طيب ممكن صور للبطاحات مع كيفية اضافة الشحم
عرض للطباعة
طيب ممكن صور للبطاحات مع كيفية اضافة الشحم
للاسف نظرا للمشاكل اللى كنت وقعت فبها مع الميكانيكى السابق ماجاش فى بالى تصوير هذه الاشياء بالموبايل وسوف اتدارك ذلك مستقبلا لانى قعدت اكثر من عشرين يوم قرفان من العربيه ومش عارف اسوقهابسبب اللعب فى العفشة
والحمدلله ربنا رزقنى بميكانيكى اول مرة اتعامل معه ولكن اشتغل صح وكمان سعره مش غالى انا اعطيته اكثر من اللى طلبه لانى رايت انه عنده ضمير وركب لى الحاجات اللى قال عليها الحرامى انها بايظة بعد ماشيك عليها وكويس انى ماكنتش سبتها عند الحرامى
اما عن البلى بتاع البطاحات فسمكه اقل من علبة النيفيا الصغيرة والبلى موجود بداخله ولو وضعته على يديك بشكل افقى ووضعت يدك الاخرى فوقه يلف بشكل مختلف عن بلى العجل
انا لما شوفته وهو بيركب البلى بتاع البطاحات وبعدين ركب المساعد فى جسم العربية وربط بصامولة اللى هى بتمسك المساعد من فوق وجدت انها محكمة بجسم العربية وصعب انه يتخلل الشحم من خلالها ليصل للبلى لانه بيكون موجود من اسفل والصامولة حاكمة من فوق
وممكن الاخ ممدوح يشرح لينا او لو كان عنده صوره يوضح لنا لنستفيد لو اننا بنثقل عليه
الموضوع مش محتاج صور
انت لما تكبس الشحم بتوزعة داخ البطاحة كويس
بعد كبس الشحم بكام يوم فكها تانى و بص على الشحم هتلاقى انة اتحرك مع حركة الدركسيون
ممكن يا اخوان عشان انا مش فاهم ايه هيه البطاحات، حد ممكن يحط صورتها او يشرحلي مكانها فين او حتى اسمها بالانجليزي!؟؟ الله يخليكم
البطاحات دى هى اعلى حاجه فى المساعد
بتبان من الكبوت
هتلاقيها بين ال 3 مسامير اللى رابطين المساعد
ودى غالبا الغطا بتاعها لما بيضيع بيركبوا غطا اى جركن
http://www.postimage.org/aV2zUs9r.jpg
ودى صورتها هتلاقى عليها دايره حمرا
طبعا الصوره ملطوشه من موضوع اخونا مايكل للافاده
اعمل له ايه هو اللى بيعرف يصور
اول ما فكرت فى الصور افتكرته على طول
انا شحمت بلي البطاحات من يومين. وتاني يوم ماحسيتش بفرق. (كان في طقه بسيطه في الطلعه )
وامبارح بافتح الشنطه لاقيت علبة زيت باور الدركسيون (معايا احتياطي)مقلوبه وتقريبآ الزيت اللي فيها أغلبه انكب. وباقي حاجات بسيطه.
قمت مزوده في قربة زيت الباور لحد علامة ال Max
واتبقي حاجه بسيطه (نقط)... قمت فاكك طبة بلي البطاحات ومسقط نقطتين علي الشحم .
الغريب بقي ان الدركسيون أصبح خفيف جدآ عن الأول والطقه راحت.
الموضوع كان تصادفي بتسلسل بحت وبدون قصد. لكن النتيجه تمام والحمد لله.