الموضوع: مع ولا ضد الفاميه

المشاركة الأصلية كتبت بواسطة Drift_Lover

ما احنا ان فرض عقوبة علي الملصقات ماليهاش أي سبب مقنع ولا داعي.
لا باضر حد.
ولا علئق للسائق.
ولا باغير في تصميم العربيه.

بس تقول ايه.

لا الملصقات ممنوعة عشان ميتغيرش بيها لون العربية يعني افرض عربية مسروقة ومتبلغ انها بيضة سادة وقام اللي سارقها جاي مخططها خطوط حامرة ولزق عليها حجات اكيد وهية ماشية بقي بدل الشعب كله هيلزق مش هتتلاحظ لكن كدة لو اللس سارقها عمل اي ملصقات غير في شكلها عشا ميتعرفش يقومو موقفينه اصلا مخالفة ملصقات ويتكشف ويتثبت

انا مع تركيب الفامية وضدة فى نفس الوقت

مع تركيبة للاحساس بالخصوصية بالذات وسط المواصلات العامة لان كل عيون الناس بتنقى جوة عربيتك ومعاك وتحس بعيون فيه غل وحقد وحسد وممكن العربية تولع بيك من عينيهم وكمان لو معاك المدام والاولاد بيبقى مهم اكتر وكمان مهم للحماية من حرارة الشمس وسخونة العربية خاصة فى الصيف

وضد تركيبة وبالذات لمعظم الشباب اللى بيستغلوة فى اعمال قذرة ومنافية او المنظرة والاستعراض

المشاركة الأصلية كتبت بواسطة marsguy

يا جماعه في سبب مهم جداً لمنع الفيميه ما حدش تطرق ليه

الفيميه بيمنع اللي وراك إنه يشوف من خلال زجاج عربيتك، وده هو سبب منع الفيميه اﻷهم والمنطقي.

طبعاً الواحد اﻷفضل إنه يبقى شايف العربيه اللي قدامه واللي قدامها كمان عشان يقدر يتوقع الخطأ قبل وقوعه بفتره كويسه وأكيد معظمنا تعرضنا لمواقف زي دية.

وعلى فكره، الفيميه مفيد في الحر في حاله واحده بس، لو إنت راكن عربيتك في الظل وبعد كده طلعت من الركنه وشغلت التكييف. ساعتها الفيميه هايقلل شويه من تأثير الشمس المعاكس للتكييف.

لكن لو إنت كنت راكن في الشمس يبقى إنسى إن التكييف يسقع قبل فتره كبيره.

انا معاك في الرأي ده

بس معلش تعاله احسبها معايا

لما تلاقي قدامك عربيه جيب ماشيه وانت مش شايف اي حاجه او عربيه نص نقل او نقل
برضوا العيب موجود

المشاركة الأصلية كتبت بواسطة Sameh

فى الإمارات الفاميه درجات ، فيه 30 و 50 و 70 ، يعنى بيحجب 30% أو 50% أو 70% وده أغمقهم طبعاً ، والمرور هناك بيسمح بإستعمال نوع 30 ، لأنه مش بيمنع الرؤية ، وفوايده أكبر من عيوبه من حيث إن بيقلل الشمس طبعاً

أنا مع الفاميه الخفيف اللى يخلينى أشوف مراياتى كويس ويخلى اللى ماشى ورايا يشوف من جوا عربيتى اللى ماشى قدامى كمان عشان يبقى عارف دايماً إمتا ممكن أفرمل جامد أو يشوف لو حد بيعدى الطريق قبل ما يطلع من ورايا

إنما طبعاً عشان إحنا عندنا ثقافة الممنوع فمحدش تجرأ وفكر إنهم ممكن يسمحولنا بنوع فاميه خفيف مش هيضايق حد وهيرحمنا شوية من الشمس ويقلل الحمل عن التكييف لو فيه

... بجد فعلا .. المفروض نكوزن زي الدول ( المتقدمة ) دي و يكون القانون يطبق بدرجات ... فعلا في الإمارات 30% مسموح للبشر كلها و غير كدا بيكون مخالف ... انا شايف ان هو دا الصح :)

انا اكيد مع الفاميه وانا اصلا مفيم العربيه وشلته مره مقدرتش اقعد من غيره يومين علي بعض حسيت ان كل الناس بتبص جوا العربيه

خصوصيه للناس اللي في العربيه بدون ما الشعب المتطفل يفضل يبحلق فينا من غير سبب خصوصا لو معايا اختي او حد من قرايبي !