فتح الله لك وزادك من علمة
دين ودنيا
عرض للطباعة
فتح الله لك وزادك من علمة
دين ودنيا
الله يخليك يا أخى.................
السلام عليكم ورحمة الله وبركاتة ياباش مهندس سمير
بفضل الله وكرمة تمت العمرة وممكن اقول انها نجحت ومافيهاش اى مشاكل الا بعض المشاكل التى اتمنى ان تزول فيما بعد خصوصاً انها لسة فى فترة التليين
زى فية صوت رنة معدن بيظهر بعد الموتور ما يسخن يعنى فى بداية ادارة الموتور وهو لسة بارد بيكون مافيش الصوت ده وشوية شوية يبدأ يظهر هذا الصوت ويعلى كلما سخن الموتور
بس صوت الموتور عموماً عادى زى ما كانت قبل العمرة ويمكن احسن شوية ماعادا صوت الرنة دى قلقانى شوية
وكمان الحرارة عالية عن الطبيعى بتاعها شوية بس مع الاستخدام بتقل ببطء شديد . دة طبعاً مع تشغيل المروحة الي اضطريت انى اعمل ليها مفتاح عن الكهربائى
هم دول اهم حاجتان قلقانى غير كده مافيش والحمد لله
ارجو الافاده وجزاك الله خيرا
سورى يا باشا نسيت اقول لحضرتك على حاجة كمان
وهى ان الموتور قبل العمرة مثلاً كان بيجيب على التانى 40 كم\ساعة وصوتة بيكون عالى زى مايكون جاب اخرة والحكاية دى لسة موجودة زى ماهية
يعنى انا كنت متوقع انة بعد العمرة مثلاً يكون اخرة على التانى ويكون صوت الموتور مستريح مثلاً 50 كم\ساعة
فهل الكلام دة لة علاقة بالموتور نفسة ولا الموضوع فية عيب فى الفتيس ولا انا متهيألى والله اعلم
علمأ بانى غيرت اسطوانة وبلية وماغيرتش الدسك
عدم تغييرك للديسك ..............هوسبب الفيلم اللى قالقك للأسف...........والمفروض كنت تغير طقم دبرياش كامل (لأنه مرتبط ببعضه فى كل شىء ............تطبيع أوجه ....ونقل القدره وترييح المكنه )اقتباس:
علمأ بانى غيرت اسطوانة وبلية وماغيرتش الدسك
بس الميكانيكى بص فى الدسك وقالى انه مش محتاج يتغير وقالى هتعوز اسطوانة ودسك بس
وفعلاً الاسطوانة كانت متهالكة على الاخر
الأسطوانه ليها وشين بيعشقوا مع وش الفلام ووش الديسك .........والمفروض يبقوا كلهم داخلين الخدمه مع بعض يعنى جداد زى بعض ( وعلشان كده بنسميهم طقم عمرة الدبرياش ).....وأدى النتيجه للأسف يا أستاذ : محمد .............مفيش نقل كويس لقدرة المكنهاقتباس:
وهى ان الموتور قبل العمرة مثلاً كان بيجيب على التانى 40 كم\ساعة وصوتة بيكون عالى زى مايكون جاب اخرة والحكاية دى لسة موجودة زى ماهية
وطبعا واضح أنك حسيت بعدم التغيير والعيب من الدبرياش مش من المكنه ومفيش حاجه فى الفتيس .............اقتباس:
فهل الكلام دة لة علاقة بالموتور نفسة ولا الموضوع فية عيب فى الفتيس ولا انا متهيألى والله اعلم
طيب لو غيرت الدسك بعد الف كيلو متر من العمرة لواحدية بيقى تمام كده ولا اغيرة حالاً
احسن من الان الى الف كيلو متر الاولى بعد العمرة تكون الاسطوانة اتكلت ولا ممكن تكون زى ماهى؟؟؟؟؟؟؟؟؟؟
لو عاوز رأيى .............غيره حالا.............بنفس نوعية الشركه المنتجه للأسطوانه ( يعنى كمل الطقم ) علشان عملية التطبيع للأوجه الأحتكاكيه تبقى ماشيه مع بعضها من البدايه وهو ده الصح هندسيا لأن التطبيع يجب أن يكون مع بعضه من البدايه وكده كده مش حتفرق معاك طالما ناوى تغيره بعد الألف وفى الحاله دى التبكير حيكون أفضل ليك...........وبرضه أستشير أراء ميكانيكيه تانيين فى الحوار اللى دار بينى وبينك ده
