ايـــــــــــــــه فـيـــــــه ايــــه ... ما أنا مديك اشارة

**مصراوي جدا** · 17-09-2007 11:58 AM

موضوع مهم قوي وشاغلني عايز اخد رأي اعضاء المنتدى فيه

وهو هل كفاية ان الأفندي اللي سايق جنبك يكسر عليك بغشومية رهيبة ولما تبص له او تكلمه يقول لك العبارة المشهورة اللي بترفع ضغط دمي :

ايه فيه ايه .. ما انا مديك اشارة

يعني ببساطة انا مفهومي عن الاشارة دي .. ان اللي سايق في الحارة الوسطانية مثلا في الشارع وعايز يدخل شمال على الحارة السريعة فيدي اشارة ماشي انما - حسب مفهومي - ده مش كفاية ابدا ولا ده كل اللي لازم يعمله انما لازم يبص ويشوف هل اللي على شماله ده ظروفه تسمح يدخله ولا لأ

يعني بمعنى اوضح انا باعتبر ان الاشارة دي استئذان او طلب من اللي على شمالك انه يسمح لك تغير حارتك وتدخل قدامه وهو بأه حسب ظروفه يا يسمح يا ميسمحش

انما مفهوم الأخوة اصحاب الجملة المشهورة فهو انه طالما اداني اشارة فكده خلاص عمل اللي عليه وبالتالي يدخل في اي وقت ويكسر براحته والعربيات اللي في الحارة اللي داخل عليها تنحرق بجاز

الحقيقة الموضوع ده غايظني جدا وعايز اخد رأيكم فيه - هل انا مبالغ او غلطان في رأيي ؟ وهل الاشارة دي فعلا كده خلاص تخليه من حقه يدخل براحته ؟

منتظر ردودكم

**memo_hefnawy** · 17-09-2007 12:08 PM

والله يا باشمهندس طارق الشارع المصرى كله أصبح ملئ بالأخطاء الجسيمة و التى يعتقد البعض أنها شئ عادى و طبيعى و صواب أيضا

طب تعمل إيه فى إللى بيحدف عليك و بدون داعى و بدون إشارة كمان !! و لما تكلمه مش عاجبه بل و ممكن يلفظ ألفاظ بزيئه و إنت بتكلمه بتقوله فيه إيه بس يدخل فيك شمال و يقل أدبه و و و

بجد الواحد كره السواقة فى البلد دى

**ihab** · 17-09-2007 12:10 PM

بصراحة الواحد بيشوف فى الشارع حاجات كثير عجيبة
يعنى مثلا و انت ماشى فى طريقك عاى و واحد يطلع من شارع فرعى و مش ياخذ اول حارة بس لا ده بيرمى لثانى و ثالث حارة و يبقى مش عاجبه لما تديله كلاكس و لا نور

**MMamdouh** · 17-09-2007 12:20 PM

بعد قراءة الموضوع دة تمنيت انى كنت اشتريت شروكى و هرست كل الناس دى :twisted: :twisted: :twisted:

MMamdouh

**memo_hefnawy** · 17-09-2007 12:32 PM

الحل يا محمد فى حاجة من دوول :

يا تجيب طائرة فيها مدافع نابلم و تولع فى البلد و تنضفها من العك ده :)

يا تسافر بلد نضيفه و رايئه مش زحمه زى أستراليا و تشترى دماغك

يا تجيب عربية Monester و دى بجد هاتدوس على أى عربية حتى لو كانت هامر

يا تصبر و تسكت لحد ما تموت بحرقة دمك

**مصراوي جدا** · 17-09-2007 01:27 PM

والله يا جماعة اشكركم جدا على الردود لأن كده يتحقق المثل اللي بيقول مين شاف بلوة غيرة تهون عليه بلوته

صحيح انا عايش في البلد دي ومع كل مشوار بيكون فيه حرقة دم انما الظاهر ان الجميع برضه بيعاني زيي

الشيء الغريب بأه واللي انا ملاحظه دلوقتي ان من كام سنة قليلة كنا بنقول سواقين الميكروباص ولاد الكذا بيعملوا ويعملوا في الشارع

دلوقتي الحقيقة سواق الميكروباص بأه زي سواق التاكسي زي سواق الأتوبيس - لحد هنا والموضوع عادي برضه - انما الجديد بأه واللي جد على الشارع المصري من اقل من سنة اعتقد هو ان المواطن العادي اللي راكب ملاكي سواء عربية فخمة او عادية بأه بيسوق زيهم بالظبط يعني بقينا في سيرك

من احد علامات السيرك الجميلة والمضحكة المبكية اول لما الناس تلاقي شارع اتزحم (ويكون اتجاه يمين واتجاه شمال بينهم رصيف) تلاقيهم عملوا للخلف در (في الاتجاه اليمين) وجايين في وشك عادي جدا (اصلها مقفولة قدام)
بصراحة اول لما باشوف المنظر ده ببقى عايز اضحك من المسخرة اللي بقت في الشوارع دون اي ظابط ولا رابط

واصبح القانون الوحيد للمرور واللي الجميع متفق عليه هو (كل واحد يعمل اللي هو عاوزه)

ربنا يلطف بينا ويصلح الحال

**Casio2000** · 17-09-2007 10:03 PM

انا امبارح واحد ادى اشارة شمال

و بص قى مرايته اتأكد ان شماله فاضي قبل ما يكسر
و بعدين كسر بشويش شمال - زي الكتاب مابيقول يعني
أنا بقيت حتجنن - با عالم - با خلق - اية الجنان دا
و بقت مشكلة و الناس خلصتنا من بعض بصعوبة
بس الناس فهمتوا انو غلطان و كدا و عرفوه الاصول

و الراجل اعتذر و قال انو ماكنش يعرف ان الاشارة الشمال في مصر تديها بعد اما تكسر يمين

:lol: :lol: :lol: :lol: :lol:

_________________________
العضو المحترم,
اللون الأحمر مخصص للرسائل الإدارية فقط
برجاء مراجعة القواعد

مشرف القســـــــــم العــــــــــــــــــام

-

-

-

الموضوع: ايـــــــــــــــه فـيـــــــه ايــــه ... ما أنا مديك اشارة

LinkBack

أدوات الموضوع

عرض

ايـــــــــــــــه فـيـــــــه ايــــه ... ما أنا مديك اشارة - انشر الموضوع فى :

-

-

-

-

-

المواضيع المتشابهه

اشارة المراية

هــــوا فيه ايــــه !!!!

ايــــه رأيكوا في البيجو 504

اللى عاوز يروح مارينا بالسوبر جيت يعمل ايــــه ؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة