ارشح لك دايهاتسوا شاريد سيدان 1300 سي سي 16 صباب موديل فوق1990
مناسبة لطلبك و سيارة طلقة فى مشيها والله الموفق
عرض للطباعة
نصيحة لاخوانى فى احلى منتدى سيارات.
لو عاوز تشترى سيارة من السوق او اى مكان ركز على السيارات اللى رخصتها باسم صاحبها وتكون معاه من فترة طويلة حتى تضمن انك مش بتشترى من تاجر
هو فعلا اقتراح جميل جدا وكل واحد بيفهم في حاجه ممكن يفيد غيرو بيها
اقتراحات ممتازة بس انا قرات الموضوع من اوله
الموضوع من حوالي سنه فاتت و مفيش مره منظمه حصل فيها شيء منظم
يا ريت يا جماعه يبقي فيه ذهاب منظم و لازم يكون فيه مقابل مادي علشان ضمان الجديه
نسبه من المقابل المادي يكون للجهات الفنيه اللي بتقوم بالفحص و خلافه
و نسبه للمنتدي
انا موافق تماما
طب يا جدعان حد يعرف حاجه عن السوق بتاع المصريه اللي في العبور
الحقيقة فكرة هايلة :Ta_clap[1]:وربنا يوفق لغاية لما تبقى قاعدة لطرد الغش والجشع بتاع التجار انا ليا كذا شهر بدور على عربية والمبالغة بتاعة التجاروالسماسرة مطفشة الواحد لدرجة انك تحس انه اخر عربية هيبيعها فى حياته ويعملك البحر طحينة وهكذا لما تروح تكشف على العربية تلاقيها حضنت قطر عشر مرات وحامل من طيارة بوينج على العموم بالتوفيق ورجاء الللى معاه فكترا 2002 عارضها للبيع يتصل بيا 0105372383
انا معاكم و ربنا يعين:Ta_clap[1]:
أنا معايا بردوا كليسيا و عارضها للبيع بافكر انزل السوق يوم الجمعة يا تري في حد رايح ؟؟ لاني ما عنديش خبرة اوي بالمساله دي
انا كمان عايز اشترى عربية و معاكم بس حد يدينى علم بالميعاد
السلام عليكم ورحمة الله
انا عايز انزل اشتري سوزوكي ماروتي
هل ممكن حد يساعدني ولا لأ؟
انا معايا حوالي 22000
منتظر تعاونكم
تحياتي
انا عاوز انزل اجيب لانسر خليجى 1600 اوتوماتيك ممكن حد يساعدنى
انا هنزل بكرة السوق تاني انا كنت هناك الجمعة الي فاتت و برده كلهم تجار و عربيات معمولة فيها شغل لاعبين في العداد و يقولك عربية كسر زيرو شفت عربية ماتركس من الواضح انها مستهلكة و يقولك مش عاملة غير 20 الف كيلو و صاحبها واحد لواء و نفس الكلام اتقال في عربية تانيه و الغريبة كمان اكتر من عربية كانت من مرور عين الصيرة مش عارف ليه انا عاوز انزل تاني بس خايف اليوم بيعدي بسرعة و مافيش حد يكون صاحب العربية كلهم تجار في حد نازل بكرة ؟
بلاش تنزل
هتضيع وقتك علي الفاضي
حاول تتابع الوسيط و الاهرام و انشر بين اصحابك العربيه اللي في بالك و عن طريق الناس اللي حواليك هتلاقي ان شاء الله عربيه حلوه
انما سوق السيارات ده:fdsa:
اقسمت مانازله تاني
شويه ناس ولاد 60 في 70 في 80
و سوق اصلا عشوائي
ياما فكرت لو يعملو تندات كبيره بالفلوس اللي بيلهفوها من العربيات بدل ما الواحد بيجيله ضربه شمس
و لو ينظمو وقوف العربيات بالموديل او اضعف الايمان التوكيل يعني الهيونداي في جنب و الاسكودا في جنب و هكذا
حتي الحمامات هناك حاجه زفت
طبعا صبيان التجار هناك معروفين لو رحت مرتين بس هتحفظ اشكالهم
عربيتك لو للبيع يقولك بجنيه
مش عاجبك شويه تلاقي صف واقف و يفتحو عنها كلام و يرمولك فيها 75 قرش
علشان تبوس ايد اللي عرض عليك جنيه
و لو فرضا بعتهاله و تيجي الاسبوع اللي بعده تشتريها هي هي تلاقيه بانتظه كده يقولك 100 جنيه!!!
