ايـــــــــــــــه فـيـــــــه ايــــه ... ما أنا مديك اشارة

موضوع مهم قوي وشاغلني عايز اخد رأي اعضاء المنتدى فيه

وهو هل كفاية ان الأفندي اللي سايق جنبك يكسر عليك بغشومية رهيبة ولما تبص له او تكلمه يقول لك العبارة المشهورة اللي بترفع ضغط دمي :

ايه فيه ايه .. ما انا مديك اشارة

يعني ببساطة انا مفهومي عن الاشارة دي .. ان اللي سايق في الحارة الوسطانية مثلا في الشارع وعايز يدخل شمال على الحارة السريعة فيدي اشارة ماشي انما - حسب مفهومي - ده مش كفاية ابدا ولا ده كل اللي لازم يعمله انما لازم يبص ويشوف هل اللي على شماله ده ظروفه تسمح يدخله ولا لأ

يعني بمعنى اوضح انا باعتبر ان الاشارة دي استئذان او طلب من اللي على شمالك انه يسمح لك تغير حارتك وتدخل قدامه وهو بأه حسب ظروفه يا يسمح يا ميسمحش

انما مفهوم الأخوة اصحاب الجملة المشهورة فهو انه طالما اداني اشارة فكده خلاص عمل اللي عليه وبالتالي يدخل في اي وقت ويكسر براحته والعربيات اللي في الحارة اللي داخل عليها تنحرق بجاز

الحقيقة الموضوع ده غايظني جدا وعايز اخد رأيكم فيه - هل انا مبالغ او غلطان في رأيي ؟ وهل الاشارة دي فعلا كده خلاص تخليه من حقه يدخل براحته ؟

منتظر ردودكم

طيب انا هقولك على حاجه تانيه كمان

ان لما واحد يبقى ماشي في الحارة بتاعته اين كانت وفجأة يلاقي حاجه في حارته هتوقفه يروح كاسر على الحارة اللي جمبه واللي انت ماشي فيها وانت ممكن تكون جاي بسرعه اعلى منه ولما تكلكسله يروح مشاور بإيده ويقولك براحه ياعم انت هتنط من فوق العربيات .......................

طيب مين اللي براحه طيب انت مسمحتش لنفسك انك تفرمل وجيت على حارة اللي جمبك وسمحت لنفسك انك تخلي غيرك يفرمل بدالك
طيب هو مين اللي نصيبه وقدره ان حارته وقفت انت ولا هو

عالعموم انت قدرك انك عايش معاهم

والله الحق بقه صعب انك تشوفه في عيون الناس وتعاملتهم بالذات الفئة دي من الناس

والله يا باشمهندس طارق الشارع المصرى كله أصبح ملئ بالأخطاء الجسيمة و التى يعتقد البعض أنها شئ عادى و طبيعى و صواب أيضا

طب تعمل إيه فى إللى بيحدف عليك و بدون داعى و بدون إشارة كمان !! و لما تكلمه مش عاجبه بل و ممكن يلفظ ألفاظ بزيئه و إنت بتكلمه بتقوله فيه إيه بس يدخل فيك شمال و يقل أدبه و و و

بجد الواحد كره السواقة فى البلد دى

بصراحة الواحد بيشوف فى الشارع حاجات كثير عجيبة
يعنى مثلا و انت ماشى فى طريقك عاى و واحد يطلع من شارع فرعى و مش ياخذ اول حارة بس لا ده بيرمى لثانى و ثالث حارة و يبقى مش عاجبه لما تديله كلاكس و لا نور

بعد قراءة الموضوع دة تمنيت انى كنت اشتريت شروكى و هرست كل الناس دى :twisted: :twisted: :twisted:

MMamdouh

فى كمان سواقين -خصوصا الستات - يحتلوا الشمال و يمشوا زى السلحفة و يدوا اشارة شمال كأنها أعلان انهم خلاص احتلوا الشمال احتلال شرعى بما انهم مديين اشارة و النوع ده لما بكون فاضى باجى قصادهم و امشى على سرعة 10 كم و اشغل الأنتظار :lol: :lol: :lol: مش الأشارة.

