الموضوع: سحب عربيتي ضعف وواحد قالي المشكله في حساسات الفتيس يا ريت حد يفيدني

المشاركة الأصلية كتبت بواسطة Mostafa_ENG911

انا عندي الفقد في التسارع مش عالي بس الموضوع ان في فاقد.
مافيش اي لمبة منورة تقول إن في حاجة , كل مافي الأمر إن البنزين المصري تعبان قوي و اقولك السبب العلمي لو حبيت في الظاهرة دي (إجتهاد شخصي):
1.البنزين المصري المفروض يندرج تحت E10 Gasoline و المفروض ان ال Octane Raring له يكون بين 87 الي 93 و لكن ال 92 المصري فيه رصاص بتركيز محترم و يا ريت حتي يضيفوا Methanol بنسبة 10% ودي اقل قيمة تعوض الفاقد في معامل الإنضغاط. يترتب علي ذلك فقد في العزم الناتج من ال Crankshaft و ده تبعيا يؤدي الي نقص الضغط الواقع علي Hydraulic Oil بتاع الفتيس الاوتو ماتيك الCVT و بالتالي فقد في معدل التسارع.
2.نتيجة لCVT transmission hydraulic oil pressure lossالزيت يعمل في duty اعلي من الظروف الطبيعية لأوقات اطول و بالتالي معدل استهلاكه اسرع بس مش بفارق كبير مع العلم ان الالتزام بتغيير الزيوت بالعربية عامة علي عمر الزيت او كيلوهات ايهما اقرب مهم جدا لأن الزيت له عمر و هو ايضا مركب عضوي غير خامل تماما

انا معاك ان البنزين مش حلو ولكن مع احترامى لحضرتك التفسير بتاعك غير سليم و البنزين ما فيهوش رصاص.

انا بشكر كل واحد رد عليا وافادني بس كانت المشكله بسيطة خالص ان زيت الفتيس ناقص وكان الترس الصغير بتاع الكرنك كان مبوش يعني مبري كان بياخر حركة العربيه فده حرقلي الموبينه بتاعه البيجوه لانها بتطلع كهربا مبتطلعش كلها فغيرت الموبينه والترس (الترس ب 170ج والموبينه ب 350ج) والعربيه بقي سحبها احسن من الاول وشكرا ليكم

المشاركة الأصلية كتبت بواسطة Mostafa_ENG911

مع إحترامي الشديد لحضرتك موضوع الرصاص في البنزين ده اكيد , الوزير نفسه قال لا يوجد بنزين في مصر منزوع الرصاص و قال كمان ان مصر البلد الوحيدة في العالم حاليا بتنتج بنزين 80 والمعلومة دي صحيحة بنسبة 90% لان في بلد واحدة بتنتجه و كمان مش الFraction الرئيسي فيه gasoline أي (C4-C12) بيكون خليط مع n-butanol بس مش فاكر بصراحة اسم البلد.ما عدا ذلك أقل octane rating اليوم هو85 .
ومفيش بنزينة في مصر تقول ان البنزين عندها Unleaded 90% او حتي 50%.
أما لو قصد حضرتك إن البنزين مالوش دعوة بزيت الأوتوماتيك....آسف إن أقولك نعم فيى علاقة بس مش حقولك غير لما تقول لي خطورة الرصاص إيه و هو اصلا جه منين ؟؟؟؟؟

معنى كلام حضرتك ان كل اللافتات اللى محطوطه على جميع طلمبات البنزين اللى فى مصر و مكتوب عليها البنزين خالى من الرصاص كاذبه و على فكره انا عربيتى مكتوب على غطاء التنك بتاعها من الداخل Unleaded fuel only و مكتوب فى الكتالوج ان لو إتحطلها بنزين فيه رصاص هيحصل أعطال فوريه للموتور و العربيه عندى ماشيه
75000 كم لغايه دلوقتى و محصلش حاجه................ ايه تفسير حضرتك.

المشاركة الأصلية كتبت بواسطة Mostafa_ENG911

الرصاص غير دار علي الموتور....بالمناسبة أنا لما كنت بتكلم علي وجود الرصاص كان قصدي إن البنزين عندنا في مصر رديء لإنه بيتعالج بطرق قديمة...اما عن موضوع الرصاص فهو غير ضار. البنزين بيحتاج إضافات عشان يزود معامل الإنضغاط بحيث يناسب الطاقة المطلوب إستخراجها من الموتور. من الإضافات المستخدمة هو الTetra-ethyl lead وهو ممتاز في زيادة المعامل مما يترتب عليه عدم وجود اي pinging في الموتور اثناء عملية الإحتراق....مش بس كدة بيحافظ علي كل البلوف من حدوث النحر...كل ما في الأمر إنه دار بالبيئة و كمان لو عندك في نظام العادم Catalytic convertor (موجود في كل العربيات الجديدة عشان كدة مكتوب علي غطاء تنك كدة ) حايبواظه ..قصدي حيسمم العامل الحفاز..وال catalytic convertor الغرض منه تقليل إنبعاثات أول أكسيد الكربون.....أتمني أكون وضحت الموضوع شوية وأنا سعيد جدا لوجود مثل هذا النقاش المثمر.

معنى كلام حضرتك انهم فعلا كدابين فى ان البنزين خالى من الرصاص و ان الCatalytic convertor اللى فى عربيتى باظ من زمان و مش بس عربيتى انما العربيات الجديده كلها و لو هو بايظ المفروض يبرجل ضبطة المواتير اللى حساس الأكسجين فيها راكب بعد الCatalytic convertor (فى الانسر راكب قبله) ولكن مش كل العربيات كده.......فهل العربيات ده مواتيرها مبرجله علطول؟؟؟؟؟!!!!!