فعلاً عندك حضرتك حق انا حاسس انى المفروض انى اغير الدسك فوراً
خصوصاً انى وانا بلين العربية بطلع بيها على الفجر على الطريق الزراعى بحس ان الموتور بيسحب كويس عن الاول طبعاً بكتير وحتى لما بدى الرابع واضغط على البنزين بتكون الاستجابة كويسة وانا كمان مش بضغط اوى على شان هى لسة بتلين
بس نسب التغير بين الغيارات وصوت الموتور حاسس انها زى الاول
انا بجد طولت عليك وسألت كتير بس بجد انا مش لاقى حد فاهم بعلم يجاوبنى براحتى زى حضرتك
ياباشا ربنا يجزيك كل خير
ولا يهمك يا أستاذ: محمد ...........والناس كلها بركه وكلنا أخوات وبنفكر مع بعض وكلنا بنعلم ونتعلم من بعض ....وأنا شخصيا أستفدت كتير من نايل موتورز ..........لأنه موقع ممتاز فعلا للى عاوز يستفيد ويفيد (لأن الكمال والعلم الكامل لله سبحانه وتعالى ).........والأنسان حيستمر فى التعلم ولن يتعلم ( مش بيقولك يموت المعلم ......ولا يتعلم ....!!!!!!!!!!!! )اقتباس:
انا بجد طولت عليك وسألت كتير بس بجد انا مش لاقى حد فاهم بعلم يجاوبنى براحتى زى حضرتك
الله يخليك .....وربنا يهيىء لك وللجميع كل الخير ............آمين يارباقتباس:
ياباشا ربنا يجزيك كل خير
معلش استفسار بسيط تانى يا باش مهندس
وهو انى بطلع كده باليل الين الموتور على الطريق وبمشى على سرعة 60 كم\ساعة على الرابع لمدة حوالى ساعة
بحس ان استهلاك البنزين عالى شوية
يعى مؤشر البنزين بينزل بسرعة شوية
فاية يكون السبب
أحسن سرعات تعمل على حدوث وفره فى البنزين من خلال تجربتى مع أوبل مانيوال (كاربورتير عادى ) هى من 90الى 100 كم /س.....................وطبعا أنت فى فترة تليين وفيه مشلكة دبرياش .........يبقى نقول أيه ...........ماتحسبلهاش.........( وخللى بالك من حكم القافيه ............دبرياش ....يعنى ماتحسبلهاش ............ههههههههههههههه )
ياباش مهندس كل يوم بكتشف فيك مميزات
زوق وعلم وتواضع..........وكمان دم خفيف
ههههههههههه
الله يخليك .......يامحمد باشا ......ماهو لازم شوية تليين برضه ..ههههههههههههههههه
معلش ياباش مهندس عندى سؤال غريب شوية بس انا بحب اعرف تفاصيل غريبة شوية
وهو بالنسبة لمحرك سعتة 1300 cc فيكون قطر البستن بتاعة كام ؟
ولما الموتور ده يتخرط مرتين يعنى مرة بساتم زيرو 10 ومرة زيرو 20 يبقى قطر البستم بتاعة كام؟
والحاجه الاخيرة اللي عاوز اوصلها انه الموتور لما يتخرط مرتين اكيد بيزود السعة اللترية للمحرك فهل ده بيكون بنسبة اد اية بالنسبة للموتور وهو لسة طالع من المصنع ؟
أسأل ياباشا ....ولايهمك وحجاوب برضه على قدر ما أستطيع أن شاء اللهاقتباس:
معلش ياباش مهندس عندى سؤال غريب شوية بس انا بحب اعرف تفاصيل غريبة شوية
على فرض أن مشوار البستم بيساوى قطر البستم كما هو متبع بنسبه كبيره ................يبقى قطر البستم لمحرك 1300 سى سى حوالى 74.5 مماقتباس:
وهو بالنسبة لمحرك سعتة 1300 cc فيكون قطر البستن بتاعة كام ؟
مع الخرطه الأولى حيبقى قطره تقريبا 74.25 مم ومع التانيه 74 مماقتباس:
ولما الموتور ده يتخرط مرتين يعنى مرة بساتم زيرو 10 ومرة زيرو 20 يبقى قطر البستم بتاعة كام؟
السعه اللتريه حتزيد بمعدل 1.012 تقريبا ...........بس أيه ياعم الدقه المتناهيه دى ...............هههههههههههههههاقتباس:
والحاجه الاخيرة اللي عاوز اوصلها انه الموتور لما يتخرط مرتين اكيد بيزود السعة اللترية للمحرك فهل ده بيكون بنسبة اد اية بالنسبة للموتور وهو لسة طالع من المصنع ؟
هههههههههههه
اصل انا كنت فى اعتقدادى انه بعد الخرطة التانية بيقرب من انه يكون 1400 cc
وعندى استفسار تانى اغرب من الاول شوية
وهو ان المواتير الجديده مثلاً الانسر 1300cc بالرغم من ان السعة الترية صغير نسبياً الا ان الموتور بيجيب سرعات تصل الى 180 كم\ساعة
ولو جبنا موتور 1300 cc قديم ولو فرض ان حالتة مثل الحالة الاصلية مش بيكون سحبة ولا السرعة القصوى لية زى المواتير الحديثة
طبعاً انا حاطت فى الاعتبار فرق التكنولوجيا زى خامات الصناعة وزيادة ةعدد الصمامات والحقن المباشر وحاجات تانية طبعاً حضرتك عارفها اكتر منى
أستاذ ورئيس قسم .......لا دا أنا اللى حسأل بعد كده وأنت تجاوب...............اقتباس:
طبعاً انا حاطت فى الاعتبار فرق التكنولوجيا زى خامات الصناعة وزيادة ةعدد الصمامات والحقن المباشر وحاجات تانية
ههههههههههههههههههههه
والله فعلا ضحكت من قلبى ياباشا
انا فعلا مجال السيارات ده مهتم بية بطريقة ماتتخيلهاش وبجيب كتب من النت ومن مدرسة الصنايع ومن طلبة فى هندسة كمان وقرأتها كلها........... زى كتب هيئة تطوير التعليم بالسعودية
اكيد حضرتك تعرفها
بس مش لدرجة ان حضرتك تسأل وانا اجاوب
انا والحمد لله وصلت لفهم الكامات الجديده اللي مازدا عملاها متغيرة التوقيتات لضمان اقل استهلاك للوقود
دى حتة من عندى
ههههههههههههههههههه
بس ينقصنى الجانب العملى فى الموضوع ده .......وده اللي بحاول اعملة خصوصا انى عملت عمرة لعربيتى
بمناسبة العمرة .........حصلت معايا حاجه ماكنتش متوقعها النهارة
العربية عملت حتى الان 177 كم واتطريت انى اطلع مطلع يعنى يعتبر شوية شديد وكنت مركب معايا اتنين فقط غيرى
فوجئت بدخان طالع من الشكمان بس كانت الدنيا فى العصر وماشوفتش لون الشكمان بيطلع دخان لونه اية
وحسيت ان العربية ضعيفه على المطلع
بس العربية لما اكون فيها لوحدى بتكون سحبها كويس جداً بالرغم انى مش بعدى 60 كم\
ده ممكن يكون طبيعى ولا احكم عليها بعد اول الف كيلو متر؟؟؟؟؟؟
بس الدخان كان كثيف اوى فكرتنى بايام زمان
انا قلبى ساعتها وقع فى رجلى وقولت العمرة فشلت
اعمل اية ديلوقتى؟؟؟؟؟
اروح اقيس كبس الموتور؟؟؟؟؟؟؟؟؟؟
بس الدخان مش بيطلع تانى .........هى المرة دى بس
بس الميكانيكى كان قالى انة فاتح التكيهات لحد ما تخلص تليين
تفتكر حضرتك ييكون هو ده السبب؟؟؟؟؟؟؟؟
أنتظر كلامه برضه ....لأن ده شغله وهو عارفه ....وفى نفس الوقت حنشوف النتيجه بعد ضبط التاكيهات مره تانيه .......علشان نحدد موقف الديسك ............حتغيره ولا ماشى الحال
الله يكرمك ياباش مهندس
معلش انا من فترة مش بدخل على المنتدى
الموتور وصل حتى الان 400 كم عقبال ال 1000
اللهم هيىء له من أمره رشدا...................
