راى الاعضاء فى التيل التركى

**alzelafy** · 19-04-2009 04:02 AM

اشتريت تيل تركى امامى لبولو 99 ب 85 جنيه فما رايكم و كان فى ايطالى ب 110 فهل الفرق يستاهل ام ان التيل هو التيل و مجرد اختلاف صناعات و مستوردين

**original** · 19-04-2009 08:14 AM

المهم إنه مايبوظش الطنابير ولو ATE يبأا أفضل..

**umoussa** · 19-04-2009 09:21 PM

التيل الأصلي بتاع العربية تصنيع شركة Ate

تركي صيني أمريكاني بلغاري هندي إيطالي أسباني إنجليزي أي حاجة عمره ما حيتقارن بالأصلي أو التيل بتاع Ate

أي تيل تاني حيصفر في العربية واحتمال انه يخلص على الطنابير أكبر من احتمال انه يعيش ويشتغل أصلاً

**ahit** · 20-04-2009 02:32 AM

فعلاً قطع الغيار الأصلية معمرة و مضمونه أما المغشوشة غير معمره و مكلفة و بتبوظ أكتر ماتفيد

**alzelafy** · 21-04-2009 03:43 PM

طب نجيبو منين الاصلى ؟؟؟؟ ate

**umoussa** · 21-04-2009 05:15 PM

الأصلي والـ Ate عند أشرف الشهابي

العنوان:

تقاطع شارع بيروت مع دمشق
مصر الجديدة
الجهة المقابلة لبنك عودة

المحل إسمه الشهابي

فيه طبعاً أرقام تليفون بس زي قلتها لأن أشرف مبيرودش على التليفون

**original** · 21-04-2009 05:19 PM

المشكلة إن التيل بياكل الطناير من المحيط الخارجى أكتر من الداخلى لدرجة إن تآكله بيبأا مايل!! ليه المشكلة دى يا بشمهندس سامة!! توزيع أحمال وللا إيه؟؟

**alzelafy** · 21-04-2009 05:59 PM

يا جماعه انا كنت هملا التيل اصلا فى ورش متخصصه فى ملو التيل و العفشجى قالى كدة و الملو رخيص ب 30 جنيه بس لما سالت عن العيوب عرفت بمشكله الطنابير انها بتبوظ لانو بيدبس التيل و الدبوس دة بياكل فى الطنابير على حد فهمى فقلت اجيب تيل جاهز و لاقيت التركى و جبتو و شكلو نظيف فهل بردو هياكل الطنابير ؟؟؟؟ و ازاى اذا كان هو تقليد للاصلى و لو كان على موضوع التصفير يبقى مش مشكله لكن المشكله فى الطنابير لو اتاكلت ؟؟؟؟؟؟؟؟؟ قولولى ايه الحل قبل ما اركبو

**original** · 21-04-2009 08:34 PM

المشكلة فى الخامة اللى بتاكل الطنابير بس الفرق فى السعر كبير بين التركى والأصلى...
تقريبا معدى ال 300 جنيه من عند الشهابى..

**umoussa** · 22-04-2009 02:32 AM

تعبئة تيل إيه الي حضرتك بتتكلم عليها؟؟

أنا ممكن اقتنع بكلام حضرتك لو العربية دي إنتاج قديم وملهاش قطع غيار في السوق أصلاً والناس مجبرة انها تعمل كده وطبعاً ده بيبوظ التيل وهما عارفين كده بس ما باليد حيلة

العفشجي والميكانيكي بتوعك دول ملهمش في الحاجات الجديدة وحيعملوا مشاكل وياريت تبدأ تفكر في تغيرهم

عايز تيل تنساه هات الـ Ate أي حاجة تانية على مسؤوليتك انت

الموضوع: راى الاعضاء فى التيل التركى

LinkBack

أدوات الموضوع

عرض

-

-

-

-

-

-

-

المواضيع المتشابهه

قطع الغيار التركى

حد جرب البطاريات التركى

التيل التيل مجنني

جربوا التيل التركى baser وهتدعولى

الكلمات الدلالية لهذا الموضوع

المفضلات

المفضلات

ضوابط المشاركة