حلفانات بقي و دقون و شغل نصب عالي علي الاخر
حرام حد بيحترم نفسه يروح هناك
تعالو نوقع لهم السوق الفاشل ده
كفايه المنظر بتاع العربيات اللي تجارها زهقو من بيعها و بقو يقفو بره السوق علشان ميدفعش العشره جنيه و الله اعلم لو كانت المافيا دي بتدفع زي ما انا و انت بندفع
و الله العظيم و عزه جلاله الله نزلت مع واحد صاحبي كان بيدور علي عربيه في السوق ده
لاقيت راجل مسن و مراته في العربيه اللي صاحبي كان ناوي عليها
اتفاوضنا في السعر و ماسك علي الغالي
قلنا مش مشكله طيب نروح نكشف
عارفين رد الراجل الكبير في السن المفروض انه محترم و بدقن ايه؟
احنا اتفقنا خلاص علي السعر و مش هينزل مليم
ده بعد ما فاوضته لأنه كان مش عايز نطلع نكشف علشان هو دفع فلوس في السوق و كده السوق هيضيع عليه
قلتله يا عمي الحاج انت مش عايز تبيع؟ و انا عايز اشتري؟
يبقي خلاص ادينا اتفقنا علي السعر بس بشرط
لو حاجه طلعت في العربيه زياده عن اللي قلت عليه يبقي ملناش فيه
و طلعنا علي ميكانيكي تبعي
عارفين العربيه كان فيها ايه؟
الفتيس تروسه منها للارض!!!!!!
و مفيش طبعا نقطه زيت
و العربيه مشيسه و مرزوعه من تحت رزعه غريبه!!!!
و غيره و غيره من القصص اللي حصلتلي شخصيا
شويه جهله منهم بدقون و منهم بدون
يجمعهم طابع واحد
النصب النصب النصب
كلام حضرتك صح و انا فعلا منزلتش السوق بعد مكنت متفق مع واحد صحبي ننزل مش عارف بقي الخير فين .
اعلانات الاهرام بقت قليلة اوي كل الناس بتعلن في الوسيط اتصلت بكام واحد العربيات كانت متباعة ربنا يسهل بقي و ربنا يبعت عربية تبقي محترمة بتاعت عائلة مش واحد نصاب
انا كمان موافق علي الاقتراح الجميل ده بس ممكن نبقي ناخد معانا سمكري للخبرة طبعا ونتعلم منه طبا ده مش عيب بالعكس ولا ايه رايكم
انا عندى سؤال غريب كلة بيقول ناخد سمكرى دة مش صح على ما اعتقد الواحد بياخد ميكانيكى لكن السمكرى دوكو و حوادث بس و الدوكو بيبقى باين بالعين المجردة يعنى ههههه لكن الميكانيكى يعرف اية اللى ناقص و فرشتها و ساشيها عامل ازاى و موتورها و كدة السمكرى مش بيعرف ولا اية الكلام !!!!؟؟؟انا مش عارف انا بسأل فقط ياريت محدش يرد رد استفزازى و شكرا لكل الاعضاء المحترمين
فكرة رائعة وياريت تدخل حيز التنفيذ بشرط الاتفاق على ايام يكون فيها معظم الناس اجازات
واللهي حتي لو هتروح تبص للعربية لوحدك في حجات بتبان من نظرة عين و اكيد انت هتحسها من شكل الي بيبيع العربية يعني روح و اتفرج و خد رقم الي بيبع و بعدين خد معاك المكانيكي و ارفعها
فكرة هايل بس نصيحة محدش يشترى وانت فى السوق خد نمرة الراجل صاحب العربية وقبلة يوم تانى بعيد عن السوق
