انا عندى مشكله

**mrghost** · 14-04-2009 10:33 PM

السلام عليكم ورحمة الله وبركاته
ياجماعه انا عندى مشكله مضيقانى جدا جدا واتمنى ان يكون ليها حل
انا السنه دى فى بكارليوس هندسه والحمد لله ولد وحيد وماليش جيش
وربنا كرمنى ولاقيت واحده زميلتى فى الكليه على خلق ودين ومؤدبه وكلمتها ووافقت وبعدها كلمت اهلى ووافقوا هما كمان مع انى كنت خايف من اهلى لميوفقوش
المشكله دلوقتى انها لما كلمت اهلها رفضوا بحجه انى مش جاهز يعنى مبشتغلش
والحمد لله عندى شقه وظروفى كويسه الحمد لله واكيد ان شاء الله ربنا مش هيضيع تعبى وباذن الله الاقى شغل لما اتخرج وانا وهى مش عارفين نذاكر او نركز بسبب الموضوع ده ومش عارف اعمل ايه اكتر من كده ياريت تساعدونى

**nazaryia** · 14-04-2009 11:56 PM

ايه المشكله ممكن موضوع الارتباط النهائي يعني الجواز يبقي بعد متلاقي وظيفه كويسه و لحد متلاقي كده يبقي خطوبه و دبل
او لو الاهل مش موافقين علي ده يبقي تستنوا انتوا الاتنين لحد متخلصوا علي وعد ان محد يرتبط لحد متلاقوا حل
المهم في الفتره دي الحاجه الاهم هي مستقبلكوا الدراسي لان التفوق فيه هو اللي هيمهد باذن الله لحياه كريمه
و ربنا يوفقكوا لما فيه الخير انتوا الاتنين

**Samah AbdAllah** · 14-04-2009 11:59 PM

انت فى اخر سنة والامتحانات قربت ركزوا فى الامتحانات وان شاء الله لما تخلص تلاقى شغل
وساعتها مش هيبقا فى سبب للرفض

**Tam** · 15-04-2009 05:16 AM

السلام عليكم..أنا رأيي الخاص إنك تذاكر أكتر من الأول كمان!
عشان تثبت لهم إنك واخد الموضوع جد وإن شاء الله تتخرج وبتقدير وتلاقي شغل أو حتى تعمل مشروع
المهم إن رفضهم للسبب دة المفروض يبقى دافع ليك..مش مثبط لعزيمتك
إعقلها وتوكل..المذاكرة أولا..النجاح إن شاء الله ثانيا..وبعد كدة ربنا مش هيضيع مجهودك أبدا!
ركز يا باشمهندس :)
السلام عليكم

**mrghost** · 15-04-2009 08:42 AM

شكرا ياجماعة على الردود بس المشكله انها اتقدملها واحد من فتره قريبه وكانوا خلاص هيوفاقوا عليه ولولا هى تعبت وزعلت كانوا وافقوا بدون تردد فده اللى مخوفنى انا خايف من اهلها مش هى لانى متأكد منها بس المشكله فى اهلها ممكن يوافقوا على اى حد يتقدم فى الوقت ده ويبقى انا كده معملتش حاجه

**Mohd_Adel_Amin** · 15-04-2009 10:04 AM

رأيي الشخصي ليك واتمنى ان يكون الصواب ..
ان تفوض امرك لله وتركز اكثر .. موضوع الأهل واضح انهم متمسكين برأيهم وبالتالي مترهقش نفسك بالمحاولات الغير مجدية , اتفق مع زميلتك على انك بإذن الله هتتقدم بمجرد انك تتوظف , وحاول من اللحظة دي انك تقلل من مقابلتها علشان اعصابك ترتاح وتقدر تركز في الكلية اكثر انتا في اخر سنة يعني عندك مشروع ولازم تركز فيه ..
بس قولي انتا في قسم ايه وكلية ايه ولو كنت اقدر اساعدك من دلوقتي في اني اشوفلك فرصة عمل اول ماتتخرج هكون سعيد جدا جدا ..

**PoweRPassioN** · 15-04-2009 10:18 AM

انا بس عايز اقولك حاجتين""عشان تطمن وتحط في بطنك بطيخه صيفي""

1.محدش بيجوز غير مراته.
2."ما اخطأك لم يكن ليصيبك وما اصابك لم يكن ليخطأك"

لو في زميلتك دي بالذات الخير ليك كزوجه وام لاولادك ادعي ربنا ييسر الظروف كلها ليكم ويتتمم بالخير
لو في غيرها يبقى ارضى باختيار الله لك تسعد دنيا واخره

وربنا يوفقك وينولك اللي نفسك فيه

**M.Mokhtar** · 15-04-2009 06:01 PM

انا من رأيى تركزوا فى دراستكوا

عشان لا قدر الله لو ضيعت دراستك هى هتضيع منك
يبقى ضيعت كل حاجة فى حياتك

ركز الاول فى اللى هيوصلك ليها
دراستك اللى هتوصلك للشغل والاتنين هيوصلوك للارتباط بالانسانه اللى بتحبها

كل حاجة بايد ربنا
اعمل اللى عليك بس وربنا يقدم اللى فيه الخير

**mood_8210** · 15-04-2009 06:28 PM

حالك من حالى بس انا الفرق انى فاضلى سنتين فى الكلية و الحمد لله عندى الشقة و بردو فاضلى الشغل بس انا اخدت مبدا و ماشى بية
اللى ربك عايزو هو اللى حيكون متبصش لورا و متبصش للسلبيات بص انت ناقصك اية و حاول تكملة
انت الوحيد اللى تقدر تخرجها و تخرج نفسك من القلق دة بكلمتين حلوين منك اديها شوية امل عشان تذاكر و تشد حيلها و انت لما تلاقيها مبسوطة انت كمان حتنبسط و تشد حيلك و تذاكر و تدور على شغل و ان شاء الله تكون هى ليك و انت ليها
و يارب سهلنا الحال كلنا و ادى كل واحد على قد نيتة
قولوا امين

الموضوع: انا عندى مشكله

LinkBack

أدوات الموضوع

عرض

-

-

-

-

-

-

-

المواضيع المتشابهه

عندى مشكله تأخر الدواره صباحا و مشكله تانيه فى السخونيه

عندى مشكله

عندى مشكله

الكلمات الدلالية لهذا الموضوع

المفضلات

المفضلات

ضوابط المشاركة