-
مجرد ملاحظة .....
السلام عليك يا جماعة الخير...
عندي ملاحظة واحدة بس ... و للاسف سلبية .
و هي اني لاحظت في اخر كام يوم و على مدى مداخلاتي المتواضعة للمنتدى الاخوي الجميل و قرائتي للمواضيع و المناقشات المفيدة . ان احيانا و للاسف كثيرا ان يحصل الكثير من حالات سوء التفاهم و(الشد) بين بعض السادة الاعضاء و بيدوم لاوقات و مداخلات كتيرة جدا ..
هل ملاحظتي دي حقيقية و لا متهيألي ؟؟؟؟ و لا بالصدفة مواضيعي جت كلها مشاكل (حظي يعني )
انا رغيت كتير :oops: معلش بس ده من غيرتي على المنتدى الي ربنا وحده يعلم انه مهون على الواحد اد ايه في الغربة . بجد .
وارجو ان يكون جو المنتدى اخوي دائما .. زي ما انا حاسس تجاه كل الاعضاء
و كل عام و انتم بخير
-
و عليكم السلام و رحمة الله و بركاته
فعلا ملاحظتك فى محلها وده فعلا خطأ يقع فيه البعض و أرجوا من جميع الأعضاء أن يتحلوا بسعة الصدر فى تلقى المشاركات فهدف المنتدى هو الحوار الحضارى العاقل وليس إثبات أن عربيتى أحلى من عربيتك أو عربيتى أسرع أو أو أو الكلام إللى كلنا بيشوف أطفال إبتدائى بيعمله ده المفرود إن إحنا أكبر من كده و أى نقاش لازم يتحلى بروح أسرية كما تعودنا من كل الأعضاء لكن جو الشد و الجذب ده مرفوض شكلا و موضوعا و أكيد محدش فينا هايكسب أو يخسر لما يقول أنا عربيتى فيها مميزات كذا و عيوب كذا لكن إللى مسبب مشاكل إن كل واحد بيقيس المميزات و العيوب من خلال تجاربه الشخصية و فقط و التى من الممكن أوى تكون غير كافيه و لو فكرنا حبه بس هانلاقى إن إحنا بتغير آرئنا من وقت لآخر لاغير خبراتنا و لو ده مش بيحصل يبقى فى خلل عند الشخص الذى رأيه لا يتغير مع مرور الوقت و إكتساب الخبرات
مش عييب أبدا إنى أكون إشتريت عربية و بعد ما دفعت فيها كل إللى حيلتى إكتشفت إنها مش أد كده أفضل أكابر و أقول بس و أصل ده عييب كبير أوى لكن لو قولت و وعيت من حولى بالخطأ إللى أنا وقعته ده مع إنتشار خبراتنا دى و كل واحد يقول خبراته الكويسة و الوحشة أكيد ده هايجبر الشركات إنها تحسن من نفسها لسبــــــــــــــــــب واحد : "لما يكون المستهلك عنده الوعى الكافى ذى المستهلك الأوروبى أو الأمريكى ده بيجبر الشركات إن تقدم منتج محترم لأن المستهلك مش هايشترى غير المنتج الجيد" :arrow: :arrow: :arrow:
-
كلام مظبوط تمام يا محمود ومعلش بقى يا استاذ سبكي بس في ناس فعلا مش بتتحلى بسعة الصدر
ولو الواحد قفش على كل واحد يهاجمه هانتحول من افادة الناس الى قعدة فض منازعات
ربنا يهدينا جميعا الى ما فيه الخير والصواب ويخلى دخلة رمضان على الناس انها تتحلى بالسكينة شوية وسعة الصدر
-
للاسف يا استاذ سبكى ان الموضوع دة مش فى المنتدى بس, دة فى كل حتة فى مصر سواء فى الشارع او فى الشغل او او او... الخ
يا ريت كل واحد فينا يبقى متسامح اكتر من كدة ويبقى عنده سعة صدر اكتر من كدة ولو انى عارف ان ضغوط الحياة بتعمل اكتر من كدة فى الناس بس هنقول ايه بقة, الحمدلله على كل شىء ولنبدأ بأنفسنا.
-
ربنا يتقبل دعواتكم بالهداية للاعضاء و لكل الناس يا رب
:D :D :D
-
موضوع الشد ده طبيعي في كل مكان لأن كل واحد له وجهة نظر قد تختلف عن الآخرين , لكن في الحقيقة انا بلاقي ناس كتير بتعتذر بعد أي شد أو على الأق بتحاول تعتذر .. و دي روح كويسه ..
بس مش معنى كده ان انا مع الشد ...
رمضان كريم...
Content Relevant URLs by
vBSEO 3.6.0 PL2