بعد تغيير المقصات والطنابير وووزن الكوتش ظبط الزوايه لسا في حدف

**himatros** · 29-04-2009 01:41 PM

ممكن علبة الدريكسيون
والله اعلم

**aymoonoo** · 02-05-2009 03:21 AM

ممكن انا هغيرها عالأسبوع ده عشان عندي صوت تزييق وحسب العفشجي قال انه العلبه هغيرها واشوف

**حماده المصري** · 02-05-2009 03:36 AM

هو علبه الدركسيون بتبقى باينه جدا انها بايزه بتخبط في الشوارع المكسره

وتحس بصوت خبط في الدركسيون بالاضافه الى رعشه على السرعات العاليه بدون ضغط الفرامل

والي اعرفه برضو انك لو عايز تعرف العلبه بايزه او سليمه اخبط الدركسيون بايدك لو سمعت صوت رنه او تسميعه تبقى العلبه بايزه

--------------------

بالنسبه صباعين الميزان هما مسؤوليه عن اتزان العربيه

وعامه انا دول بغيرهم دائما وانا بغير الحاجات المعتاده هي مره وحده يتغير فيها معظم الجلب
بيض مقص و بارات دركسيون ووتيش الميزان او اسمه صباع الميزان

**exact** · 07-05-2009 01:16 AM

هو ده رأي شخصي
وأنا مش متخصص
بس تخيل معايا كده مش ممكن يكون ده بسبب ان فيه حاجة قافشة فالعفشه
مثلا لو جيت في وقت خدت طوبه او اي حاجة ضغطت على المساعد والمقص الشمال لوحدهم وبعدين اللي حصل ان المقص والمساعد متفردش للأخر تماما فاللي هيحصل ان العربيه هتلاقيها مايله شويه ناحية الشمال وبالتالي تبدأ تحدف
وبالتالي اعتقد ان الحل انك تفحص اجزاء العفشه حتة حتة وتشحمها كويس جدا وتعيد تجميعها وبعدين اظبط زوايا
وقول لي كده اللي حصل

**aymoonoo** · 08-05-2009 07:32 PM

والله يا شباب بالنسبه للحدفه هيا مش عارف بس انا رحت رصصت تاني وظبط زوايه بعد ما غيرت العلبه وبيض التوازن وتقريبا انا كده غيرت العفشه كلها مقصات مساعدين بارات دريكسيون وفي حاجات تانيه انا ناسيها اكيد وانشالله يكون كلو تمام دلوقتي انا في فترة تجربه

**exact** · 08-05-2009 10:14 PM

انا حصل معايا موقف مشابه في عربيتي وهي هيونداي اكسيل
بعد ما واحد خلاها واقفة وهبدها جامد في العجلة الشمال ورا
اللي حصل انها بقت بتيجي عند سرعة 70- 80 كدة وتعوم جدا وفي أي اتجاه
فاللي حصل ظبطنا زوايا وعملنا البدع وغيرنا المقصات بالكامل والموازين والبيض وكل حاجة
ومكناش واخدين بالنا من اللي حصل ورا ومع ذلك فضلت عايمة جدا
لحد ماسيبتني من الورش التعبانه بتاع القاهرة ورجعت عندنا لواحد جارنا فالمحلة
جاب المسطرة وقاس العجل الوراني لوحده من غير ماقول له حاجة
لقى العجلة الشمال مفتوحة 1سم وهو ده السبب
وكان لا بد من تغيير ( الدنجل) (مجموعة التعليق الخلفية)
المهم رحت جبت واحد تقطيع بحوالي 300 جنيه وركبته وبعدين طلعنا بالعربية عالطريق الدائري حوالين المحلة
العربية وصلت لحد سرعة 130 وزي الفل
كملنا بعد كدة الظبط الدقيق بالكمبيوتر وبقت الحمد لله 100 100

**moharram3** · 02-03-2010 02:39 PM

الأخ العزيز ايمونو ، أنا عندى عربية تمبرا وكان حصل لى نفس المشكلة اللى إنت بتحكى عنها ، وفعلا فضلت دايخ فترة طويلة جدا من العفشجى للميكانيكى لبتاع ضبط الزوايا وطبعا كل مرة كل واحد فيهم يفتى بإن جزء مهم محتاج يتغير أو يتصلح ولكن للأسف كل مرة كنا بالاقى المشكلة زى ماهى من غير حل ، المهم فى النهاية واحد بتاع ضبط زوايا قال لى إن العجلة اليمين كانت مأخرة حوالى 2 سم ولما عملتها عند واحد بتاع إستعدال شاسيه فعلا العربية ضبطت والحمدلله ، ونصيحتى إنك تتأكد إن العجل الأمامى والخلفى مضبوط ومافيهوش تأخير أو تقديم