سوق معفن قويييييي.............الي يروح ياخد معاه شمسية علشان مايخدش ضربة شمس هههههههههههههه
انشاء الله هنزل بكرة ولو حد عايزنى اساعدو فى عربيه مفيش مانع ابعتلى على الايميل لو رايح رقم تليفونك وهنتقابل وننسق مع بعض السوق بس انا بروح بعد الصلاة ودة ايميلى well12m@hotmail.com
هقولكم على كام نصيحه لو حبيت تشترى من السوق
رقم 1
تسأل الاول العربيه فيها توكيلات ولا رخصه لو رخصه بأسم صاحبها ابتدى اتفرج وعاين وفاصل وارفع فى بنزينه وعيش حياتك انما توكيلات ما تتفرجش
2 ازاى تعرف التاجر من شكلو اولا الغالبيه لونهم اسمر غامق ودة بفعل الشمس اللى بيقفو طول النهار فيها
ثانيا من لبسهم
ثالثا العربيه لو مغسوله ومتلمعه ولسه مرشوشه تعرف انها للتجارة لازم يزغلل عين الزبون عن اللى جواها
رابعا لو ما بتقدرش تفرق ما بين السيارة المرشوشه دواخل عن الفبريكه لازم تاخد معاك سمكرى اقولك ليه سمكرى لان السمكرى بيكون عارف شغل السمكريه فلو فى حاجه معموله سمكرة مش فبريكه هيعرفها على طول مش ميكانيكى لان الميكانيكه امرها سهل تتعمل حتى لو الموتور مفوت اهم حاجه الاساسيات
اذا عجبك شكل العربيه من برة وحسيت انها سليمه خش عليها وقلب فيها انما لو متبدهله من برة تعرف ان صاحبها مش مهتم بيها واكيد هتلاقى حاجات كتير من تحت كدة بردو
واخيرا ما تتعبش من اللف وتقول خلاص اخد ديه وخلاص اتفرج على كل العربيات اللى فى النوع اللى انت عايزو وقارن الحاله والسعر وبعدين ارجع لاحسن حاله وسعر والله الموفق
انا بادور على كيا سيفيا م \خالد سعيد 0103831663 او 0101875877
على فكرة يا جماعه انا روحت السوق بصراحه حاجه فى منتهى الغرابه السوق بقى 99% تجار وبيتكلمو فى اسعار فى منتهى الغرابه فانا انصح اى حد عايز يشترى عربيه يبعد عن السوق ويخليه على النت من المواقع الرسميه لللبيع السيارات كدة ارح واوفر وتشترى براحتك
السلام عليكم , طبعاً هى فكرة جميلة بس احب ألفت نظر حضرتك إن ده طبيعى جداً فى السوق لأنه أشر بقاع الأرض , و ألى عايز يشترى عربيه فعلاً جيده ما بينزلش السوق و يضيع و قته و جهده و الدليل على ذلك أما حد يحب ينعت سيارة بالحالة السيئة يطلق عليها" ديه عربية سوقى, مش بيتى " و فى السوق تلاقى العربية مع التجار مبالغ فى سعرها جداً ويطلق عليها " سيارة متمكيجه" يعنى متذوقة عشان الزبون يدفع ديه ممكن تلاقيها إلى حد ما سليمه بس أضمن أنك هتشتريها بأعلى من تمنها بمبلغ لا يقل 2000 جنيه على تمنها الأصلى مع العلم أنك أنت و حظك ممكن تلاقيها بعد كدة محتاجة إصلاحات مثل العفشه و ده يرجع لأن معظم التجار بتهتم بالمظهر الخارجى للسيارة أكثر من الحاجات المستخبيه ألى ما بتظهرش ألا مع الأستعمال ألا من رحم ربى.
