vectra 2000 cc moled 97

عرض للطباعة

18-04-2009, 02:32 PM
belbesy

vectra 2000 cc moled 97

السلام عليكم
اخوكم محمد هضو جديد فى نايل موتوز

بخلص ف عربيه فيكترا 2000 سى سى اوتوماتيك
رشه برا انما جوا فبريكه

موديل 97

انا مش ليا ف العربيات اد كده

وعاوز اعرف رايكم فيها ايه

وسعرها هيعمل كام ؟

وهل دى الاحسن ولا نوبيرا 2001

مع العلم انى بجرى كتير ورجلى تقيله جدا على البنزين

ويا ترى الاتو احسن ولا المانيوال

لانى بصراحه بستمتع بالمانيوال ومش جربت اوتو خالص

بس الراجل صاحب المعرض عمال يقولى بلاش فيكترا
قطع غيارها غاليه وسفاحه بنزين

خليك ف النوبيرا قطعغ غيار رخيصه ولو غيرتها ف اى وقت مش هتخسر فيها

افيدونى ربنا يجزيكم خير الجزاء

تحياتى لكم
18-04-2009, 02:57 PM
MohamedGafar

الأوبل بك نقاش

أنا عن نفسي ما بحبش لا الياباني ولا الكوري ولا عمري إشتريت واحدة منهم! عربيات ورق فى الحقيقة وشكلها بيتبهدل بعد كام سنة إلا لو حافظت عليها زي عينيك!

طبعا الأوبل تكسب بلا نقاش بس المهم الحالة وطبعا هي بتستهلك بنزين اعلي بسبب الوزن والسعة اللترية. قطع الغيار أرخص بكتير مقارنة بالعربيات اللى فى فئتها.

بالنسبة للسرعة والرجل التقيلة، طبعا أغلب الأعضاء عارفين إن دي مش مشكلة فى الأوبل!.

بالنسبة لل 2000 سي سي . يفضل طبعا انها تكون أوتوماتيك لأنها حاجة تانية خالص غير المانيوال.

ألف مبروك مقدما
18-04-2009, 03:06 PM
belbesy

الله يبارك فيك

شكرا على زوقك

طيب حضرتك انا دايما بركب 504 وعمرى ماسالت عن اى حاجه لو فيها اى حاجه بديها للميكانيكى واجى ادفع الفلوس وامشى

طيب دلوقت انا اول مره اتعامل مع صاحب المغرض دا

اركز على ايه طيب وانا بتفرج عليها
لان ميعادى معاه بعد ساعات
واسال صاحب العربيه ف ايه

ورنج السعر كام ؟
هوا بيقول من 45 الى 50

وممكن يخلصها على 48

ايه رايكم ؟

وجزاكم الله خيرا ً
18-04-2009, 03:41 PM
MohamedGafar

مسألة السعر دي على حسب الحالة. بص خللي بالك إن العربية دي لو حالتها مش قد كده حتتعبك. لو لقيتها تعبانة سيبها ودور على غيرها وخللى بالك الموضوع ده مهم لأنها لو فتحت بقها مش حتتسد!
18-04-2009, 03:49 PM
Ahmad Allawy

يا اهلا بيك يا محمد بيه..
يعني جعفر بك قام بالواجب و زيادة..
بس احب اعقب بشوية حاجات بسيطة..
سعر المعرض ده حاجة من 2.. يا اما هو موقعها بسعر قليل قوي من صاحبها.. و في الحالة دي.. هو بيبيعها بسعر قليل عشان برضه هو كسبان.. يا اما العربية حالتها مش تمام قوي..و عشان كده سعرها قليل شوية..

اللي انا اعرفه و السعر الطبيعي ليها مش سعر التجار.. في حدود 50-55 الف..
المهم تكشف عند حد متخصص اوبل.. التوكيل او اي حد متخصص.. ودي اهم نقطة..
عشان هو بيبقي عارف هو بيبص علي ايه.. و ايه سعره غالي ف التصليح.. و ايه تصليحة مش مشكلة...
العربية دي فيها حاجات غالية.. و مكلفة.. و لازم لما تشتري العربية تكون الحاجات دي سليمة.. او تخصم تمنها من البايع..و الحاجات دي ميعرفش يكشفهالك غير واحد متخصص.. عشان كده انا باشدد علي الكشف ده..

عموما.. العربية استهلاك البنزين كتير شوية.. بس بيتهيألي لو انت كنت بتحط بنزين 90-92 ف البيجو.. مش هيبقي الفرق كبير ف الاستهلاك..و الفلوس..

عموما لو حبيت قولنا انت مكانك فين نوصف ليك حد كويس تكشف علي العربية عنده.. و يقولك نظامها ايه.. تاخدها ولا لأ..
18-04-2009, 04:04 PM
belbesy

شكرا يا جماعه كتير على اجاباتكم

انا من بلبيس .... الشرقيه

طيب قولولى بس انا ابص على ايه ف العربيه واركز على ايه

وانا ان شاء الله هقدر اكشف موضوع التاجر دا ان كان موقعها بسعر قليل ولا لا

بس المشكله ف انى ابص فين ولا ايه ف العربيه

وزى ما قلتلك هيا رشت براااا
انما جوا فبريكه

يعنى 48 شويه عليها ؟

ان خايف يا جماعه اخدها وبعدين اتدبس ف مصاريف كبيره

مع العلم انى سفاح
ف المانيوال العربيه بتصرخ منى
الله اعلم بقا الاوتو بتنقل لوحدها وتشد منى من غير ماخد بالى
18-04-2009, 04:52 PM
Ahmad Allawy

يا اهلا بيك يا باشا..
احمد بك الشيخ بقي اقدر واحد يفيدك ف الموضوع ده.. عشان هو من الشرقية..و يعرف الناس اللي هناك..
لو طنطا قريبة منك.. في حد كويس و امين جدا تبعنا هناك.. لو تقدر تروحله..
الحاجات المهمة.. الmaf وده حساس تمنه 2000 جنيه..
و التكييف برضه مكلف..
و بلي العجل..وعلبة الدركسيون.. محتاجة كشف كويس..
و اكيد في حاجات تانية انا مش عارفها عشان انا مش حريف ف الفيكترا..

و بالنسبة للسواقة.. هي بتنقل لوحدها بس علي عدد لفات عالي.. وده هيستهلك بنزين كتير معاك.. بس مش هتحتاج تحرق عليها قوي.. عشان هي ما شاء الله سحبها كويس قوي..
18-04-2009, 05:07 PM
belbesy

ربنا يخليك ياباشا على معلماتك القيمه

يا رب احمد بيك الشيخ يشوف الموضوع
18-04-2009, 05:07 PM
MohamedGafar

علاوي باشا. مساءك فل

أهو الخبير الكبير اللى حيفيدك وصل
18-04-2009, 05:13 PM
Ahmad Allawy

جعفر بك حبيبي..
ربنا يخليك يا باشا.. بس والله مش خبرة ولا حاجة.. انا ف الفيكترا طفل بيبي.. :)
انا بعت لاحمد بك الشيخ و للعمده الكبير علي الخاص.. علي اساس انهم قريبين شوية من محمد بك البلبيسي.. و ان شاء الله هيردوا علينا في اقرب فرصة لما يشوفوا الرسالة..
18-04-2009, 05:19 PM
A.Elsheikh.01

ابو علاوى باشا الرساله وصلت وانا متأخرش ديما على اى حد من هنا :)
بص ياباشا انت ممكن تتصل بيا على رقمى وحدد معايا معاد ونتقابل وان شاء الله لو فيه نصيب ليك فى لعربيه ان شاء الله تبقى من نصيبك
18-04-2009, 05:50 PM
MohamedGafar

إزاي بقي يا علاوي باشا؟ ده أنت أستاذ فعلا

ربنا يوفق الجميع لما يتمنوه

تحياتي
18-04-2009, 07:10 PM
Ahmad Allawy

تسلم يا احمد بك يا كبير..
و محمد بك جعفر.. ربنا يكرمك..
18-04-2009, 07:54 PM
ENG\AHMED

اقتباس:

المشاركة الأصلية كتبت بواسطة Ahmad Allawy

يا اهلا بيك يا محمد بيه..
يعني جعفر بك قام بالواجب و زيادة..
بس احب اعقب بشوية حاجات بسيطة..
سعر المعرض ده حاجة من 2.. يا اما هو موقعها بسعر قليل قوي من صاحبها.. و في الحالة دي.. هو بيبيعها بسعر قليل عشان برضه هو كسبان.. يا اما العربية حالتها مش تمام قوي..و عشان كده سعرها قليل شوية..
..

