الموضوع: سبب الهبوط السريع لأسعار السيارات بمصر

اللى هايشترى جديد ألأن أن شاء الله سوف يندم جدا مع نزول العروض الخياليه على السيارات الجديده. عن قريب وقبل أنتهاء شهر يوليه.

ياجماعه الشركات المصنعة للسيارات تعطى الوكلاء قائمة بهامش الربح المفروض أن يلتزموا به لكن لسببين قويين لايلتزموا بهذا الهامش

1- أن الشركات المصنعة لم تكن تهتم بالعمل والبيع بهامش الربح المعلن منهم للوكيل طالما أن الوكيل يحقق التارجت (المبيعات) المطلوبة منه.
2- الطمع والجشع وعدم الرقابة الحكوميه.
3- شىء يسمى التارجت (Target) اللذى يجب أن يحققه الوكلاء من المبيعات فى العام خاصة أذا كان الوكيل مستثمر أو مساهم ومشارك مع المصنع.

والتارجت هذا هو اللذى يضغط ألأن بدرجة لايمكن أن تتخيلوها على الشركات المصنعة (لأن عندها Target لازم تحققه) ومن ثم على الوكيل ومن ثم يضغط على الحكومة والجمارك وسوف ترون.


وكمان معلومه جديده ربما تضحك معظمكم.

أسعار العقارات فى النازل وخاصة الممولة من البنوك والعرض أصبح كبيرا جدا جدا والجديد عظيم.


أرجو التعليق والتصحيح من العامه والمتخصصين وأخذ الموضوع بجديه لأهميته الشديده على المدى البعيد القريب.

رئيس مصلحة الجمارك: إعفاء تدريجي للسيارات الأوروبية من الرسوم الجمركية بحلول 2010
وكان جلال أبو الفتوح مستشار وزير المالية لشئون الجمارك قد كشف عن أنه سيتم تخفيض الرسوم الجمركية على السيارات المستوردة من الاتحاد الأوروبي بنسبة 4% ‏لفئة ‏1600‏ سي سي وما أقل بداية من 2010 على أن تقل نسبة الجمارك تدريجياً لتتلاشى تماماً بعد 10 سنوات.

أدخل وأقرأ ربما تقتنع.

http://www.masrawy.com/News/Egypt/Economy/2009/April/18/customs.aspx

المشاركة الأصلية كتبت بواسطة mahmoud4871

رئيس مصلحة الجمارك: إعفاء تدريجي للسيارات الأوروبية من الرسوم الجمركية بحلول 2010
وكان جلال أبو الفتوح مستشار وزير المالية لشئون الجمارك قد كشف عن أنه سيتم تخفيض الرسوم الجمركية على السيارات المستوردة من الاتحاد الأوروبي بنسبة 4% ‏لفئة ‏1600‏ سي سي وما أقل بداية من 2010 على أن تقل نسبة الجمارك تدريجياً لتتلاشى تماماً بعد 10 سنوات.

أدخل وأقرأ ربما تقتنع.

http://www.masrawy.com/News/Egypt/Economy/2009/April/18/customs.aspx

كلام جميل ومظبوط

لكن اتفاقيه الجات اشطرت ألغاء الجمارك فقط

لكن عندك ضريبه المبيعات وضريبه الدمغه ورسوم التراخيص ووووو

كفايه أحلام هات لى حاجه فى مصر رخصت من أيام الفراعنه

ونفس الكلام على العقارات عمرها ما حترخص وانما هى فتره هدوء لحين نزول

اخواننا من الدول العربيه وحتلاقى كل المعروض اتباع وباغلى من دلوقتى وحتلاقى الناس تجرى تشترى

