عرض للطباعة
الموضوع ان أتعرض عليا لانوس 99 و بيتشكر فيها جامد جداااااا
بس لما جربتها (خصوصا اني كنت سايق صني 2005 بره مصر) لاقتها بالمقارنة مش ناعمة في سواقتها + صوت الموتور مع الفتيس مسموع نسبيا (زي العريات القديمة شوية) + عصاية الفتيس لما تحركها و هي واقفة (من غير تعشيق) تلاقيها عايمة و مش ماسكة نفسها.
هل دي يا جماعة أعراض الشيخوخة عموما في اللانوس و لا دي عيوب في العربية دي بالذات؟ و هل ممكن تظبيط الحاجات دي بسهولة؟؟؟؟
على فكرة العربية دي عاملة 90 ألغ كيلو بس...
الصني اكيد انعم من الانوس بس الانوس عربية محترمة . بلنسبة لعصا الفتيس هي مش المفروض تكون عايمة كدة . حضرتك ممكن تشوف عفشجى وغالبا" هى حاجة بسيطة , لو العربية اساسيتها سليمة و نضيفة توكل علي الله . المهم يكون سعرها كويس و الله الموفق
من الوصف المبدائى اللى انت حاسة طبيعى لان مواتير اليابانى انعم من مواتير الدايو
عومان العصاية ممكن يكون بسبب العقربة... و دى قطعة ب 90 جنية تقريبا و تغييرها سهل
MMamdouh
لا طبعا اللانوس مش كده خالص بس هى العربية دى اللى حالتها صعبة وعايزه شغل
انا كان عندي عصاية الفتيس فضلت عايمة يومين وبعد كده غرقت ودلوقت الله يرحمها
شكرا يا شباب ربنا يخليكوا... و كمان شكر خاص للمعلم "ممدوح"
هي معروضة على 40 ألف و أساسياتها سليمة جدا .
هي غالبا زي ما قلتوا حاجة بسيطة "و مفيش غرق و لا حاجة :)"
نسيت أقول اني لاحظت انها واطية على الأرض و لازم المطبات البسيطة حتى تتاخد براحة.. أعتقد ده مشترك في جميع اللانوس بس قالوا ممكن تتشد شوية و تعلى عن الأرض.
بس رأيي أنها هي أفضل اختيار للانتقال من ال128 لعالم السيارات الحديثة :) :)
عموما ربنا الموفق و دعواتكم ...