حتى لو المعرض شاريها بسعر قليل وهى حالتها كويسة هيبيعها بسعر السوق علشان يعلى مكسبة
لو هنتكلم على المقارنة بينها وبين النوبيرا فمتقارنش احسن دى حاجة ودى حاجة تانية

استهلاك البنزين :انت كان معاك 504 موتور 2.0 كاربراتير , عربية بقالها 30 سنة فاستهلاك بنزين اية اللى بنتكلم فية :)
اكيد استهلاك الفكترا احسن بس لو كنت بتحط 80 فى البيجو فى الفكترا جيبك هيوجعك شوية علشان فرق سعر البنزين

موضوع السحب فالفكترا ال 2.0 معروفة حتى الاوتو منها .. مش هنتكلم عن المانيوال علشان كان فى واحد معاة 2.0 مانيوال موضوع تانى خااالص:eee:

اهم حاجة الكشف والحالة علشان لو تعبانة متفرحش بالسعر علشان هتزعل اوىىى بعدين :)
اشترى حالة نضيفة حتى لو اغلى , بس هتبقى اوفر قدام
19-04-2009, 07:51 AM
helmy537

والله انتوا هتودونا فى داهيه بسبب الاسعار دى ياعم احمد يارجاله ارفعوا السعر ل 6000 الف و70الف حسب الحاله اشمعنى العربيه دى الى بتتهاونوا فى سعرها ده من انضف العربيات
انا ضغطى على
19-04-2009, 12:13 PM
Ahmad Allawy

السبب حاجة واحدة..
انك لو عايز تبيع.. مش هتعرف.. علي الاقل دلوقتي..
وزي ما قولتك قبل كده مش كل اللي معاه اوبل مقدرها و عارف قيمتها..
في ناس بتبقي خايفة تخسر فيها اكتر من كده بترمي عربياتها باسعار وحشة..
وناس تانية. بينضحك عليها و بتبيع باسعار قليلة..
وفي ناس بتبقي مضطرة..و بتببيع بسعر قليل عشان تخلص..
كل دي عوامل بتأثر ف السعر و تنزلة شوية..
19-04-2009, 12:58 PM
loays

على فكرة هو دة سعرها فى السوق 45 لأن أنا معروض على عربيتين نفس الموديل و حدة فابريقة بلكامل والتانية رشة برة بس مركب جنوط وزينو بنفس السعر 45
19-04-2009, 02:02 PM
MohamedGafar

لا حول ولا قوة إلا بالله العلي العظيم.

اقتباس:

المشاركة الأصلية كتبت بواسطة loays

على فكرة هو دة سعرها فى السوق 45 لأن أنا معروض على عربيتين نفس الموديل و حدة فابريقة بلكامل والتانية رشة برة بس مركب جنوط وزينو بنفس السعر 45

ياااااه هي سعرها نزل قوى للدرجة دى؟

لا حول ولا قوة إلا بالله العلي العظيم.
19-04-2009, 07:44 PM
ENG\AHMED

ملحوظة بس
مش معنى انها فابريكة بالكامل ان حالتها نضيفة لأن بلاحظ ناس بتحكم على العرية انها نضيفة اذا كانت فابريكة برة انما لو رشة تبقى لأ
وارد جدا عربية راشة برة وحالتها انضف من عربية تانية فابريكة
20-04-2009, 02:49 AM
belbesy

ربنا يخليكم يا جماعه

شكرا على نصايحكم الغاليه دى

عموما انا هقولكم التفاصيل

انا رحت انا ووالدى للراجل واتصل بصاحب العربيه وجت
وركبت العربيه ومشيت بيها
والماكينه ناعمه جداااااااااااااااا وعزم ماشاء الله قوى جداااااا

والعربيه فعلا من جوا ماشاء الله كويسه جدا
بس باين ان صاحبها مهمل فيها
لانى جيت اقفل الباب على نفسى لقيت اليد متلخلخه مش هاين عليه يربطها وهوا رايح يفرجها لزبون

المهم قالى دى موديل 96 مش 97 والعربيه رشت برا وعمرها مااتخبطت منى

طبعا انا قلتله لحظه واحده هتصل بواحد ييجى يشوفها
اتصل بجارنا سمسار جه واتكلم وفتح اوى ورسم نفسه انك استاذ
وقال انا الكل ف الكل انا اللى هقبضكم والناس دى بتركب بس وغشيمه ف كله
وانا طبعا عصرت على نفسى ليمون وسكت لان انا اللى جايبه

بس انا لاحظت ان الموضوع فيه فبركه شويه
يعنى هوا كل اللى عمله بص على قوايم العربيه والشنطه لا بص ف عفشه ولا فحص ولا اى حاجه
قالى كويسه واتكلم هوا مع الراجل وقالو 45 على بركه الله
يعنى شكله واكل

العربيه كان فيها عيب الراجل صارحنا بيه

فى جوانين مفكوكين بتخلى العربيه بتنقط زيت كتير
بس دى بسيطه جدا وهعملها قبل ماتخدوها
ودفعنا عربون
وصاحب المعرض قالى انتو هاتولى الفلوس وانا هسلمكو العربيه فبريكه يوم الثلاثاء