نظريتك صحيحة 100% بالاضافة لان السوق تشبع لعدة سنوات و الوكلاء كسبوا أموال طائلة و اللي عاوز يشتري النهاردة مش هو النوع اللمش فارق معاه الفرق بين 100 و 90 و 80 لا ده النوع اللي ناوي يحط تحويشة العمر لشراء السيارة و كل 100جنيه بتفرق معاه
زي خطوط المحمول زمان كانت ب3000 ج للخط و كانت الناس بتشتري ثم ثبتت فنزلت الشركات الاسعار الى 1500 وحتي بقت ل10 ج
و بحسبة بسيطة:
الركود العالمي+تشبع السوق المحلي+مؤشرات لخفض الجمارك+سخط الجمهورعلى وكلاء السيارات+قلق الجمهور من انخفاض أكثر بعد مايدبس و يشتري و يكون هو الضحية+قلق قانون المرور+ارتفاع البنزين والترخيص"الي اتعمل لتعويض تنزيل الجمارك بأثر رجعي"+الزحام و كثرة الحوادث+مشاكل السيارات الجديدة في فئة 45-70الف كل هذا يساوي=====انخفاض الاسعار بنسبة لا تقل عن 25%

المشاركة الأصلية كتبت بواسطة omaroof

كلام منطقى بعيد عن الاخبار اللى بتقولوها

لو 1000 واحد عاوز يشترى عربيه وشافو ان الاسعار غاليه وماشتروش ايه اللى حايحصل؟
الوكالات خسرت فلوس والعربيات واقفه بتخسرهم +الازمه العالميه وبالتالى النتيجه ايه؟
اما ان يتم تخفيض السيارات وبيعها بنسبة ربح صغيره وهو المطلوب
او يخلي السيارات واقفه وكل يوم هو بيخسر
وبالتالى تصبح حملة خلوها تصدى فعلا اسم على مسمى
فالرجاء تحديد كل شخص عاوز ايه ومحتاج عربيه ضرورى ولا ممكن يستنى
انا واحد من الناس لن اشترى عربيه فى مصر الا لما احس ان الوكيل بيخدمنى موش بيسرقنى واشترى عربيه وكاله فعلا موش بعد شهرين تلاته تصفر والتابلوه يزيق والكلام الفاضى ده +سعر مناسب موش زى الاسعار اللى موش موجود غير عندنا بس

كلام حضرتك منطقى جدا بس المشكلة اللى ماعندوش عربية خالص مايقدرش يستنى و اللى عنده و جاتله بيعة كويسة برده مش هيصبر عليها و حضرتك عارف دلوقتى إن العربيات مابقتش كماليات زى زمان و عارف بهدلة المواصلات و الإهانات اللى بتتعرضلها لمجرد إنك فكرت تركب مواصلة عامة و اللى مش ممكن تفكر لو انت استحملتها إنها تحصل لزوجتك أو والدتك أو والدك حتى. غير إن الجديد طبعا أريح و أكتر ثقة و ضمان من أى مستعمل مهما كانت حالته. عشان كده صعب جدا حد يبقى معاه تمن عربية جديدة و يستنى خاصة اللى مشاويرهم مرهقة بالنسبة للشغل أو السكن فيما عدا الناس اللى معاها عربيات و عايزة بس تغير و مش محتاجين تمن العربية القديمة لتمويل الجديدة واللى أنا مثلا مش منهم. عشان كده و غصب عنى أول ما أكمل إن شاء الله تمن العربية اللى عايز أجيبها مش هأدر أستنى لأن مشوارى بصراحة ما يستحملش

المشاركة الأصلية كتبت بواسطة mahmoud4871

لأن الشركات العالميه المصنعة للسيارات هددت بسحب التوكيلات من اصحاب التوكيلات في مصر اذا لم تخفض أسعارها بنسب تم اخبارهم بها بحد أقصى 30/6/2009 وذلك للمساعده فى رفع نسبة المبيعات فى مصر.وهذا الخبر تم التأكد منه. وكل اللمعاه عربيه قديمه بيبيعها بسرعه لشراء جديده بأسعار ممتازه جدا قريبا جدا

طب واللى يبيع عربيتة ويلاقى الاسعار مانزلتش زى مانت متاكد يعمل فيك اية ساعتها ؟؟؟؟