الحل يا محمد فى حاجة من دوول :

يا تجيب طائرة فيها مدافع نابلم و تولع فى البلد و تنضفها من العك ده :)

يا تسافر بلد نضيفه و رايئه مش زحمه زى أستراليا و تشترى دماغك

يا تجيب عربية Monester و دى بجد هاتدوس على أى عربية حتى لو كانت هامر

يا تصبر و تسكت لحد ما تموت بحرقة دمك

والله يا جماعة اشكركم جدا على الردود لأن كده يتحقق المثل اللي بيقول مين شاف بلوة غيرة تهون عليه بلوته

صحيح انا عايش في البلد دي ومع كل مشوار بيكون فيه حرقة دم انما الظاهر ان الجميع برضه بيعاني زيي

الشيء الغريب بأه واللي انا ملاحظه دلوقتي ان من كام سنة قليلة كنا بنقول سواقين الميكروباص ولاد الكذا بيعملوا ويعملوا في الشارع

دلوقتي الحقيقة سواق الميكروباص بأه زي سواق التاكسي زي سواق الأتوبيس - لحد هنا والموضوع عادي برضه - انما الجديد بأه واللي جد على الشارع المصري من اقل من سنة اعتقد هو ان المواطن العادي اللي راكب ملاكي سواء عربية فخمة او عادية بأه بيسوق زيهم بالظبط يعني بقينا في سيرك

من احد علامات السيرك الجميلة والمضحكة المبكية اول لما الناس تلاقي شارع اتزحم (ويكون اتجاه يمين واتجاه شمال بينهم رصيف) تلاقيهم عملوا للخلف در (في الاتجاه اليمين) وجايين في وشك عادي جدا (اصلها مقفولة قدام)
بصراحة اول لما باشوف المنظر ده ببقى عايز اضحك من المسخرة اللي بقت في الشوارع دون اي ظابط ولا رابط

واصبح القانون الوحيد للمرور واللي الجميع متفق عليه هو (كل واحد يعمل اللي هو عاوزه)

ربنا يلطف بينا ويصلح الحال

عندما يغيب النظام فإن الحكم و الغلبة لقانون الغاب و من كان نابه أطول و أكبر و أقوى فله الغلبة :arrow:

انا امبارح واحد ادى اشارة شمال

و بص قى مرايته اتأكد ان شماله فاضي قبل ما يكسر
و بعدين كسر بشويش شمال - زي الكتاب مابيقول يعني
أنا بقيت حتجنن - با عالم - با خلق - اية الجنان دا
و بقت مشكلة و الناس خلصتنا من بعض بصعوبة
بس الناس فهمتوا انو غلطان و كدا و عرفوه الاصول

و الراجل اعتذر و قال انو ماكنش يعرف ان الاشارة الشمال في مصر تديها بعد اما تكسر يمين
:wink:

:lol: :lol: :lol: :lol: :lol: :wink: :wink:


_________________________
العضو المحترم,
اللون الأحمر مخصص للرسائل الإدارية فقط
برجاء مراجعة القواعد

مشرف القســـــــــم العــــــــــــــــــام

حضرتك جرب تدي إشارة شمال عشان عايز تخش في شارع شمالك
اللي جاي من وراك للاسف بيسرع بأقصي سرعة عشان يضيع عليك الفرصة دي
أعتقد المفروض إني لما ادي إشارة شمال يبقي أنا هاخش شمال مش بستأذن عشان أخش شمال ،
و هو و ذوقه يسمحلي أو ما يسمحليش

حضرتك جرب تدي إشارة شمال عشان عايز تخش في شارع شمالك
اللي جاي من وراك للاسف بيسرع بأقصي سرعة عشان يضيع عليك الفرصة د


^^^^^^^^^ بجد انا لاحطت دي بقووووه تدي اشاره تلاقيهمم بيسرعوا بس عشان انت متدخلش !!!!!!! :evil: :evil: :evil:

اقتباس:

---

تمنيت انى كنت اشتريت شروكى و هرست كل الناس دى

---

الشيروكى مش كفاية الموضوع عايز دبابة.

يا جماعة انتوا نسيتوا ولا اية احنا فى مصر !!!!!!!!!!!!!!!!!!!

اقتباس:

---

حضرتك جرب تدي إشارة شمال عشان عايز تخش في شارع شمالك
اللي جاي من وراك للاسف بيسرع بأقصي سرعة عشان يضيع عليك الفرصة د


^^^^^^^^^ بجد انا لاحطت دي بقووووه تدي اشاره تلاقيهمم بيسرعوا بس عشان انت متدخلش !!!!!!!

