من فترة اتعطلت عربيتي و لما تكون سخنة و تبطل ماتدورش تاني ... و طلع العيب من البوجيهات ...
فهل يا تري أزاي نعتني بالوبيجهات و ننظفها... وهل ممكن أغيرها بنفسي ...؟ و ازاي
شكرا
عرض للطباعة
من فترة اتعطلت عربيتي و لما تكون سخنة و تبطل ماتدورش تاني ... و طلع العيب من البوجيهات ...
فهل يا تري أزاي نعتني بالوبيجهات و ننظفها... وهل ممكن أغيرها بنفسي ...؟ و ازاي
شكرا
ممكن بسي الاول لازم تجيب مفتاح بوجيهات و تحل البوجيه القديم
لو لقيت عليه زيت يبقى الموتور خفيف و لازم عمره أو على الاقل تغيره بطقم بوجيهات سن قصير
اما لو لقيته مكربن (مهبب بس) ممكن تجيب فرشه سلك و تنضفه و بعدين تركبه تانى
انا شخصيا مركب بوجيهات 3 شمعه ممتازه جدا جدا ممكن تستعملها و حتحس بالفرق
غيرها دايماً فى ميعادها صح ، عادة بتقى كل 20 الف كيلو ، وبلاش موضوع تطلعها وتحرقها على البوتاجاز وتسنفرها والكلام ده ، أصلا البوجيهات مش غالية أوى وبتغيرها تقريباً مرة كل سنة
البوجيها يا بايظه يا شغاله ما فيش ليها صيانه الكلام اللى بتقولوه عليه ده بتاع سواقيين التكاسى (معلش ) و هما بيعملوا كده علشان يوفروا و فى نفس الوقت ال 20 الف دول هما بيعملوهم فى شهريين ثلاثه بالكتير
أستاذ روكى - لو الموتور سليم يبقا مش هتحتاج تعمل أى حاجة للبوجيهات طول فترة تشغيلها ، بمعنى تانى لو مافيش زيت بيدخل غرفة الحريق ، يعنى الزيت مش بينقص ومافيش دخان غريب من الشكمان ، يبقا البوجيه مش هيكون طبقة زيت تعمل عازل وتمنع الشرارة ، ولا هيلحق يكون كربون طالما بتغيره كل 20 الف
انا عندي البوجيهات عليها زيت ممكن كده تبقى عايزه عمره للماتور وهتكلف قد ايه ولا ممكن احضر بوجيهات سن قصير وماشي حالي
الله ينور عليكم
ممكن تبدأ تستخدم بوجيهات سن قصير ويفضل نوع جيد( ياباني مثلاً ) أنا شخصيا بأفضل NGK في كل الحالات الكلام دة لو العربية بتاكل زيت بشكل بسيط( نص كيلو أثناء فترة تغيير الزيت ) وده ممكن تعرفه لما تقيس الزيت
لاحظ أن قياس الزيت يكون بصفة دورية و قبل دوران المحرك بفترة مناسبة ( المحرك لأبد أن يكون بارد تماماً ) ويفضل في الصباح قبل تشغيل المحرك وبصفة يومية
أما إذ اكان إستهلاك الزيت بمعدل أكبر ففي هذه الحالة يحتاج المحرك إلى تغيير طقم الشنابر ( طقم شنبر ) أو ما يطلق عليه نصف عمرة ..
هذا مع ثبات العوامل الأخرى يعني بالبلدي لا يوجد بالموتور ( المحرك ) عيوب أخري تضطرك إلى عمل عمرة كاملة
م / أحمد يوسف