ساعدونى بسرعه فى الاختيار ( اكسي ولا بيكانتو)

**sindrela_az** · 19-04-2009 01:43 AM

لو سمحتم حد ينجدنى من ترددى
دى اول مره هشترى عربيه يا ناس ومحتاره جدا لانى هدفع فيها اللى حلتى كله
انا معى 40000 كنت عايزه اجيب عربيه واوفر منهم كمان لكن نزلت السوق لقيت العربيات لا نازله ولا حاجه وفى نصب فرجعت انا واللى معايا
المهم اتعرض على سيارتين واحده هونداى اكسيل ( 1998) بحاله جيده مطلوب فيها (35000)
ووحده كيا بيكانتو (2006) بحاله جيده جدا مطلوب فيها (45000) وفيها تفاوض تمام
ومش عارفه اعمل ايه
محتاااااااااااااااااره جدا ودى اول عربيه لى واول سواقه
انا حديثه سواقه للعلم
ارجوكم ردو على بسرعه جدا لو تقدرو لانى لازم اخد قرار بكره
شكرا مقدما

**أبو عبدالله** · 19-04-2009 02:10 AM

طلباتك ايه في العربيه
يعني ايه الأولويات

يعني هاتشباك - سيدان
كمالياتها ايه اتوماتيك - مانيوال
تكييف - صغيره - كبيره
موفره في البنزين ولا مش مهم

انا عالعموم برشحلك اكيد لبيكانتو او لو محتاجه توفري فلوس
يبقى دايهاتسو ميرا او برودا كانشيل
بس يكون حالتهم كويسه
الميرا بتعمل 30 الف بزياده او نقص حسب الحاله لو موديل 2000 مثلا

**YoussefMostafa** · 19-04-2009 02:11 AM

طبعا بيكانتو

-انسب لحضرتك كبنت

-موفرة اكتر في البنزين

-فرق 8 سنين مش قليل

وربنا يوفقك للي فيه الخير

**sindrela_az** · 19-04-2009 11:07 AM

شكرا جدا للى اهتم ورد على لانى فى اخر حيره
طبا هستخير بس المشكله ان رؤية العربيه الاكسيل اليوم وانا هسافر بعدها مش هرجع الا بعد 3 ايام فلازم ادى راى قلب ما اسافر

هو صراحه انا هيبقى استخدامى لها اعتقد بسيط لانى دكتوره فى الجامعه ومشاويرى قليله
كمان الحجم انا اسرتى 4 افراد ومش على طول هيكونو معى
طبعا عايزه توفير فى البنزين وكمان ااعى اعادة البيع ولا ايه رايكم
كمان عايزاكو تقولولى الاسعار اللى قلتها اخبارها ايه
البيكانتو 2006 43 الف
ولاكسيل 1998 35 الف

**أبو عبدالله** · 19-04-2009 11:41 AM

الأكسيل حاسس انها زايده شويه
لأن صعب دلوقتي تلاقي حالة كويسه جدا منها

يعني اظن انها تنزل في ظل ظروف السوق دلوقتي
تنزلها اللفيت ثلاثة كمان بالقليل

والبيكانتو مش عارف حاسس ان سعرها نازل شويه ولكن ده بيعتمد على حالتها وماشيه اد ايه

**ahmed76** · 19-04-2009 12:24 PM

انا شايف ان حضرتك مستعجله جدا وده مش مطلوب فى الشراء
المفروض انى اتفرج مره واتنين وافكر حتى لو انتظرت بعد العوده من السفر بعد 3 أيام
ثانيا : ليه حضرتك قافله اختياراتك على اكسيل وبيكانتو مع ان بنفس السعر ده ممكن تشترى اكسنت
موديل 99 بنفس سعر الاكسل ولانوس 2000 الى 2002 بنفس سعر البيكانتو

**محمد ابراهيم 1** · 20-04-2009 02:26 AM

بيكانتو طبعا أفضل حتى لو راجل اللى بيشترى

**Ayman_52** · 20-04-2009 02:48 AM

المشاركة الأصلية كتبت بواسطة ahmed76

انا شايف ان حضرتك مستعجله جدا وده مش مطلوب فى الشراء
المفروض انى اتفرج مره واتنين وافكر حتى لو انتظرت بعد العوده من السفر بعد 3 أيام
ثانيا : ليه حضرتك قافله اختياراتك على اكسيل وبيكانتو مع ان بنفس السعر ده ممكن تشترى اكسنت
موديل 99 بنفس سعر الاكسل ولانوس 2000 الى 2002 بنفس سعر البيكانتو

+10000

ياريت حضرتك ماتستعجليش .... وحضرتك انزلى اكتر من مره وكل مره هتشوفى حاجه احسن...

نصيحه : بلاش الاستعجال لان المستعمل بالذات بيكون فيه مشاكل كتيره وعيوب مختفيه..

وربنا يوفقك للخير ان شاء الله

**sindrela_az** · 22-04-2009 10:38 PM

شكرا جزيلا يا جماعه على ردودكم
انا مش مستعجله لكن الشخص اللى موكلاه قريبى بس بتحرج منه
وانا مش بفهم فى العربيات خالص
دى اول مره اسوق او اشترى وهو اللى بيعرض على
وبحسن انه بيتضايق منى لما اتردد او اقوله نزل شويه فى السعر
اعتقد انه بيحسن انى مش واثقه فيه او وخوناه وللاسف معنديش حد تانى اعتمد عليه
فخلاص انا وقسمتى بقى
الحمد لله
شكرا تانى للجميع

**mokhtar** · 22-04-2009 10:49 PM

خليكى فى العربيات الصغيره موديلاتها حديثه نسبيا يعنى معاكى فى حدود 40000 بلاش تروحى للاكسيل الى بقالها فوق ال10 سنين واكيد مليانه مشاكل انما لو عربيه صغيره يعنى سواقه اسهل فى الزحمه والركن واستهلاك بنزين منخفض واستعمالك ليها مش عالى اوى زى ماقلت

البيكانتو طبعا تبقى افضل عربيه محترمه جدا واقتصاديه وتوكيل كويس وشكل واوبشن حلو

دايهاتسو ميرا 2002 فيما فوق وشقيقتها برودوا كليسيا ممكن المبلغ اللى معاكى تجيبى كليسيا 2006 مثلا ...الاولى يابانى والتانيه ماليزى بس الاتنين توأم وعربيات محترمه جدا واعتماديه واقتصاديه جباره وسواقتهم مافيش احلى ولا اسهل منهم
وطبعا لازم العربيه المستعمله دى تكشفى عليها كويس وتشوفى حالتها وربنا يوفقك للى فيه الخير

الموضوع: ساعدونى بسرعه فى الاختيار ( اكسي ولا بيكانتو)

LinkBack

أدوات الموضوع

عرض

-

-

-

-

-

-

المواضيع المتشابهه

ساعدونى فى الاختيار

ساعدونى بسرعه فى الاختيار ( اكسيل ولا بيكانتو)

ساعدونى بسرعه بسرعه الله يخليكوا

ساعدونى بسرعه بسرعه الله يخليكوا

ساعدونى فى الاختيار

الكلمات الدلالية لهذا الموضوع

المفضلات

المفضلات

ضوابط المشاركة