السلام عليكم ورحمة الله وبركاتة ياباش مهندس
النهاردة روحت اغير زيت وفلتر بعد اول 500 كم بعد العمرة...بس روحت لميكانيكى قريب غير اللي عمل العمرة
وقولت له انى عامل عمرة واية رأيك فى حالتة الموتور بعد العمرة
راح عمل حاجات غريبة زى انه فتح غطاء الزيت من فوق وقلبة على ظهرة وقعد يراقب ويجرب حاجات غريبة ويشيل مقياس الزيت ويسمع الصوت......فى النهاية قالى انه عشرة على عشرة
حاولت اعرف منه اية اللي عملة وعرف ازاى بالطريقة الغريبة دى قالى سر المهنة يابية
اية بقى اللي عملة بالظبط واتعرف ازاى على حالة الموتور بالطريقة دى؟؟؟؟؟؟؟
ارجو الافاده
انت فين باشمهندس
الف حمد الله ع السلامة ياباشمهندس
وعليكم السلام ورحمة الله وبركاته ......أزيك ياراجل ياطيباقتباس:
السلام عليكم ورحمة الله وبركاتة ياباش مهندس
واضح أنه كان بيطمن على أن المكنه مابتنفخش من فوق ........علشان يطمن على عملية الروديه اللى تمت على الصبابات ولما شال مقاس الزيت ...كان بيطمن أن مفيش نفخ من بين الشنابر والشمايز للكرتير .....ومن كلامك لاقاها تمام ....والحمد لله.............ودلوقتى بعد الفتره اللى فاتت دى ....وطالما الأمور كده تمام .......يبقى أاقولك نم قرير العين وأحمد الله على نجاح العمرهاقتباس:
راح عمل حاجات غريبة زى انه فتح غطاء الزيت من فوق وقلبة على ظهرة وقعد يراقب ويجرب حاجات غريبة ويشيل مقياس الزيت ويسمع الصوت......فى النهاية قالى انه عشرة على عشرة
حاولت اعرف منه اية اللي عملة وعرف ازاى بالطريقة الغريبة دى قالى سر المهنة يابية
اية بقى اللي عملة بالظبط واتعرف ازاى على حالة الموتور بالطريقة دى؟؟؟؟؟؟؟
الحمد لله رب العالمين
حمد الله ع السلامة مرة تانية ياباشمهندس يا محترم
انا محتار فى مسألة مقاس الكاوتش
المقاس الاصلى بتاع عربيتى هو 155-13-80 ولما روحت اشترى جوز كاوتش جديد الراجل قالى انه المقاس ده صعب تلاقية ومش هتلاقية فى مركات كويسة ونصحنى انى احيب مقاس 165-13-70 وقالى انه اعرض من المقاس اللي مركب اصلاً بالعربية
بصراحة انا عندى المقاس ده رفيع اوى عن اى عربية تانية بس المقاس ده هو الاصلى وعلى ما اسمع ان عرض الكاوتش بيزود استهلاك البنزين وبفضل انى اجيب نفس مقاس الاصلى بتاعها
فاية مدى تأثير الكلام ده؟؟؟؟؟؟؟؟
وكمان مقاس ارتفاع الكاوتش الاصلى هو 80 والراجل عاوز يخلينى اجيب 70 فهل ده يؤثر على قراءة عداد السرعة والكيلو مترات ام لا؟؟؟؟؟؟
واية هى المركات الافضل فالاقل فالاقل؟؟؟؟؟؟؟
وجزاك الله خيرا
الله يسلمك يا أبو حميداقتباس:
حمد الله ع السلامة مرة تانية ياباشمهندس يا محترم
فعلا المقاس اللى عرضه 165 أعرض من مقاس الكاوتش الأساسى بواحد سم فى العرض ............طيب ماتدور شويه على المقاس الأساسى ...دا لو كانت الفردتين السلام حالتهم كويسه ولسه تغييرهم قدام شويه ( ودول اللى ممكن يخلونا ناخد قرار كويس ....لو ملقيناش مقاسك الأساسى )اقتباس:
المقاس الاصلى بتاع عربيتى هو 155-13-80 ولما روحت اشترى جوز كاوتش جديد الراجل قالى انه المقاس ده صعب تلاقية ومش هتلاقية فى مركات كويسة ونصحنى انى احيب مقاس 165-13-70 وقالى انه اعرض من المقاس اللي مركب اصلاً بالعربية
هو فعلا رفيع أوى .....بس طالما شغال وتصميم العربيه ......فخليك عليه ودور شويه على المقاس الرفيع ده ....طالما مش عاملك مشاكل فى الثبات و الفرمله ( الكاوتش العريض بيزود الأستهلاك نسبيا من ناحية البنزين وبيأثر على التسارع والسحب شويه ......ولكنه بيفيد فى الثبات مع السرعه والقوه الفرمليه بتكون أفضل طبعا ........نظرا لزيادة مساحة التلامس مع الطريق )......ولكن أنا برضه عندى تفسير غريب شويه ناحية الكاوتش الرفيع ( كل ماكان رفيع كل ماكان أفضل .......على الأقل حيبقى بعيد عن المسامير شويه لأنه رفيع وفرصة تعرضه للتلف حتقل برضه ......هى غريبه شويه الحته دى ....بس منطقيه وصحيحه فنيا )اقتباس:
بصراحة انا عندى المقاس ده رفيع اوى عن اى عربية تانية بس المقاس ده هو الاصلى وعلى ما اسمع ان عرض الكاوتش بيزود استهلاك البنزين وبفضل انى اجيب نفس مقاس الاصلى بتاعها
دى خلاص عرفناها فى الكلام السابق ...............اقتباس:
فاية مدى تأثير الكلام ده؟؟؟؟؟؟؟؟
....الحته بتاعة أرتفاع الكاوتش دى بالنسبه لقطره ....يعنى متهمناش أوى ....ودى فقط بتحدد حجم الكاوتش اللى جواه ضغط الهواء ....وأكيد برضه ليها تأثير على الآداء من ناحية السرعه ( لأنها بتمثل وزن مضاف لحجم الفرده ) ولكن خليها على جنب ....لأن ليها أرتباط بتصميم الكاوتش .....وكل اللى بيهمنا العرض وقطر الجنط ( البعدين 165 مم بتاع العرض ......وال13 بوصه بتوع قطر الجنط )اقتباس:
وكمان مقاس ارتفاع الكاوتش الاصلى هو 80 والراجل عاوز يخلينى اجيب 70 فهل ده يؤثر على قراءة عداد السرعة والكيلو مترات ام لا؟؟؟؟؟؟
طبعا فيه أنواع غاليه زى الميشلان والبريدجستون وخلافه ...........ولكن لو عاوز وجهة نظرى ( النوبيرا معايا شغاله بالكومهو زى الفل ............دا غير أن مستعمل الكومهو برضه فى سياره أوبل قبل الحاليه ) رخيص نسبيا وكفاءته عاليهاقتباس:
واية هى المركات الافضل فالاقل فالاقل؟؟؟؟؟؟؟
الله يخليك ..........وحقيقى أنا معجب بتحريك الدقه فى كل شىء ....وده أنا لمسته فيك بجد ............وهو ده المفروض فعلا .............اقتباس:
وجزاك الله خيرا
متشكر جداً
انا فعلاً بفضل المقاس الاصلى ليها افضل
معلش استفسار تانى ياباشمهندس
الحمد لله العربية حتى الان عملت حوالى 800كم بعد العمرة
وبفضل الله غيرت زيت وفلتر بعد اول 500كم
وحتى الان انا لسة ماظبطش تكيهات لان الميكانيكى قالى بعد اول 1000كم هيعيد عليهم ويظبطهم
المشكلة بقى فى سحب العربية بيختلف حسب ظروف التشغيل
يعنى بلاحظ انها لما بتكون بارده واول طلعة ليها بتسحب كويس وبعد لما امشى بيها مده واهدى مثلا عند مطب السحب بيضعف شوية
