انا عندي اقتراح ممتاز , ياريت ادرة المنتدي تشوف سمكري و ميكانيكي معتمد و امين و يكون في رسوم في حالة الشراء للاعضاء و اقل في حالة عدم الشراء و بهذا نكون قد افدنا المنتدي و الاعضاء علي حد سواء و هذا للاطمئنان و الثقه . و بالله التوفيق.
عرض للطباعة
انا عندي اقتراح ممتاز , ياريت ادرة المنتدي تشوف سمكري و ميكانيكي معتمد و امين و يكون في رسوم في حالة الشراء للاعضاء و اقل في حالة عدم الشراء و بهذا نكون قد افدنا المنتدي و الاعضاء علي حد سواء و هذا للاطمئنان و الثقه . و بالله التوفيق.
السلام عليكم
انا طبيب وكنت اعمل بالسعوديه وكنت متابع وضع السيارات فى مصر ف الفتره الماضيه المستعمل يعنى وعندما نزلت السوق من اسبوع لقيت فعلا كل كلامكم السابق صحيح 100% وفيه فكره كنت بافكر فيها ونفسى تنتفذ هنا وبصراحه هتبقى مفيده جدا جدا بكافه المقاييس وقريت كل المشاركات اللى فاتت وقلت اكيد حد هيكون اقترح الفكره دى لكن فضلت لحد ما لما وصلت للصفحه دى ولقيت ان الاخ midoadm اقترح الفكره وبصراحه فكره جيده لما فيها من نفع عام للجميع وتصبح فرصه عمل حقيقيه لاى شخص يكون ماهر فى تقييم السيارات
كان فيه موقع سعودى اسمه حراج السيارات وحراج عندهم يعنى سوق المهم كل الناس بتعرض سياراتها على النت على الموقع يعنى وكل الناس بتتفرج ع الصور وخلافه ومواصفات السياره ولما يحس انها عجبته وارتاحلها طبعا بيكلم صاحبها وبيروحلللو يتفرج على السياره ولو تم الاتفاق بيشتريها ما تمش لسبب او لاخر بيروح بيته تانى وهناك فى السعوديه المسافات بين المحافظات شاسعه بمعنى الكلمه يعنى ممكن بين المحافظه والتانيه حوالى 1000 كيلو يعنى بيبقى مشوار علقه ولما ميشتريش بيكون ضاع عليه وقت وجهد وفلوس حق المشوار
ومن هنا اقترح احد السعوديين عمل نواه لشركه تكون مهمتها هو الكشف على السيارات والتاكد من صلاحيتها وحالتها واعطاء الشارى تقرير مفصل عن السياره نظير مقابل مادى متفق عليه سواء تم البيع او لم يتم وده بيكون اما بالتليفون او عن طريق الايميل
يعنى مثلا لو تم البيع ياخد 300 ريال مثلا متمش بياخد 100 ريال
ايه المانع لو حد فكر يعمل المشروع ده وباختلافات عن السعوديه لان المسافات بين المحافظات مش زى السعوديه وبكده تبقى انت مطمن وانت بتشترى العربيه وفى النهايه لو طلع العربيه كويسه يبقى تشترى وتدي للراجل عمولته ولو طلعت العربيه مش كويسه برضه ياخد عمولته مهو احسن مكنت هتشترى وتدبس فى مبلغ اكبر مش صح ولا ايه .......
اعتقد الفكره هتبقى فعاليتها اكبر عن طريق النت
يعنى مثلا شفت عربيه وعجبتنى ف القاهره وصاحبها حاطط بيانات الاتصال يبقى الشخص اللى هو شاطر فى العربيات يروح لصاحب السياره ويعاينها وبعدين يبعت التقرير للى عاوز يشترى وياخد عمولته
لو متمش لسبب ان السياره غير مطابقه للمواصفات برضه ياخد عمولته وده بيكون عن طريق حساب فى البنك تحول عليه المبلغ المتفق عليه
او لو فيه حد عاوز يشترى عربيه نظير جزء معين برضه ممكن يتم الاتفاق
انا قلت اقولكم وجه نظرى ويا ريت نحاول نعمل شئ ونتغير لللافضل
فكره ممتازهوانا ساكن قريب من السوق
كلامكم صح مليون المية
انا لسة جاى النهاردة من السوق وفعلا السوق اساسا العربيات نزلت كلها
بس التجار متفقين جوة وبرة انهم يعلو السعر عشان العربيات سعرها مينزلش
انا كنت ببيع اكسنت موديل 2005 ماشية 128000 ورشة برة وكانت عملة حادثة من فترة والحادثة للأسف باينة فى الكابوت من تحت فى العضم
بجانب ان فى حتى فى جمب اربة الماية مرشوشة والرخصة فاضلها 3 شهور وكمان من غير السى دى بلير
كنت ماسك الاول على الـ40 بس فى الاخر بعتها على 37 بسبب الحادثة دية مع العلم انى كنت شريها من 4 سنين بـ45
ومرضيتش ابعها لتاجر كمان بعتها لشاب زى العسل وقولتلو على كل حاجة فيها قبل ما نخلص ونبيع
يعنى من الاخر اللى يحب يشترى عربية الايام دية منصحوش ينزل السوق
ولو نزل ينزل معاة حد بيثق فية عشان ميعملش علية مصلحة لان الكلام دا كلة موجود جوة
واحب اعرف رايكو فى السعر ....
تحياتى
اخوكم أ/ احمد
ايه اخر اخبار السوق؟؟؟؟؟؟؟؟؟؟؟؟؟؟؟؟؟
الله ينور عليكم
:16::16::16::16::16::16::16::16::16::16:
فكرة ممتازة جدااااا
فكرة :16:ممتازة
والله يا جماعة هى فكرة جميلة جدا ان يبقى فية حدسمكرى او عضو فاهم كويس تبع المنتدى يكون كل يوم جمعة فى السوق. واى حد من الأاعضاء لو عايز يكشف على اى عربية عجباة يروح للسمكرى اة للعضو دة يكشفلة على العربية ويكون سعر الكشف مثلا يكون سعر رمزى لأنة فى اخر اليوم ممكن يجمع مبلغ كويس.
ممكن للو سمحتوا أعرف عنوان سوق السيارات فى القاهرة بالضبطأنا أعرف إنه فى مدينه نصر بس فين بالضبط مه شرح الطريق لو سمحتوا