مشروع معروض عليا ومحتاج رأيكم فيه

**أبوسيف** · 16-09-2007 07:58 PM

واحد صاحبى عارض عليا مشروع وهو انى أشترى عربية تويوتا كورولا 2007 زيرو وأجرها لشركة بترول بعقد مدته 3 سنين ب 6000 جنيه فى الشهر شاملة سواق ، أنا عارف طبعا ان العربية فى ال 3 سنين دول هاتشتغل شغل 20 سنة وأقل حاجة هاتعملها 250-300 الف كيلو. بس انا برده بقول ان حتى لو دة حصل واتباعت العربية بعد كدة ب 50 الف مثلا او اقل فهى كدة كدة جابت تمنها وزيادة وأى مبلغ هاتتباع بيه بعد كدة هايبقى مكسب ، بصراحة الموضوع داخل دماغى وفى نفس الوقت متردد لأن الموضوع جديد عليا ،فهل يا ترى حد عمل حاجة زى كدة قبل كدة أو اى حد عنده معلومات عن الموضوع دة ياريت يفيدنى.

**mina_ramsis** · 16-09-2007 08:03 PM

طب و بنزينها و السواق مين اللى هيحسبوا و صيانة العربية عليك و لا عليهم

**Ahmed Anwer** · 16-09-2007 08:42 PM

لو العقد في ايدك لمدة تلات سنين ، أنزل اشتري العربية فورا
كده العربية هتعمل في التلت سنين 216000 ،
عايز أيه تاني ، إنشاءالله ما اتباعت بعدها ،
بعدين مش شرط إنهم يدوهالك خردة ، لأن الإحتمال الأكبر إنهم بيأجروها لمدير أو مهندس ، ممكن تكون بتعمل مشوار واحد في اليوم

**mina_ramsis** · 16-09-2007 09:16 PM

طب و المخالفات

**3mr Farrag** · 16-09-2007 09:16 PM

طيب ممكن افهم ليه الشركه ماتشتريش العربيه بدل التأجير ده.....علي الاقل يجيبوها تقسيط
يريت حد يفهمني الموضوع ده

**AlmAhAtmA** · 16-09-2007 09:29 PM

المشاركة الأصلية كتبت بواسطة 3mr Farrag

طيب ممكن افهم ليه الشركه ماتشتريش العربيه بدل التأجير ده.....علي الاقل يجيبوها تقسيط
يريت حد يفهمني الموضوع ده

السيارات احدي الاصول الثابته
بعض الشركات ما بتحبش ترهق الميزانيه ببنود فرعيه للاصول الثابته
اغلب شركات البترول بتلجا للايجار العادي في موضوع العربيات
احب اقول لك ان العربيه حتكون في خير حال و دي تجربه صديق لي اتوسط له في احدي الشركات اللي كنت شغال فيها و كان داخل ب 3 عربيات و للصدفه كانوا تويوتا كرولا
الصيانه الدوريه و السواق الكويس و ربنا يبارك لك
بس يا ريت يكون عندك معلومات عن الشركه
يعني موجوده في مصر لمده قد ايه
المواقع اللي بتشتغل فيها فين و المركز الرئيسي فين
جنسيه الناس اللي حتركب العربيه
انواع العربيات المؤجره في المشروع
ربنا يبارك لك

**أبوسيف** · 16-09-2007 09:31 PM

اللى فهمته لغاية دلوقتى ان البنزين والصيانة الدورية عليهم ، إنما مرتب السواق عليا انا ، يعنى ال 6000 شاملة مرتب السواق.
ما سألتش بخصوص المخالفات بس أعتقد طالما السواق انا اللى هاجيبه يبقى المخالفات عليا ، أعتقد لو السواق من عندهم يبقى هما اللى يتحملوا المخالفات.

**mina_ramsis** · 16-09-2007 09:36 PM

اللى فهمته لغاية دلوقتى ان البنزين والصيانة الدورية عليهم ، إنما مرتب السواق عليا انا ، يعنى ال 6000 شاملة مرتب السواق.
ما سألتش بخصوص المخالفات بس أعتقد طالما السواق انا اللى هاجيبه يبقى المخالفات عليا ، أعتقد لو السواق من عندهم يبقى هما اللى يتحملوا المخالفات

طب ما تخليهم يقللوا ال 6000 جنيه دول مرتب السواق و يجيبوا هما السواق علشان ممكن سواق مايبقاش عنده ضمير يكلفك اللى هتكسبه كله مخالفات

**AlmAhAtmA** · 16-09-2007 09:37 PM

المشاركة الأصلية كتبت بواسطة أبوسيف

اللى فهمته لغاية دلوقتى ان البنزين والصيانة الدورية عليهم ، إنما مرتب السواق عليا انا ، يعنى ال 6000 شاملة مرتب السواق.
ما سألتش بخصوص المخالفات بس أعتقد طالما السواق انا اللى هاجيبه يبقى المخالفات عليا ، أعتقد لو السواق من عندهم يبقى هما اللى يتحملوا المخالفات.

تمت دراسه ابعاد المشروع تحت الصلعه ( اللي هيه دماغي )
و احب اقول لك مبروك قريب
ضبط سواق كوباره كده و يكون شديد و علي بركه الله
يالا يا عم انت لسه ما نزلتش
علي فكره انا محلل دراسات جدوي و بقول لك يالا
اشتري العربيه قسط مش كاش علشان يبقي الكلام هات و خد و الفرق في الجيب

**3mr Farrag** · 16-09-2007 09:37 PM

و طبعا لازم تعمل تأمين شامل علشان تريح دماغك و اوفرلك برضوا لو حصل اي مشكله لقدر الله.....

الموضوع: مشروع معروض عليا ومحتاج رأيكم فيه

LinkBack

أدوات الموضوع

عرض

-

-

-

-

-

-

-

-

المواضيع المتشابهه

معروض عليا لانسر 2008 ومحتاج رأيكم

معروض عليا ميجان ii اية رأيكم !

معروض عليا تويوتا ايكو 2000 ومحتاج راي الخبراء

معروض عليا الa4 بسعر حلو إيه رأيكم

معروض عليا 405 مو89 ....ايه رأيكم فيها

الكلمات الدلالية لهذا الموضوع

المفضلات

المفضلات

ضوابط المشاركة