و عايز عربيه جيده عليك و على معارفك الموثوق بيهم ألى ممكن يجبلك سياره من بيت و ليس من سوق و لكن الموضوع عايز صبر شويه و لكن السياره ديه هتريحك كتير عن ألى هتجبها من السوق... و سلام
-
فكرة 100% تسلم الافكار
أنا بقى هضحكم
نزلت سوق الجمعه اللي فاتت ديه
وشوفت شوية حاجات هناك تشيب والله البكوات التجار اللي جايين من المحافظات الأخرى وخصوصآ وجه بحري حاجه أيه زي الفل
الكارثه بقى في الناس اللي مش تجار ورايحين يبيعوا هناك بيبيعوا بنفس أسعار التجار ههههههههههههه
أنعدام ضمير والله حرااام شوفوا الأسعار بقيت جنان هناك والله أسمعوا الأسعار ديه:
بيحو 504 موديل 80 تكييف سنتر وباور وأتوماتيك بصراحه عربيه ماشاء الله 10/10 تعرفوا معروضه بكام 65000 ههههههههههههه
والرينج بتاع البيجو هناك من 35 الى 40 ألف تخيلوا عربيه موديل 80 ويقولك 40 ألف جنيه ده دليل على أيه ؟؟؟ أن الضمير أندفن ومات
في ولد شباب مش تاجر كان عارض عربيته فولكس فاجن بيتلز 74 هي بصراحه كانت حالتها حلوه وعلشان كده لفتت أنتباهي كان عارضها ب 25 ألف جنيه ههههههههههههههههههههههههه ههههههههه
وأكثر عربية منتشره هناك بصورة غريبة الفيليشيا والكومبي وبرده شغل تجار؟؟؟؟ الكارثه واللي يضحك أن التجار عارضينها أعلى سعر شوفته للفيليشيا ب 32 ألف فيه واحد بقى صاحب فيليشيا كان عارض عربيته ب 35 ألف وهو مش تاجر
الرسالة اللي عايز أوصلها هو أنعدام الضمير التام ؟؟؟ في الأسعار وكل شيئ المفروض كل عربيه وليها سعر عقلاني مش سعر عربية زيرو؟؟؟؟؟؟؟؟؟؟
انا احتمال كبير انزل يوم الجمعه الجاية ... فى حد نازل تانى ؟؟؟
انا موافق جدا على الفكرة دى ويا ريت نحاول نتفق على يوم ونروح نشوف الناس اللى بنروح السوق علشان تخم الناس وتدبسهم فى عربيات تعبانة ونعرف ازاى نقييم عربية من حيث مختلف الجوانب وشكرا
السلام عليكم
انا بردو بروح السوق تقريبا كل اسبوع علشان عايز اشترى عربية
يا ريت يا جماعه تقولو اذاى هانتقابل و شكرا
Email: mhhm2005eg@yahoo.com
انا كنت في السوق الجمعة الي فاتت الغريب ان فيه عربيات موديلات قديمة جدا وبيطلبو فيها سعر عالي ذي التويوتا والانسر بالعكس جدا العربيات الرينو والأسبيرانزا لا تعليق علي الأسعار مع اختلاف الموديل العالي والكماليات والحالة العامة للعربية الأغرب ان لما عربية بتتباع ماحدش بيرضي يقول اتباعت بكام ليه انا مش عارف علشان يفضلو يخدعو في الزبائن حسبي الله ونعم الوكيل احنا ليه مش مجتمع صريح وواضح
بصراحة انا كنت هناك يوم الجمعة اللي فاتت ولقيت حاجات غريبة واحد عارض عربية اكسنت موديل 2005 كاملة مانوال وطالب فيها 39 الف وواحد تاني تلاقيه عارض اكسنت 99 كاملة مانوال وطالب فيها 41 الف والسمكري قالي ان الاتنين حالتهم حلوة شئ غرررررررريب
[ نصيحة للتكييف1معلش بس للامانة بقوللكم ان تكييف ماركة باور من اسوا ما انتجت المكيفات بمصر من اول الصيانة الى قطع الغيار الصينى الصينى ويقوللك امريكى ومرة المانى حتى المهندسين مش عارفين هوا اية خالص شكري[/quote]
[ نصيحة للتكييف1معلش بس للامانة بقوللكم ان تكييف ماركة باور من اسوا ما انتجت المكيفات بمصر من اول الصيانة الى قطع الغيار الصينى الصينى ويقوللك امريكى ومرة المانى حتى المهندسين مش عارفين هوا اية خالص شكري[/QUOTE]
hhhhhhhhhhhhhhhhhhh
حد نازل الجمعة الجاية وبيدور على ريجاتا :)؟؟
فكره رائعه وفرصه للاخوه للعايز يبيع او يشترى مستعمل
بس انا محتاج زيرو ومحتار فى النوع والسعر وخصوصا بعد ما ظهر فى الفتره الاخيره مبالغه فى الاسعار وجشع التجار والتوكيلات
جزاكم الله خيرا