بس بصراحه العربيه داخله دماغى قوى

هوا قال هيعملها عند واحد ف الزقازيق مش عارف اسمه ابو زيت ولا ايه

هياخدها ف الزقازيق يملى التكييف ويركب الجوانين

ملحوظه العربيه 4 فرد كاوتش جداد بعض الشىء والاستبن بردو
وفيها جنوط 15

ورخصه سنتين

ايه راى الخبراء ف كده ؟
20-04-2009, 03:07 AM
belbesy

اسف نسيت اقول ان هوا المالك الاول
والعربيه عامله 280000 كيلو
20-04-2009, 04:36 AM
Ahmad Allawy

موضوع الجوانات ده مهم.. ولازم يتعمل صح
و التكييف اعمله عند حد متخصص ف الالماني.. عشان نوع الفريون..
و السعر عشان العربية ماشية كتير بس.. لكن ميعتبرش قليل قوي عليها..
معقول كده..
و ربنا يكرم ان شاء الله..
حاول برضه تاخدها مركز خدمة معتد.. او حد متخصص اوبل يبص علي الباقي..
20-04-2009, 08:17 AM
MohamedGafar

اقتباس:

المشاركة الأصلية كتبت بواسطة Ahmad Allawy

موضوع الجوانات ده مهم.. ولازم يتعمل صح
و التكييف اعمله عند حد متخصص ف الالماني.. عشان نوع الفريون..
و السعر عشان العربية ماشية كتير بس.. لكن ميعتبرش قليل قوي عليها..
معقول كده..
و ربنا يكرم ان شاء الله..
حاول برضه تاخدها مركز خدمة معتد.. او حد متخصص اوبل يبص علي الباقي..

صح تماااام ، كلام علاوي هو الصح. التوكيل ممكن يعرفلك حاجات مش ممكن تعرفها عن طريق العين المجردة مثلا الحساسات والحاجات الخاصة بالموتور وحيعرفلك العفشة كويسة ولا لأ. عموما إنت شكلك نفذت خلاص فألف مبروك وربنا يجعلها وش السعد عليك .
27-04-2009, 12:11 PM
amirrk

اقتباس:

المشاركة الأصلية كتبت بواسطة loays

على فكرة هو دة سعرها فى السوق 45 لأن أنا معروض على عربيتين نفس الموديل و حدة فابريقة بلكامل والتانية رشة برة بس مركب جنوط وزينو بنفس السعر 45

ممكن تبعتلي ارقام اصحاب العربيات دي عشان عايز اشتري
27-04-2009, 08:10 PM
lancerevolution

من بوق تاجر عربيات " الأوبل فى البيع أحسن من النوبيرا أنا جيب نوبيرا مرة واحدة و معرفتش أبعها و قعدت معايا سنة مركونة إنما الفكترا أحسن منها بكتير "
28-04-2009, 12:49 AM
Samah AbdAllah

لا الاوبل مش سهلة فى البيع ولا حاجة لان فى ناس كتير بتقلق بسبب ارتفاع اسعار قطع الغيار
بس هى عربية تحفة بجد
28-04-2009, 08:02 PM
amirrk

هو 280000 كيلو مش يعتبر كتير اوي و العربيه كده تعتبر تعبانه و عايزه عمره؟؟
انا معروض عليا عربيه عامله 280 برضه مع انها نضيفه جدا خفت اشتريها عشان الموضوع ده
مش عايز اشتري عربيه و اعملها عمره تاني يوم
ياريت حد يفيدني يعني كده يعتبر قدامها قد ايه لغايه ما تطلب عمره ؟؟؟؟؟
29-04-2009, 09:20 AM
Ahmad Allawy

اقتباس:

المشاركة الأصلية كتبت بواسطة amirrk

هو 280000 كيلو مش يعتبر كتير اوي و العربيه كده تعتبر تعبانه و عايزه عمره؟؟
انا معروض عليا عربيه عامله 280 برضه مع انها نضيفه جدا خفت اشتريها عشان الموضوع ده
مش عايز اشتري عربيه و اعملها عمره تاني يوم
ياريت حد يفيدني يعني كده يعتبر قدامها قد ايه لغايه ما تطلب عمره ؟؟؟؟؟

لأ طبعا..
الموتور ده لو متحافظ عليه.. ممكن تكشف عليه و تلاقي كبس الموتور 75%
:S_thum1[1]::Ob_mak1[1]:
ودي حصلت مع اكتر من واحد اعرفه..
بس العربية لو مش متافظ علي لاقي الصيانات.. هتلاقي انها طلبت تغيير حاجات كتير قوي.. عفشة و كهربا و كده..