الموضوع: انخفاض اسعار الياريس

لمعلوماتكم بس يا جماعه سعر الين ارتفع مش انخفض انا فى السوق العملات وعارف واعت ادحك لمه مسكت الجرنان وهوه بيتحك على لاشعب ان الين انخفض عليه العوض فى دى حكومه كدابه

سوق عملات ايه و كلام فارغ ايه
ايه الجهل دا؟
طب قول انا اعتقد انه منزلش و خلاص و لا قول ا كلام فارغ و خلاص و اهى فتية و تعدى مكنتش هعلق, انما كمان تقول انك فى سوق العملات و عارف؟؟؟
بالنسبة لبقية الناس اللى بتسال ,
اولا يا جماعة سبب انخفاض سعر الياريس هو الين فقط مش الازمة و لا الركود و لا اى حاجة تانية و بدل منشجع الحركة اللى عملها التوكيل و نطالب باقى اليابانى انه ينزل نقوم نقول مش عارف ايه دى اشاعة و كلام كدا؟؟

الين اليابانى فى مدة حوالى شهر نزل جامد جداااااا قدام الدولار , كان الين ب 6.25 قدام الجنيه المصرى دلوقت بق بحوالى 5.68 يعنى لو التوكيل بيستورد العربية ب 1000000 ين يابانى (10000 مية ين يابانى) كان مفروض بالمصرى يكون ب 62500 جنيه , دلوقتى بقت ب 56800 جنيه
من الاخر الين قل حوال 10% من قيمته و مفروض العربيات اليابانى تقل 10% من تمنها

على فكرة انا عامل موضوع هنا اول الين ما نزل
http://www.nilemotors.net/Nile/showthread.php?t=61824

و سالت هينزلوا سعر الياريس و لا لأ و طلعوا محترمين و نزلوها.

الكورولا يا جماعة جنوب افريقى و التوكيل بيستوردها بالدولار و دا من اسباب ان تويوتا بتصنع عربيات فى دولة من كل قارة علشان تصدر للقارة دى بالدولار علشان تقدر تتحكم فى التكلفة لو الين زاد ز ما حصل بالظبط دا من ضمن الاسباب غير طبعا اسباب تانية كتير زى التكلفة الاقل.

حاجة تانية التوكيلات الل مغلتش مش مفروض ترخص بمعنى توكيل دايهاتسوا مثلا اللى اعرفه و الله اعلم مش متاكد اوى انه مغلاش الاسعار لما الين زاد يبقى هو مش مطالب يخفض السعر.

التوكيل بيبقى عامل حسابه ان سعر العملة هيزيد و بيسعرها غالبا بسعر اعلى من قيمة العملة علشان لما العملة تزيد لدرجة معينة ميضطرش يزود السعر كل شوية و ينقصه الا فى حالة زيادة كبيرة زى اللى حصلت للين و انخفض تانى.

سبب ان الياريس بس اللى نزل تمنها ان التوكيل بيستورد الياريس و الكورولا بس و الكورولا بالدولار يعنى مفيش عنده عربية تانية يرخصها غير الياريس.

راح فين بقى كلام مصطفى شاهين إن أسعار تويوتا حتزيد مش حتقل الفترة الجاية

هو قال هتزيد بسبب زيادة الين و دا اللى حصل فعلا و قال الكورولا مش هتزيد علشان بالدولار بس اللى مكنش حد يقدر يتوقعه ان الين ينزل النزلة دى و يرجع تانى زى زمان

__________
لقد خالفت القاعدة رقم 13 من قواعد المنتدى، لذا تستحق انذار وسيتم رفع الايقاف المصاحب للانذار تخفيفاً للعقوبة.

إدارة المنتدى2
(إ.م.2)