اقتراح نايل موتورز فى سوق الجمعه

**thegreatnileman** · 18-04-2009 12:54 PM

احبائى اعضاء نايل موتورز
السلام عليكم ورحمة الله وبركاته

تابعت الفترة الاخيرة الكلام الكتير اللى على سوق الجمعه والغش بتاع التجار اللى فيه وخلافه وانا بقالى اكثر من شهرين بادور على عربية للمدام ونزلت السوق مرتين مرة يوم الاحد مع السمكرى ومرة يوم الجمعه امس لوحدى وللاسف مالقيتش حاجة تشدنى بالاضافة الى انى ماشوفتش ولا واحد بيقول الحقيقه كانت العربيه تبقى رشه بره وجوه والتاجر يقولك فبريكه وهو شايف انى معايا سمكرى وبعدين لما السمكرى يوريله العيوب اللى فيها يقوم التاجر يقولله العربية مش للبيع
حاجه غريبه

المهم

ايه رايكم تكون هذه المشاركة المتواضعه نواة لكل اللى عاوز ينزل السوق سواء يبيع او يشترى ونتفق مع بعض ونتقابل فى السوق ونلف سواء نساعد بعض كل واحد بخبرته وبكده ممكن اللى عاوز يشترى او يبيع يكون معاه كزا واحد يا خد رأيه او يستشيره فى سعر او حالة العربية وهكذا بدل ما الناس تتعرض لغش او حد يدبس فى عربية تكون مشغوله او غيره
وممكن برضه اللى عنده خبره ويحب ينزل يساعد برايه يتفضل وكله للافاده

مستنى رأيكم

**ae_yg** · 18-04-2009 01:55 PM

فعلان فكره جميله ويبقى نعمل موضوع متجدد للعاوز ينزل السوق كل يوم اربعاء اوالخميس ويتفقوا يقابلوا وهوا الى عنده معلومه حيقلها للتانى

**PoweRPassioN** · 18-04-2009 02:08 PM

فكره جميله و ربنا يكرم الجميع

**أحمد سالم** · 18-04-2009 05:20 PM

فكرة ممتازه
ان شاء الله اقابل حضرتك يوم الجمعه القادم فى السوق
انا تليفونى 0102070464
ايميلى ahmedsalem124@yahoo.com
انا كمان كنت فى السوق امبارح لوحدى
والصراحة كنت محتاج ان يكون حد معايا اخد رئيه

**MAHMAHMOUD** · 18-04-2009 08:33 PM

انا موافق وحاهز بس المهم تظبيط المواعيد . ودة الميل m_hanafy75@yahoo.com اللى يحب يكلمنى

**memobeeh** · 18-04-2009 08:52 PM

فكرة رائعة بس لو تكرمتم جميعا تفوضوا أحدكم لشرح ما حدث طوال اليوم بالتفصيل الممل لمن عندهم عمل دائم مثلي..ولكم خالص تحياتي ومحبتي وتقديري

**thegreatnileman** · 18-04-2009 10:50 PM

شكرا ليكم جميعا على الاستجابة السريعه دى
وعلشان الذهاب الى السوق يكون مجدى لازم يكون معانا حد بيفهم كويس ويعرف العربية اللى رشه دواخل من اللى مش رشه الخ الفنيات المهمة دى

فهل فى حد فينا عنده هذه الخبرة والا الذهاب سيكون للفرجه وبس

ولا ايه رايكم

**MAHMAHMOUD** · 19-04-2009 12:02 AM

اصدقائى الأعزاء الحمد لله أخوكم ممكن يفيدكم جدا فى موضوع الفنيات الدقيقة أوى . كمان بحكم عملى باحدى شركات السيارات الكبرى ولما نتقابل نبقى نتكلم مش هينفع هنا واللى عايز يكلمنى الميل انا كتبتة . نرجو المواصلة بارائكم .