---

والله يا تربو انا لما اشوف في المراية واحد قريب مني وماشي ورايا بقالة فترة "مش بحب حد يمشي ورايا :D " اقوم مدي اشارة في الحارة الفاضية وعلطول الاقية شد وعداني :D :D ميعرفش انة كدة بيخدمني :mrgreen: :mrgreen: واضح ان دي عادة مكتسبة في اغلب الشعب المصري.!!

اقتباس:

---

وهو هل كفاية ان الأفندي اللي سايق جنبك يكسر عليك بغشومية رهيبة ولما تبص له او تكلمه يقول لك العبارة المشهورة اللي بترفع ضغط دمي :

ايه فيه ايه .. ما انا مديك اشارة

---

دة يبقى حلو اوي لو اداك اشارة اصلاً!! لسة انهاردة الصبح واكد كسر عليا جامد في ملف لدرجة اني كبست فرامل على الاخر وكلكستلة، فبيشارلي في المراية بيقولي "في اية"؟؟! كان نفسي الوشة بجد، حاجة تحرق الدم.

اقتباس:

---

المشاركة الأصلية كتبت بواسطة Nader

اقتباس:

---

وهو هل كفاية ان الأفندي اللي سايق جنبك يكسر عليك بغشومية رهيبة ولما تبص له او تكلمه يقول لك العبارة المشهورة اللي بترفع ضغط دمي :

ايه فيه ايه .. ما انا مديك اشارة

---

دة يبقى حلو اوي لو اداك اشارة اصلاً!! لسة انهاردة الصبح واكد كسر عليا جامد في ملف لدرجة اني كبست فرامل على الاخر وكلكستلة، فبيشارلي في المراية بيقولي "في اية"؟؟! كان نفسي الوشة بجد، حاجة تحرق الدم.

---

• :lol: :lol: :lol: :lol: :lol: :lol: :lol: :lol: :lol: :lol: :lol:
  اكتر حاجة وانت ماشى وفى حد ماشى وراك والطريق واقف وبيمشى
  
  خطوة خطوة وهو عمال يكلكس يا ابن الحلال الطريق واقف ابدااا
  
  عاوز ينط عليك ويعدى وكمان لما تيجى تدى اشارة شمال ماحدش بيرضى
  
  يعديك كلو بيجرى علشان كده لازم تنتهز الفرصة وتعدى بسرعة قبل ما يقفل عليك

_____________________
العضو المحترم ,
اللون الأحمر مخصص للرسائل الإدارية
حضرتك عضو قديم !

مشرف القســــــــــم العــــــــــــــام

بالنسبه للاشاره انا اكتر حاجه بتغيظني غباء الناس واللي بيحصل
يعني مثلا ادي اشاره يمين عشان داخل في الاشاره يمين والاشاره واقفه ومسموح لدخول اليمين فقط الاقي واحد غبي جدا قام طالع ومرضاش يعديني ووقف اول صف في الاشاره ومستني تفتح وهو اصلا مفروض مايقفش قيها غير اللي داخل يمين بس :|
ونفس الكلام في اليو ترن لما خلاص داخل شمال ومدي اشاره الاقي واحد لازق في الشمال وعايز يطلع طوالي مش يلف ويضرب كلاكس كأني انا اللي عملت حاجه غلط اني عايز ادخل يو ترن
بجد غبااااااااااااء :shock:

اكيد ده احسن من اللي مبيديش اشاره ومرايته مقفوله

مع احترامى للجميع من يحمل مؤهلا أيا كان نوعه ومستواه ولكن التعليم فعلا يوسع مدارك الفرد ومتطلبات العصر يعنى زمان كان اللى معاة ابتدائية أحسن ليه علشان مخه بيشتغل انما لما الواحد معدوش أساسا ثقافة مش شرط تعليم المدارس يعنى فاهم وعنده تصور وأدراك وقراءات بيرقى بنفسه وبعقله ...

مش قصدى ان المجتمع يبقى كله دكاترة بس يبقى فيه محو للجهل مش محو للامية ...
محو الامية ... بقينا ببغاء بيعرف يقرأ فقط ...
محو جهل .... التحول الى مجتمع يحمل الحد الدنى من الثقافة ....

