اشتريها مصري واللا خليجي؟

**Ahmed Hassan** · 20-04-2009 10:14 PM

المشاركة الأصلية كتبت بواسطة omaroof

انا معايا خليجى ماشاء الله مفيهاش اى عيوب تقفيل وفيها abs هى مانوال 1300 سى سى بصراحه ممتازه

لكن اللى سمعته عن المصرى فيها عيوب تقفيل وممكن اللى عنده تقفيل مصرى يفيدك اكتر منى
وزى الاخوه ماقالو الكاسيت موش مهم انتى اشترى واحد

ولو مافيهاش abs برضه من وجهة نظرى موش مشكله

المهم تركب عربيه مافيهاش عيوب تقفيل يعنى ولا تابلوه يزيق ولا درج يطلع صوت لان الحاجات دى تكرهك فى العربيه

وربنا يكتبلك اللى فيها الخير لك ان شاء الله

لى ح علمي الـ 1300 مفيهاش abs

**MAX_PIN** · 21-04-2009 01:26 AM

المشاركة الأصلية كتبت بواسطة مصراوي جدا

استاذي الفاضل
المصري والخليجي وحتى الأردني كذلك كلهم صناعة يابانية 100 % ومفيش اي حاجه منهم بتتقفل خارج اليابان

كل الفروقات بين التلاتة كماليات فقط

وفرق واحد كمان ان الخليجي 1600 سي سي محرك 122 حصان وتحتاج بنزين 95 والمصري والأردني 1600 سي سي محرك 106 حصان بنزين 90 أو أعلى

وموضوع الصناعة اليابانية 100% ده ينطبق على كل اللانسر من اول ما نزلت مش موديلات حديثة فقط او قديمة فقط او خلافه

100000000000000+++

**omaroof** · 21-04-2009 06:36 PM

المشاركة الأصلية كتبت بواسطة مصراوي جدا

استاذي الفاضل
المصري والخليجي وحتى الأردني كذلك كلهم صناعة يابانية 100 % ومفيش اي حاجه منهم بتتقفل خارج اليابان

كل الفروقات بين التلاتة كماليات فقط

وفرق واحد كمان ان الخليجي 1600 سي سي محرك 122 حصان وتحتاج بنزين 95 والمصري والأردني 1600 سي سي محرك 106 حصان بنزين 90 أو أعلى

وموضوع الصناعة اليابانية 100% ده ينطبق على كل اللانسر من اول ما نزلت مش موديلات حديثة فقط او قديمة فقط او خلافه

افهم من كلامك ان المصرى تقفيل اليابان ؟؟؟؟؟؟؟؟؟؟؟؟؟؟؟؟؟؟

ولو تقفيل اليابان ليه دائما ناس بتشتكى من التقفيل ده موش بالنسبه للنسر لا ده بالنسبه لمعظم العربيات ؟؟؟؟؟؟؟؟؟؟؟؟؟؟؟؟
وليه مواصفاتها اقل من الخليجى وفى معظم الاحوال اغلى من الخليجى؟
واسف على الاطاله

**mohamedway** · 23-04-2009 10:35 AM

واضح ان صاحب الموضوع مايعرفش ايه هو الabs مع احترامى الشديد لشخصه لأن عربيته 1300 و ال1300 ما نزلتش بالabs خالص لا مصرى و لا خليجى.

**مصراوي جدا** · 23-04-2009 12:44 PM

المشاركة الأصلية كتبت بواسطة omaroof

افهم من كلامك ان المصرى تقفيل اليابان ؟؟؟؟؟؟؟؟؟؟؟؟؟؟؟؟؟؟

ولو تقفيل اليابان ليه دائما ناس بتشتكى من التقفيل ده موش بالنسبه للنسر لا ده بالنسبه لمعظم العربيات ؟؟؟؟؟؟؟؟؟؟؟؟؟؟؟؟
وليه مواصفاتها اقل من الخليجى وفى معظم الاحوال اغلى من الخليجى؟
واسف على الاطاله

هو طبعا كلمة مصري وأردني وخليجي خلت ناس كتير معندهاش خبرة بالموضوع تعتقد ان مصري يعني تقفيل مصري وهكذا
انما الموضوع ببساطة ان كل العربيات مصنعة بالكامل في اليابان لكن من كام سنة لما طلع قرار منع الاحتكار وبالتالي ممكن استيراد العربية من غير بلد المنشأ ، اتجه التجار لاستيراد العربية من دول الخليج المختلفة والأردن كذلك فأصبح المسمى الشائع للتفريق بين العربية اللي مصدرها الوكيل في مصر وبين المستوردة من دول الخليج بمواصفات خليجية وبين المستوردة من الأردن ان دي مصري ودي خليجي ودي أردني انما في الآخر كله مصنع بالكامل في اليابان والدول دي مجرد مستوردة ثم اعادة تصدير لمصر

انما شكوى الناس من التقفيل المصري فدي حقيقة وبتكون بالنسبة للعربيات اللي بتتجمع او بتتقفل في مصر ولو ان المرسيدس والبي ام بيتجمعوا في مصر ومفيش شكاوي تقفيل منهم يعني العامل المصري لما بيشتغل بضمير بيكون احسن من مثيله في اي بلد تانية

مواصفات اللانسر المصري اقل من الخليجي ده موضوع كماليات يعني كل وكيل في اي دولة هو اللي بيحدد الكماليات اللي بيطلبها لعربياته
اما عن السعر اعلى من الخليجي لأن تاجر الخليجي بيعتمد على بيع عدد كتير بهامش ربح قليل جدا علشان يقدر ينافس الوكيل واعتقد منذ بداية الأزمة المالية والخليجي قل جدا في السوق لأن معدش فيه بيع كتير يعوض السعر المتدني للعربية الخليجي