الموضوع: عمليت احلال وتجديد وبعد الاهمال تيجى المصريف

طبعا انا سبت العربية بقلها مدة معملتش فيها حاجة
1- الاربة بتنقط البزبيز اتكسرت ال3 اتكسرو حاجة تفرح
2- الabs بينور
3- الفرامل اليد ليس لها وجود اساسا
4- فرامل الرجل تقترب الى 128
5- استهلاك البنزين زاد عشان مغيرتش البوجيهات
6- العربية سحبها مات خالص وتحس بثقل العربية على الفتيس والمتور وضعفة الشديد
7- لمض كتير اتحرقت حتى لمبة الفنوس الامامى والفجات
8- الكبلن اليمين الكوتشة كل شوية بتفك نتيجة خطا فنى فى التركيب وممكن لو تسرب لية اى تراب يروح فى خبر كان ودة الاصلى وكلنا نعرف معنا الحكاية دية لانة بيجى بالاكس كامل مش راس بس

الاهمال والكسل وفى مثل بيقلك باب النجار مخلع انا مش خلع انا مبقاش فى باب خالص

خدت منى شغل يومين اول يوم 2 ساعة
ثانى يوم من الساعة 2 الظهر حتى 12 بليل اى 2+10=12 ساعة جنب العربية ومن يقوم بتصلح عربيتة يعرف معنا ذالك طبعا

المشتريات اولا السعر
1-اربة مية 85
2-طقم بوجيهات بوش 53
3-سير كتينة بوش 48
4- good year سير دنمو 38
5-فلتر بنزين فيبى 30
6-بلية شداد الكتينة فيبى اصلى 195
7-تيل خلفية فيبى 155
8- تيل امامى رمسا 100
المجموع هو 704
وطبعا كل السعار دية تجارى يعنى جملة
وهذا الفصل الاول

ثانيا
التركيب المصنعية

اولا تركيب قطع الغيار سهل مصنعية فى تركيب ما سبق 10 +10+5= لوازم ومصنعية اى المجموع 25

الفصل الثالث وهو الabs
وطبعا لازم الجهاز رحت لصابر بتاع ربعة العدوية عشان عندة الجهاز الكبير والدقيق وفى عندة مهندس بيجيلة بعد مبيخلص فى توكيل منصور اسمة احمد وبصراحة الشب دة محترم جدا وقليلا لما بتلقى حد كويس فى الزمن دة طيب جدا وخدوم وعندة ضمير صارم اوى المهم
خليت صابر يكشف اعد يقلى حساسات وغير وعمل المهم كشفت بالجهاز
2 erorr
الاول فى الحساس الخلفى اليمين وطبعا كلنا نعرف ان الحساس دة فى السرة ونادرا لما بيبوظ يعنى مرة كل مليون عربية لانة انت بتغير السرة كلها
الثانى وهو بيقلك ان راس الكوبلن مع الحساس اليمين فى مشاكل ودة نتيجى الشحم عمل عازل على راس الكوبلن والحساس
وطبعا هو قلى ان الوحدة باظت بس طبعا كل قلى قالة رميتة وراء ضهرى وبتديت اتكلم واستنيت المهندس

اولا فكينا العجلة اليمين وظبطنا الكوتشة ودية ليها ظبطة خاصة لان الشحم مش بيخليك تعرف تقفل الكوبلن صح ودية مشكلة المهم خلصنا الحكاية دية وخليت صابر بنفسة يعملها لانها عمليه عيزة صنيعى شاطر وكلة تمام وكشفت بالجهاز وكلة 100100

ثانيا الحساس الخلفى اليمين

اتكلمت مع المهندس قلى غالبا الفيشة او السلك اى الضفيرة ودية قصة كبيرة وفورناء الضفيرة والبفولتاميتر اعدنا لغايت موصلنا لعدت ثقرات عدم التوصيل وهى ان السلك مقطوع فى كذا حتة نتيجة خطا فنى سابق نتيجة عدم تركيبة بطريقة صحيحة فى المرة الاولى وشغلانة الكوية وجميع نعرف الن هذا السلك مبيتلحمش بسهولة اصدير وجبت سلك تانى سيحتة علية وقفلتة بشريط لحام وظبطنا الدنيا وركبنا طبعا مش عايز اتكلم فى موضوع انى كنت معاة تحت العربية وايدى فى ايدة عشان بعد كدة انا هعملها بنفسى بس الجهاز مهم جدا جدا لو كان عندى مكنتش رحتلة بس انا بستمتع جدا بالحكاية دية المعرفة كويسة جدا وتنقشت مع احمد المهندس فى حجات كتير معاة وخت نمرت تليفونة عشان لو حد عايز اى استشارة فنية ببلاش اعت اتكلمت معاة بتاع 4 سعات الراجل بسراحة حديثة ممتع وقتل الوقت الطويل من 2 الى 12 اى 10 سعات لكا ان تتخيل

طبعا استغلنى جدا فى مجرد تظبيط الكوبلن وحكايت الضفيرة وكشف الجهاز وخد منى 150 جنية مصرى عدا ونقدا

الفصل الاخير وهو اللمض جبت لمض 2 لمبة 40 جنية
جبت علبت لمض سفاية عشان الطبلوة نور التكيف والولاعة وحجات كدة

وركبت الحجات دية بنفسى

المجموع كالاتى
704+40+150+25+10 +20=والنتيجة 949 جنية مصرى عدا ونقدا
والعربية رجعت اوبل تانى وبصراحة اخر مرة اسبها كدة وهذا وعد منى
بصراحة انشغلت الفترة قلى فاتت المشكلة هنا الوقت قلى راح لو كنت قسمتة كنت محستش بية خالص بس هنعمل اة الشغل وبعض المشاكل وربنا يكون فى عون الشباب المطحون

ولو حد عايز اى حاجة فى النقاط دية انا بقيت محترف فك وتركيب ومش هاخد كتير وهذا العرض سارى حتى انتهائى من بناء العربية هههههههههههههههههه

المشاركة الأصلية كتبت بواسطة abdelaziz-waleed

الف مبروك يا تامر. ربنا يحفظهالك
والاوبل عربية فعلا تستحق الاهتمام لأبعد الحدود

مش الاوبل بس اى عربية هتصنها هتصونك لو اهملتها هتبهدلك انا عارف حدودها بس كنت مستنى لما اكون فاضى وشكرا ليك جدا على كلماتك الرقيقة