الموضوع: انخفاض الين

ارتفاع الين كان دائماالعذر المضحك لارتفاع اسعار ميتسوبيشى ... دلوقتى نشوف الحقيقة !!!

المشاركة الأصلية كتبت بواسطة aymamgad

ارتفاع الين كان دائماالعذر المضحك لارتفاع اسعار ميتسوبيشى ... دلوقتى نشوف الحقيقة !!!

لأ و مش بس كده ده أسعار قطع الغيار كمان غليت قوى و المفروض ترخص شويه لأنها بقت ناااار و هى أصلا من قبل ما تغلى غاليه لوحدها(كنت باجيب التيل الأصلى ب315 جنيه من سنه بالضبط و غلى خلال هذه السنه مرتين حتى وصل 425 جنيه) بجد حرااااام و لا أعتقد ان ميتسوبيشى هترخص حاجه بعد ما غليتها و حتى لو رخصت العربيات و أكيد هتعمل نفسها مش واخده بالها بالنسبه لموضوع أسعار قطع الغيار!!!!!!!!!!!!!!!!!!

لأ و مش بس كده ده أسعار قطع الغيار كمان غليت قوى و المفروض ترخص شويه لأنها بقت ناااار و هى أصلا من قبل ما تغلى غاليه لوحدها(كنت باجيب التيل الأصلى ب315 جنيه من سنه بالضبط و غلى خلال هذه السنه مرتين حتى وصل 425 جنيه) بجد حرااااام و لا أعتقد ان ميتسوبيشى هترخص حاجه بعد ما غليتها و حتى لو رخصت العربيات و أكيد هتعمل نفسها مش واخده بالها بالنسبه لموضوع أسعار قطع الغيار!!

أى حد بيلاقى نفسه متحكم فى الأسعار فى السوق عمره ما بيرخصها ودايما هامش الربح بتاعه بيكون كبير أمال هوا محتكر السلعة ليه ( خد مثال أحمد عز واسعار الحديد ) .. عشان يبقى هوا الوحيد القادر على امداد السوق بها .. ودا اللى يطلق عليه Monopoly مش perfect competition زى شركات المحمول مثلا اللى التنافس بينها بيكون فى صالح المستهلك دايما ( شوف سعر الدقيقة كان بكام زمان 1.75 ودلوقتى 20 قرش ... مع ملاحظة ان قيمة ال 1.75 زمان كانت اكتر من دلوقتى )

فا الحل للموضوع دا ان الناس تبتدى تفكر ان فى قطع غيار بديلله ممكن شراءها من النت ... حيحصل ايه لو كل 5 اشتروا مع بعض يعنى ونخلى التوكيل يشرب قطع الغيار بتاعته ... بالعكس احنا المستفيدين على الأقل مش حندفع ضريبه مبيعات ... وبالمناسبه احنا بندفع ضريبه مبيعات عشان قانون الضرائب نصه كالتالى :

* المكلف بتحصيل ضريبه المبيعات هو كل شخص وصل حجم مبيعاته أو تجاوز الحدود التاليه :
- 150000 لتجار الجملة والتجزئة
- 54000 للمنتجين الصناعيين ومؤدى الخدمات
- ولا يوجد حدود للمستوردين " احنا فى القانون اهووووووووووووو "


بس للأسف احنا فى مصر لينا ثقافة معينة وصعب تتغير + الكسل الرهيب اللى فى المواطن المصرى " انا لسا حعمل أوردر من النت .. يا عم التوكيل موجود والبضاعة حاضرة ... واستعوض ربنا فى استغلاله بقى .. انا يعنى حعمل ايه .. وبعدين ما زى زى كل الناس واذا تساوى الظلم فهو عدل "

فيا شباب الفكرة كلها عرض وطلب .... اذا زاد الطلب , زاد السعر ... واذا زاد الطلب فى وجود محتكر , تضاعفت زيادة السعر

واذا زاد العرض " لما تخلو التوكيل يشرب بضاعته " , قلت الأسعار ...



