المقابلة اللى بعد الجاية

**Hossam_Hassan** · 17-09-2007 04:17 PM

معلش يا جماعة، صحيح ليه بدرى بس الفكرة عجبانى و عاوز اقترحها عليكم، ايه رأيكم المقابلة اللى بعد رمضان تبقى عبارة عن رحلة الى الأسكندرية الجميلة، الجو هيبقى شتاء بس اسكندرية بتبقى تحفة و ممكن نتحرك بدرى قوى و أخواننا اللى فى اسكندرية أكيد هيوضبولنا بروجرام جامد.

**3mr Farrag** · 17-09-2007 04:31 PM

انا موافق.....بس سفاريه ذي ديه هتكون الساعه كام؟؟؟؟؟

**sherif_84** · 17-09-2007 05:31 PM

ياجماعة بلاش من اسكندرية خلينا فالقاهرة بلدنا
وبعدين الاعضاء بتوع اسكندرية هما اللى يجيوا عندنا عشان هما يتعدوا على الاصابع انما بتوع القاهرة كتير جدا
أنا لا أؤيد الفكرة خلينا فالربوة أحســــــن

**AlmAhAtmA** · 17-09-2007 06:58 PM

يا حسام يا حسن يا جامد قوييييييييييييييي
ايوه كده يا جماعه
عايزين نتحرك شويه
يا سيدي لو اسكندريه بعيده
تعالوا نروح اي مكان تاني بس نتحرك
يعني المقابلات المفروض كل مره تكون في مكان شكل
ربنا اكرمنا و كلنا معانا عربيات يالا بينا نتحرك شويه

**PAYOO** · 17-09-2007 07:56 PM

والله يا جماعة الفكرة جميله جدا خصوصا أننا هانقابل ناس بنحبها زي ("هاني" AlmAhAtmA)
وإذا ما كناش أحنا إللي نلف محافظات مصر أمال مين إللي يلف الناس إللي ممعاهش عربيات؟

ياللا ياللا بلاش كسل
دا انا متخيل أننا مسافرين طابور كبير عربيات وكل عربيه معلقة علم NILE MOTORS والناس كلها بتتفرج علينا ومعجبه بينا وأحنا ماشيين منظمين وشكلنا زي طابور عرض عاملين شغل جامد جدا ودعايه جامده جدا جدا

انا أفتكر أنهم في اللجان هايقفونا عشان يسألونا الموكب ده بتاع مين ؟ ولما نقول لهم NILE MOTORS يفتحولنا السكة ويبعتوا معانا حراسه كمان

**Powert** · 17-09-2007 08:32 PM

طبعاً هيفتحوا السكة ويبعتوا معانا حراسة على السجن :arrow:

ويقولوا تحريض على المظاهرات لدولة اجنبية بعلم نايل موتورز :|

بس فكرة حلوة المقابلة في السجن بس ياترى يبقى سجن اية :?:

انا برجح سجن طرة لانة في طريق مصر - اسكندرية

وياريت اللي ساكنين في اسكندربة ماينسوناس و يجيبوا العيش والحلاوة :mrgreen:

**Powert** · 17-09-2007 09:00 PM

وياترى اجيب المايوة بتاعي ولا اجي من غيره

شكل كده المقابلة هتكون على البحر

احنا ممكن نلف المحافظات وكل شهر في محافظة :D

**اسلام المصرى** · 17-09-2007 11:46 PM

أنا أؤيد هذه الفكرة :) الأسكندرية مدينة جميلة , ولو الموضوع يمشى كما وصفه الأخ بايو تبقى ميه ميه :) أهم حاجة نحط خطة ماتخرش الميه للأكل :D يعنى الفطار ايه و الوجبة اللى بين الفطار و الغذاء ايه , و الغذاء ايه و العشاء هيكون ايه ؟؟؟ أه عايزين نتفق على الحاجات المهمه ديه من الأول :D و أهم حاجة كمان الألتزام بالسرعات المقررة طوال الرحلة و الألتزام بالميعاد الصباحى للتجمع علشان نكون كلنا مع بعض , و أعتقد ان الأخ الجميل هانى هيكون فى انتظرنا من الصباح الباكر على بوابات الأسكندرية بالعلم بتاع نايل موتورز و الورود و وجبة الأفطار :lol:

-

-

الموضوع: المقابلة اللى بعد الجاية

LinkBack

أدوات الموضوع

عرض

المقابلة اللى بعد الجاية - انشر الموضوع فى :

-

-

-

-

-

المواضيع المتشابهه

...........المقابلة الجاية............

المقابلة الجاية يا بروتوناوية هتكون في الحملة المجانية (شعر)

تقرير عن اللى حصل فى المقابلة الثانية للطنطاوية

معاد و مكان المقابلة الجاية بإذن الله

المقابلة الجاية لو فى الإسماعيلية هتبقى عاملة إزاى (بالصور) أرجو آراء من الأعضاء

الكلمات الدلالية لهذا الموضوع

المفضلات

المفضلات

ضوابط المشاركة