الموضوع: اضافة زيت على شحم بلى بطاحات اللانوس

لاكلام بعد كلام الاستاذ محمد ممدوح
طالما قال نه يوصل فسوف اعمل بالنصيحة واحط شحم عشان احافظ على البلى
وسؤالى للاستاذ ممدوح
لما الكفتجى حكيم واخوه حمدى اللى قرات عنوانه هنا ورحت له وبوظ عفشة النوبيرا لما فك الغطاء لم الاحظ اثار شحم هل لانه نشف بفعل الزمن لان العربية كانت اول مرة يتعملها شغل عفشة ولا ايه
واحب ان اطمنك بانى رحت للحرامى المذكور بعد ما لفيت على اكثر من 15 عفشجى وميكانيكى واجمع الكل بان ارجع المساعدين والسوست والبطاحات اللى ركبهم لانهم بايظين وهو كان فاككهم من عربية عفشتها بايظة ورميت له الحاجة بتاعته واخدت فلوسى اللى دفعتها وقلت له شوف مهنة اخرى اشتغل فيها
والمفاجاة ان رحت لميكانيكى فى شارع المساكن من ش العشرين فى فيصل فك العفشة كلها وكشف على كل شئ واخبرنى بان المساعدين بتوعى ممتازين ولن اشترى الا جلب فقط
وقام بعمل اللازم بضمير ورحت زبط زوى والعربية رجعت ماشاء الله زى الفل
بس الميكانيكى الحرامى كان حاطط جلب فورد للمقصات والميكانيكى ده سالته هتشترى جلب ايه قال هاشترى حاجتها لم يوافق على جلب الفورد

وشوفته وهو بيشيك على كل شئ قبل تركيبه واول مرة اشوف جلب البطاحات وهو بشحمها ووجدتها بلية مبططة مختلفة فى الشكل عن بلى العجل سمكها لايتعدى 1سم