ومثلا امبارح وقفت على مزلقان وبطلت الموتور لحد لما الاقطر يعدى لطول الانتظار واول لما شغلت الموتور وبدأت اتحرك كان السحب احسن عن وانا ماشى بيها قبل ما اقف
مع العلم انى لم اقم بتغيير سيرالكاتينة وهو عندى من الجنزير
وهو بقالة فترة طويلة ماتغيرش
فهل ممكن يكون سير الكاتينة هو السبب ولا عدم ضبط التكيهات هو السبب؟؟؟؟؟؟؟؟؟؟؟
واية المشاكل اللي ممكن يسببها سوء حالةسير الكاتينة الجنزير؟؟؟؟؟؟؟
أحنا حننتظر بعد أعادة الضبط على التاكيهات .....وده اللى حيخلينا نعرف العيب من التاكيهات ..........ولا بسبب الديسك اللى متغيرش....اقتباس:
المشكلة بقى فى سحب العربية بيختلف حسب ظروف التشغيل
يعنى بلاحظ انها لما بتكون بارده واول طلعة ليها بتسحب كويس وبعد لما امشى بيها مده واهدى مثلا عند مطب السحب بيضعف شوية
ومثلا امبارح وقفت على مزلقان وبطلت الموتور لحد لما الاقطر يعدى لطول الانتظار واول لما شغلت الموتور وبدأت اتحرك كان السحب احسن عن وانا ماشى بيها قبل ما اقف
المفروض كل قطعه غيار فى العربيه وليها عمر أفتراضى وبتتغير .........والسير الجنزير لما بيقدم زياده عن الازم العقل بتبوش طبعا ......ويأثر على شغل التاكيهات ...لأن بيكون فيه بوش حصل بين العقل والبنوذ .....وطبعا ده بيتأثر برضه بالحراره ...لأن البوش مع الحراره حيخلق فرصه للأستطاله ....دا غير أن البوش بيخلى الصوت يعللى برضه ..........فلو فى فرصه لتغييره ....غيره ....قبل ماتظبط التاكيهاتاقتباس:
مع العلم انى لم اقم بتغيير سيرالكاتينة وهو عندى من الجنزير
وهو بقالة فترة طويلة ماتغيرش
فهل ممكن يكون سير الكاتينة هو السبب ولا عدم ضبط التكيهات هو السبب؟؟؟؟؟؟؟؟؟؟؟
واية المشاكل اللي ممكن يسببها سوء حالةسير الكاتينة الجنزير؟؟؟؟؟؟؟
لا يا أخى ........وخد أقرأ الموضوع ده كده http://www.nilemotors.net/Nile/showthread.php?t=78061
عين العقل ياباشمهندس
السلام عليكم ياباشمهندس سمير
اسأل الله ان تكون فى اتم صحة واحسن حال والاهل جميعاً
من ساعة ماعملت العمرة وانا بسمع صوت رنة معدن من الموتور بتظهر لما الموتور يوصل الى درجة حرارة التشغيل العادية
بس لما بتكون العربية باردة ولسة مدورها بيكون صوتها ناعم جداً ولما تسخن عادى الصوت دة بيظهر
ولما بتحرك بالعربية الصوت بيروح طول مانا دايس بنزين اول لما امور العربية الصوت يرجع تانى
وريت العربية لميكانكى تانى بس الميكانيكى التانى اثق فية لانه امين جداً جداً بس للاسف مش هو اللي عملى العمرة وسمع الصوت ده وقالى انه صوت البيل بيرزع...بس قالى انه مايعملش حاجة
فممكن يكون الصوت ده اية؟؟؟؟؟؟؟؟؟
ولو كان فعلاً البيل بيرزع زى مابيقول هل فعلاً مايعملش مشاكل ولا ممكن يبوظ الدنيا وكل اللي عملناة؟؟؟؟؟؟؟؟؟
علماً انة حتى الان ماشى بالعربية على مهلى ومابقرصش فيها نهائياً والحمد لله من لمسة بنزين بتسحب كويس جداً عن قبل العمرة ....فرق ملموس جداً
طمنى الله يطمنك ياباش مهندس