مشكلة في تكييف التمبرا أفتوني يا أهل الخبرة

**ZALABANY** · 15-04-2009 09:50 PM

عندي مشكله ياشباب ان التكييف لما بيشتغل والعربيه على السلانسيه بتبطل وقبل كده بفتره كان في فيوز عندي ضرب جوا العربيه واكتشفنا انه بتاع سخان واصل على المانافو وقاله انه مالوش لازمه لأ ده بيستخدم في البلاد البارده لتسخين السيارة في الصباح المهم رحت لكهربائي وبتاع تكييف قالي هو ده المشكله وده اسمه كفرنر فاكيون بتاع التكييف وده غالي وبيبوظ بسرعه وقالي بحوالي 400 جنيه وقالي احسن تخلي ميكانيكي شاطر يركبلك واحد ياباني ويحاول يقعدهولك مكان ده طبعا انا مش مقتنع بالقصه دي ورحت سألت عليه عند محمد يوسف وكانت الفاجعه لقيته ب 600 جنيه الأصلي بتاع العربيه
أعمل ايه يا شباب أفتوني انا حاسس ان بتاع التكييف حافظ مش فاهم

**caysersosaih** · 15-04-2009 10:34 PM

هاته استيراد من عزبة شلبي بيعمل حوالي 50 جنيه

**mezo73** · 15-04-2009 10:55 PM

المشاركة الأصلية كتبت بواسطة caysersosaih

هاته استيراد من عزبة شلبي بيعمل حوالي 50 جنيه

انا موافق علي الكلام دة

**ZALABANY** · 16-04-2009 10:10 AM

طيب في سؤالين يا شباب فين عزبة شلبي دي أروحها إزاي
ثانيا هل في حد كويس موثوق منه أجيب منه هناك وهل لو طلعت بايظة ينفع ارجعها واعرف ازاي انها كويسه ولا لا

**galilio_mad** · 16-04-2009 01:10 PM

السخان مالوش علاقه بشغل التكييف و لو عايز تجيبه خليك فى الاستيراد

انت جبت وحده تعلية الموتور و لا لسه ؟
هى دى اللى بتبطل العربيه لما تشغل التكييف على السلانسبه

**ZALABANY** · 16-04-2009 02:07 PM

دلوقتي يا جاليليو معلش عشان أنا تهت
الوحده اللي بتاع التكييف قالي عليها دي اللي اسمها الكفرنر بتاع الفاكيوم هي دي اللي بتعلي الموتور مع التكييف وهي دي اللي بتسخن العربيه الصبح على طول صح كده ولا انا غلطان الوحده دي بأه لقيتها جديده ب 600 جنيه اشتريها استيراد منين بالظبط واعرف ازاي انها سليمه ولا بايظه

**ZALABANY** · 16-04-2009 02:11 PM

ياريت ياشباب حد يوصفلي صنايعي شاطر كهربائي او فني تكييف ممكن يعملي القصه دي لأن الكهربائي مش فاهم وبتاع التكييف شكله كده مش فاهم

**caysersosaih** · 16-04-2009 03:38 PM

عزبة شلبي موجودة في المطرية بتشتريها ويكون معاك كهربائي أو بتاع تكييف وبيديك ضمان شهر لغاية ماتركبهاوتجربها هو النظام هناك كدة
انا اعرف كهربائي شاطر جدا اسمة علاء في ميدان السواح قله جاي من طرف د.ضياء صاحب التمبرا الرمادي

**ZALABANY** · 16-04-2009 03:44 PM

المشاركة الأصلية كتبت بواسطة caysersosaih

عزبة شلبي موجودة في المطرية بتشتريها ويكون معاك كهربائي أو بتاع تكييف وبيديك ضمان شهر لغاية ماتركبهاوتجربها هو النظام هناك كدة
انا اعرف كهربائي شاطر جدا اسمة علاء في ميدان السواح قله جاي من طرف د.ضياء صاحب التمبرا الرمادي

شكرا على النصيحه الغاليه بس ياريت تفلي فين ميدان السواح

**caysersosaih** · 16-04-2009 07:37 PM

من ميدان روكسي ادخل شارع القبة (علي ناصيتة عبودي سنتر) وامشي علي طول لحد ما تلاقي كوبري(الطاهرة) اطلعة وانزل منة ثم ادخل اول يمين

الموضوع: مشكلة في تكييف التمبرا أفتوني يا أهل الخبرة

LinkBack

أدوات الموضوع

عرض

-

-

المواضيع المتشابهه

كتاوت تكييف التمبرا

فلتر تكييف التمبرا

سؤال عن سعر التمبرا يا أهل الخبرة

كباس تكييف التمبرا باظ

تكييف التمبرا

الكلمات الدلالية لهذا الموضوع

المفضلات

المفضلات

ضوابط المشاركة