الموضوع: السؤال هو هل تصل opel ampira الى مصر ام لا

opel ampira اول سياره فى العالم من انتاج شركه اوبل والتى يعمل محركها بالطاقه الكهربائيه انها سياره فوق الرائعه من حيث التصميم والاداء ومعدلات الاستهلاك السياره المحرك بتاعها بيعطيك سرعه فائقه من صفر الى 100 كيلوا فى 9 ثوان وامكانيه الشحن سهله جدا ومزوده ب جنيرتور لشحن بطاريه الكاربون اتوماتيك ادعو تنزل مصر وكلنا نشتريها ويبقى وداعا للبنزين الى فضى المحفظه :k49:
انا هحط صورتها ويارب تظهر وممكن تتفرجوا عليها على موقع اوبل
http://www.opel-ampera.com/english/

عربية وهمية..
و هي فيها شبه كبير من الانسنيا Opc من قدام..
بس المشكلة انها غالبا مش هتنزل مصر دلوقتي لأكتر من سبب..
منهم عدم توافر الوعي للتعامل مع المواتير دي و التكنولوجي دي..
و السبب التاني ان سعرها بيكون عالي جدا.. و اغلي بكتير من العربيات اللي فيها تكنولوجي مشتقات البترول العادية..

معلومة: العربيات دي معفاة نهائيا من الجمارك علي فكرة.. اللي هي بتعمل بالطاقة الكهربية.. و العربيات الهايبريد..

المشاركة الأصلية كتبت بواسطة Ahmad Allawy

معلومة: العربيات دي معفاة نهائيا من الجمارك علي فكرة.. اللي هي بتعمل بالطاقة الكهربية.. و العربيات الهايبريد..

احمد انت متأكد من المعلومة دى؟؟!!!! لانى اعرف ان تويتا ما ادرتش تنزل العاربيه البارس الى هى هيبرد مصر عشان هى 1800 سىسى بس وسعرها حيكون هبل وعبط والمعلومه دى قلها مصطفى شاهين فى الاخبار قبل كدا يعنى الهيبرد ليه جمارك

اه حاجه على الماشى كدا هل الشركة الى بتنتج فى هذا العام الصعب الامبيرا والانسانيا والانسانيا تور والانسانيا او بى سى هى شركة بتفلس؟؟؟؟؟؟؟؟؟؟؟؟؟؟؟؟؟؟؟؟ س سؤال

المشاركة الأصلية كتبت بواسطة asd7778

اه حاجه على الماشى كدا هل الشركة الى بتنتج فى هذا العام الصعب الامبيرا والانسانيا والانسانيا تور والانسانيا او بى سى هى شركة بتفلس؟؟؟؟؟؟؟؟؟؟؟؟؟؟؟؟؟؟؟؟ س سؤال

طبعا ...
هى دى سياسه الافلاس !!
ههههههههههه
يا باشا الشركه حتى لو فلست مش معنى كده انها قفلت !!
هى شركه النصر يا جدعان !!!
دى شركه كبيره
ليها وضع اقتصادى كبير
و فيها موظفين كتير
و اغلاقها هيأثر بشكل كبير على الحكومه الالمانيه ..
ابسط حاجه
الحكومه هتودى الى كانو شغالين فيها فين ؟؟؟
اكيد الحكومه هتمولها او هتشتريها...
انا قريت امبارح ان العيله المالكه فى ابو ظبى عايزه تشترى جزء من اسهمها !!!


يعنى من الاخر على اى وضع الشركه شغاله و مش هتقفل و مش هتفلس ...


لو زنقت اوى ..
هنلم من الاوبلاويه و هنخلص احنا فيها !!!
شوفتو الموضوع سهل ازاى

المشاركة الأصلية كتبت بواسطة farahat

رداً على هذا السؤال أحب أوضح نقطة مهمة جداً ، إن دورة تصميم أي عربية بتكون من ٣ إلى ٥ سنين ، ،يعني العربيات إلي ابتدت تطرح في ٢٠٠٩ هي في الحقيقة بدأ تسممها و العمل فيها من أكتر من ٥ سنين ، يبقى لم تتأثر بالأزمة الإقتصادية (و الامثلة ذي insignia بموديلاتها و استرا الجديدة و ampera )
انما التأثير فعلاً هيبان على العربيات إلي بدأت في ٢٠٠٨-٢٠٠٩ عملية التصميم ، لأن ببساطة في الظروف إلي ذي دي أول حاجة الشركات بتوقفها هي مشروعات التطوير ، يبقى عربيات ٢٠١٢ و ٢٠١٣ هي إلي مش هيكون فيها جديد ، أو على أقل تقدير هيتأخر الجديد بتاعها سنتين أو تلاتة على حسب ما تتحل الأزمة و تبدأ العجلة تمشي تاني

تمام يا باشا فعلا جنرال موتورز موقفه كل اعمال التصميمات الجديده فى الموجوعة حاليا

اكيد هيجى اليوم وتنزل ونبقى نشحن يابو حميد ونعيش بدل البنزين الى خارب الدنيا ولا ايه رايك يازعيم

المشاركة الأصلية كتبت بواسطة helmy537

اكيد هيجى اليوم وتنزل ونبقى نشحن يابو حميد ونعيش بدل البنزين الى خارب الدنيا ولا ايه رايك يازعيم

افتكر انه احنا نحلم بيها العربيه دي استحاله الحكومه توافق ع العربيه دي انها تنزل مصر اصلا

ربنا يمد في عمرنا و نشوف اليوم ده..
بس هل الواحد هياخد البطارية معاه وهو طالع البيت يشحنها.. ولا هيبقي ليها نظام خاص.. و لازم تروح تشحنها في محطات شحن.. و هتبقي مصاريقفها كتير و اغلي من البنزين..؟؟!!!!!!!!!