TEA

حضرتك هو فكر البلطجة و إنعدام الذوق هو السبب في الممارسات دي
للأسف مش بس سواقين الميكروباسات و الأجرة هما اللي كده
جرب مثلآ تخشي في شارع ميخدش غير عربية واحدة
تلاقي اللي جي في وشك بيجري و يقلبلك ال يعني أمر واقع عشان يبقي في وشك و انتا أساسا في نص الشارع و الأجدع هوا اللي يرجع التاني
حصلتلي كذا مرة و باضطر ارجع عشان انا من النوع المسالم
رغم إني عمري ما بعمل كده لو حد جاي في وشي استناه لما يعدي أو اخد أقصي جنب ممكن و انتظره عشان يعدي
عشان مشهستفيد حاجة من عطلته و عطلتي و غير إحتمالات إننا نجرح بعد
رغم إن الذوق و الأخلاق في السواقة أفضل انتا هتمشي و انا هامشي و نشكر بعض علي التعاون بتبقي حاجات جميلة

أنا فى حاجة ملاحظها من يوم نا ابتديت اسوق و نفسى حد يجاوب
هل الاشاره شتيمة؟؟
يعنى لو شمالى فاضى واديت اشارة عشان انقل الحارة الشمال دى فيها اهانة للى جاى من بعيد؟
لما بدى اشارة الجاى من ورا بيكبس بنزين على الآخر عشان مل يدنيش فرصة و كأنه بيقول لى "عيب عليك مش أنا اللى عربيتك تبقى قدام عربيته"
بجد بحس ان الاشارة بتفضح نواياك للاعداء زى ما بيقولوا
لو دى أهانة حد ينورنى عشان ابطل اشتم الناس من غير قصد :shock:

اقتباس:

---

المشاركة الأصلية كتبت بواسطة أبو عبدالله

طيب انا هقولك على حاجه تانيه كمان

ان لما واحد يبقى ماشي في الحارة بتاعته اين كانت وفجأة يلاقي حاجه في حارته هتوقفه يروح كاسر على الحارة اللي جمبه واللي انت ماشي فيها وانت ممكن تكون جاي بسرعه اعلى منه ولما تكلكسله يروح مشاور بإيده ويقولك براحه ياعم انت هتنط من فوق العربيات .......................

طيب مين اللي براحه طيب انت مسمحتش لنفسك انك تفرمل وجيت على حارة اللي جمبك وسمحت لنفسك انك تخلي غيرك يفرمل بدالك
طيب هو مين اللي نصيبه وقدره ان حارته وقفت انت ولا هو

عالعموم انت قدرك انك عايش معاهم

والله الحق بقه صعب انك تشوفه في عيون الناس وتعاملتهم بالذات الفئة دي من الناس

---

ده بقى ثقافه تصدير المشاكل يعنى لما واحد الطابور بتاعه يقف يقوم داخل على الحاره اللى جانبه ويخلى اللى وراه يضرب فرامل وبكده هو صدر المشكله لواحد تانى زى اللى بيمشى معاكس نفس النظريه انه عاوز يروح مكان معين اسرع فيقوم ماشى معاكس ويصدر المشكله
لواحد تانى ويعرضه للخطر وكذلك اللى بيركن صف تانى وقافل على واحد ملوش اى زنب هو اللى ركن صف تانى صدر مشكلته انه مش لاقى مكان يركن فيه وصدر المشكله لواحد تانى انه مش هيقدر يتحرك بعربيته

اقتباس:

---

المشاركة الأصلية كتبت بواسطة sabbagh

أنا فى حاجة ملاحظها من يوم نا ابتديت اسوق و نفسى حد يجاوب
هل الاشاره شتيمة؟؟
يعنى لو شمالى فاضى واديت اشارة عشان انقل الحارة الشمال دى فيها اهانة للى جاى من بعيد؟
لما بدى اشارة الجاى من ورا بيكبس بنزين على الآخر عشان مل يدنيش فرصة و كأنه بيقول لى "عيب عليك مش أنا اللى عربيتك تبقى قدام عربيته"
بجد بحس ان الاشارة بتفضح نواياك للاعداء زى ما بيقولوا
لو دى أهانة حد ينورنى عشان ابطل اشتم الناس من غير قصد :shock:

---

معظم دول العالم مانعه تحركك فى الحارات فى الشارع بمعنى ان لو الصف بتاعك وقف متغيرش حارتك حتى لو بقيه الحارات ماشيه ووقفت انت ساعه ،انما علشان تغيير حارتك لازم تدى اشاره قبل دخولك فى الحاره الجديده ب 50 متر على الاقل