لكل خبراء السيفيك٩٢- ٩٣ أرجو الدخول

**MAGPC** · 17-04-2009 04:26 AM

أرجو من حضرتكم توضيح كل شيء عن هذه السيارةHonda Civic 92-93 يعني انواعها كمالياتها
إيه اللي مانوال و إيه اللي اوتو؟ إنجكشن ولا؟ باور؟ يعني بإختصار كل شيء عن السيارة لأني احتاج إلى المعلومات قبل أن اشتريها وشكراً جزيلاً

**M_Nabil** · 17-04-2009 04:48 AM

المشاركة الأصلية كتبت بواسطة MAGPC

أرجو من حضرتكم توضيح كل شيء عن هذه السيارةHonda Civic 92-93 يعني انواعها كمالياتها
إيه اللي مانوال و إيه اللي اوتو؟ إنجكشن ولا؟ باور؟ يعني بإختصار كل شيء عن السيارة لأني احتاج إلى المعلومات قبل أن اشتريها وشكراً جزيلاً

ممكن تتعب بس شوية وتغوص في صفحات قسم الهوندا لحد الصفحة 20 مثلا هتلقى كل اللى نفسك فيه من معلومات عن الجيل الخامس من اسعار قطع غيار وصيانه وتعديل وموديلاتها المختلفة واللى مش هتلقى قول عليه وهنجوبك إن شاء الله تحياتي.

**MAGPC** · 18-04-2009 04:16 PM

أنا غوصت بس بعد عناء وجهد لقيت شوية حاجات ولكن أرجو من حضرتكم تجميع جميع المواضيع المهمة لهذه السيارة في الأول كما هو موجود في قسم الابيزا

**Shocky** · 18-04-2009 07:01 PM

بسم الله الرحمن الرحيم

بالنسبة للهوندا سيفيك 92-93-94 ( الجيل الخامس )
المنتشر فى مصر
الفئات الاتية
EX
SI
SIR
فى غيرهم طبعا , لكن دول الاكثر انتشاراً

بالنسبة للـ EX
الموتور : 1500 سىسى كربراتير , اغلبية الموجود منها اوتوماتيك
الكماليات : 4 زجاج كهربا , مرايات كهربا , باور , تكييف ..

بالنسبة للـ SI
الموتور : 1600 سىسى , أنجكشن , فى منها مانيوال واوتوماتيك , لكن كالعادة الهوندا الاغلبية منها اوتوماتيك
الكماليات : كل كماليات الـ EX بالإضافة لفتحة سقف

بالنسبة للـ SIR
الموتور 1600 سىسى , لكن اعلى فى الهورس باور وخلافة , انا معرفش بالظبط كام لكن فى ناس معاهم العربية يفيدوك اكتر

قطع الغيار :
http://www.nilemotors.net/Nile/showthread.php?t=45370

والموضوع دة :
http://www.nilemotors.net/Nile/showthread.php?t=9245
كان مناقشة عامة عن الجيل الخامس اللى حضرتك بتسأل عنة
وشكراً

**tmedhat** · 18-04-2009 11:05 PM

انا معايا si
خليجى
اسال اى سؤال يخصها و انا تحت امرك

**MAGPC** · 18-04-2009 11:48 PM

شكراً ليكم بس في سؤال للأستاذ مدحت
أنا شايف إن العربية دي قديمة شوية فهل دة مأثر على العربية مثلاً الموتور أو العفشة؟ولا لسة العربية عفية كدة ؟و كمان قطاع الغيار هل رخيصة ولا متوسطة يعني أنا والدي عنده اوبل فهل اسعارها زيها ولا أغلى أو أرخص؟

**M_Nabil** · 19-04-2009 04:08 PM

المشاركة الأصلية كتبت بواسطة MAGPC

شكراً ليكم بس في سؤال للأستاذ مدحت
أنا شايف إن العربية دي قديمة شوية فهل دة مأثر على العربية مثلاً الموتور أو العفشة؟ولا لسة العربية عفية كدة

؟و كمان قطاع الغيار هل رخيصة ولا متوسطة يعني أنا والدي عنده اوبل فهل اسعارها زيها ولا أغلى أو أرخص؟

لو تسمحلى ارد لحين أ.مدحت ما يرد عليك هو فعلا تحس ان الموديل قديم بقاله 15 و 16 سنه بس لو العربية نظيفة متحافظ عليها واللى هتشتريها منه ايده فيها باستمرار هتحس انك راكب موديل فوق 2002 مقارنة بالعربيات الكوري مثلا يعنى نقطة العمر وحالة الماتور والعفشة مفيش فيها مشكلة خالص (لو العربية نظيفة) وبالنسبة لقطع الغيار في العام تعتبر متوسطة وفي بعضها رخيص واعتقد انها هتكون ارخص من الاوبل بس الصراحة انت معرفش الاوبل قطع غياره نظامها اية بس انت ممكن تقرنها لو عارفها بالموضوع اللى تفضل الاخ Shockyبكتابة اللينك بتعه في مشاركتة السابقة

**MAGPC** · 20-04-2009 07:33 PM

متشكر جداً على ردك بس أنا معلش ليا سؤال تاني فرعي شوية هو إلي محافظ على العربية دة قصدك اللي بيواضب على صيانتها بس؟ولا لازم يكون مش مبهدلها في سواقته لأن أغلب اللي بيركبوها شباب؟

**M_Nabil** · 20-04-2009 08:23 PM

هو الموضوع يندرج تحت الحالتين الحقيقة بس الأكثر والأهم المواظبة على الصيانة الدورية.

**kero25** · 09-05-2009 07:46 AM

المشاركة الأصلية كتبت بواسطة tmedhat

انا معايا si
خليجى
اسال اى سؤال يخصها و انا تحت امرك

اية الفرق بين الخليجى والمصرى فى الsir

الموضوع: لكل خبراء السيفيك٩٢- ٩٣ أرجو الدخول

LinkBack

أدوات الموضوع

عرض

-

-

-

-

-

المواضيع المتشابهه

جاد جدا جدا جدا..مطلوب هوندا سيفيك ٩٢<٩٥ البطة

مطلوب هوندا سيفيكex أو si مو ٩٢-٩٣-٩٤-٩٥

مطلوب كيا برايد سيدان بالتكيف ١٩٩٩ او ٢٠٠٠

ترويش القديم : تغيير تابلوه تيوتا كورولا ١٩٧٨ بهوندا سيفيك ١٩٩٢

lada١٩٩٣ 2105 للبيع

الكلمات الدلالية لهذا الموضوع

المفضلات

المفضلات

ضوابط المشاركة