الموضوع: عصابة جديدة لسرقة لوجوهات وعلامات الموجودة على السيارات

المشاركة الأصلية كتبت بواسطة Ahmed Samy

امبارح ...
واحد صاحبي تحت البيت عنده
اتسرقت علامات تسع سيارات (تسعة) كل العلامات قدام وورا و بحرفية شديدة (ولا كسر و لا خربوش حتى في علامة البوما الأمامية

من السيارات اتنين جيتا و نيو فابيا و اتنين لانسر بوما و رينو ميجان و مازدا 3 .

الجميل بقى ان ده حصل بين الساعة 6 صباحا و 7:30 صباحا لأن البواب حلف انه غاسل العربيات الساعة 6 و كل العلامات كانت موجودة


انا خلاص حتى علامة اللانسر (التايواني) اتسرقت و كسرها و رماهالي على المساحات

هانت ....ربنا يخرجنا منها على خير

البلد بتتقدم يا دوك ..

الحرامية لازم يبقوا مثقفين و متطورين اكثر عن زمان .

ااااخ انا اسف انى قلت عليهم حرامية . قصدى الناس المحترفة دى .

انت بتقول اتسرقت ما بين 6 و 7 الصبح . يعنى وقت المدارس والشغل

امال لو الساعة 3.30 هيعملوا ايه !!

هيطلعوا ياخدونا من البيت ولا ايه :)

الحل الجامد يا جماعة و عن تجربة تجيب امبوبة امير مصري جامد من اللي بيدخن لو اتحط علي تراب و تنقط للوجو بتاع العربية حوالية بس تخلي في ايداك منديل ورق عشان لو سيل وتسيبه ينشف بالليل وتاني يوم بالليل نفس الموضوع

بعدها ممكن يفكو الكبوت و مايعرفوش يفكو اللوجو

ملحوظة نضف مكان اللوجو كويس قبل الشغل ولازم تكون العربية دافية يعني مش باردة قوي ولا راجعة من مشوار طويل.

يوم الجمعة العصر نزلت لقيت عربيتي الجديدة تويوتا ياريز متشال منها العلامة اللي في الشنطة الخلفية وكمان شكلها مسروقة بمفك
وانا شكيت في التوك توك علشان ناس ارباب سوابق حننتظر منهم ايه
حسبي الله ونعم الوكيل