معلش طولت عليكم وحسستكم اننا فى محاضرة ضرائب واقتصاد ... بس انا حبيت أقول وجهة نظرى .

المشاركة الأصلية كتبت بواسطة aymamgad

ارتفاع الين كان دائماالعذر المضحك لارتفاع اسعار ميتسوبيشى ... دلوقتى نشوف الحقيقة !!!

دلوقتى كل شئ انكشفن وبان

ياريت حضرتك ولو على حلقات تشرح لنا كيفية الشراء عن طريق النت وطريقة السداد والتأكد من كون قطعة الغيار سليمة وهل توجد ضرائب على الشراء وأى معلومات أخرى مع خالص تحياتى

المشاركة الأصلية كتبت بواسطة emadosman63

بمناسبة تخفيض سعر تويوتا ياريس حوالى عشر الاف جنيه بمناسبة انخفاض سعر الين فهل يفكر وكيل ميتسوبيشى فى تخفيض أسعاره أيضا خصوصا أنه زود سعر موديلات 2008 عن 2009 بدعوى ارتفاع الين

الأن سعر اليارس أصبح تقريبا مثل سعر الميتسوبيشى 1300 سى سى رغم ان اليارس كاملة بالوسائد والفرامل abs تعتقدوا يجب أن ينزل سعر الميتسوبيشى كام فى هذه المنافسة

ياريت حضرتك ولو على حلقات تشرح لنا كيفية الشراء عن طريق النت وطريقة السداد والتأكد من كون قطعة الغيار سليمة وهل توجد ضرائب على الشراء وأى معلومات أخرى مع خالص تحياتى

موضوع الحلقات دا ممكن اعملهولك بعد ما ابتدى كورس الأستيراد والتصدير الألكترونى


بس انا حقولك اللى اعرفه ( مع مراعاه ان والدى مستورد فا معلوماتى المحدودة منه ) .. بس هو شراء بكميات وحاجات متعبية فى كونتينارات وخطابات ضمان من البنك وحوارات كتير كده .. فا دا غير نظامنا احنا .. احنا حنكون package صغننة كده على قدنا ...

المهم ...

للشراء من النت المطلوب هو international credit card عشان يتقبل من أى بلد .. وتحدد المنتج للى عايزه وتدخل بياناتك وفى الغالب بتكون المواقع دى محمية من الهاكرز وحتلافى مكتوب فوق https وليس http وحرف s دا اختصار لكلمة secured يعنى مؤمن ...

وهناك طريقة أخرى وهى cashU ودا كارت مدفوع مقدما بتشتريه وبعدين تتسوق بيه عادى وفى الأغلب من الدول العربية .. وده الموقع بتاعهم وشرح ليه http://www.cashu.com/site/faq

اما بالنسبة للجمارك .. فا أحيانا بتدفع واحيانا لأ وطبعا مش بيكون مبلغ هولامى وحتى لو دفعت فا بردوا حيكون تمنها أقل ... مع مراعاه ان اللى حيخلى السعر يكون زايد فى بعض الأحيان هو مصاريف الشحن ... فا عشان كده يفضل يكون أكتر من شخص عشان الفلوس تتقسم بدل ما واحد يتحملها ..

وبالنسبة بقى لحتت قطع الغيار سليمه ... فا انتا لازم تتعامل مع شركة معروفة ومشهورة عشان تضمن الحتة دى عشان حضرتك بتشترى عميانى

the more risk , the more return

سؤال هو نزول الين بيأثر على اليارس بس ولم يؤثر على الكورورلا
ده دليل على أن سعر اليارس مبالغ فيه جدا
لانها عربية ضعيفه للغاية وشكل بس وضيقة من جو جامد وبتعوم ومن الأخر ما تستاهل السعر ده خالص وده عشان علامة تويوتا وكمان موتور تويوتا