مطلوب عربية بمقدم 10 ألاف وقسط الف جنية شهرى

**pro_samir** · 19-04-2009 05:45 AM

سلام عليكم

مطلوب عربية بمقدم 10 ألاف جنية و قسط شهرى فى رينج 1000 جنية

أيا كان نوعها بس يفضل تكون موديل تسعينات وحالتها كويسة وقطع غيارها متوفرة ، ومتكونش 128

وطبعا بدون التعامل مع بنوك

يا ريت لو فى أى حد قدامة حاجة مناسبة يبلغنى

شكرا

**إبراهيم.صادق** · 20-04-2009 03:20 PM

أنا شايف حضرتك بتتكلم في مستعمل، طب ليه ماتفكرش في سيريون وان الجديدة بالعرض اللي عاملاه دايهاتسو مصر تدفع 5000 مقدم والقسط حوالي 1500 لمده 5 سنوات - تقسيط مباشر مع الشركة،، اعتقد لو دفعت مقدم 10000 ممكن القسط يبقى حوالي 1300،،،بيتهيألي كده يبقى احسن من المستعمل

**pro_samir** · 20-04-2009 07:10 PM

المشاركة الأصلية كتبت بواسطة dr_tamergamal

على فكرة انا زيك كده بالضبط وبدور على مستعمل تقسيط ولاقيت معرض عامل اعلان انه بيقسط مستعمل موديلات حديثة فوق التسعينات وعنوانه 7 ش ينبع متفرع من ش الانصار امام مقار الدقى
ارقامهم 33352111
37625555
01118702222 انا كنت ناوى اروح اخد فكرة بس اجلت الموضوع لبعد امتحانات الماجستير ممكن حضرتك تاخد فكرة وتقولى وصلت لايه وبالتوفيق....

هتصل بيهم ان شاء الله ولو فى جديد هبلغك
شكرا

**pro_samir** · 20-04-2009 07:19 PM

المشاركة الأصلية كتبت بواسطة EMSadeck

أنا شايف حضرتك بتتكلم في مستعمل، طب ليه ماتفكرش في سيريون وان الجديدة بالعرض اللي عاملاه دايهاتسو مصر تدفع 5000 مقدم والقسط حوالي 1500 لمده 5 سنوات - تقسيط مباشر مع الشركة،، اعتقد لو دفعت مقدم 10000 ممكن القسط يبقى حوالي 1300،،،بيتهيألي كده يبقى احسن من المستعمل

العربية غالية قوى وهتبقى واقفة اكتر من 90 الف بعد القسط ، يعنى الله اعلم بعد ما القسط يخلص لو حبيت تبيعها هتبقى خسران كام ! يمكن النص

دة غير ان القسط لمدة خمس سنين برضو فترة طويلة قوى

ولو جبت حاجة مستعملة بحالة كويسة تقعد معاك خمس سنين لو حتى هترميها خالص بعد كدة مش هتبيعها هيبقى الخسارة فيها اقل من السيريون

**dr_tamergamal** · 24-04-2009 07:52 PM

على فكرة توكيل العربية شانا بينى عاملين عرض تقسيط حلو اوى اقل مقدم 5000 والفايدة حسب المدة يعنى 9% لو على 5 سنين -سعرها كاش 46500ودى امكانياتها حلوة اوى بالنسبة لسعرها انا كاتب عنها بالتفصيل فى موضوع مستقل مع صورها-ممكن تقراه-انا ناويت اجيبها ان شاء الله