللى بتبوظ بتبقى من السبب ده يعنى لو خبطت طوبة فى مواسير اللى مودية زيت بيتدلق كلة وفى الحالة ديه علية العوض :)

ربنا يخليني ليكوا و ميحرمكوش مني ابدا

انا فعلا حعمل كده كل منزل و حطمن عليه