الموضوع: علبة البيئة استرا 2005

سلام عليكم يا شباب المشكلة ان من اسبوع سير الكاتينة قطع (استرا 2005) مع اني لسه مغيره خللي بالكم من النوع ده مكتوب عليه GM ومنتشر جدا بس للعلم مافيش في السوق GM اصلي المهم السير ماكملش شهرين وقطع طبعا طقم صبابات المهم انا اشتريت دماغي وجبت وش سلندر استيراد مش دي المشكلة المشكلة بعد ما غيرت وش السلندر العربية عزمها قل جدا لدرجة اني لما بشغل التكييف ممكن بعض احيان ادوس بنزين كاني مش دايس وصوت العربية يعلي وrpm يفضل ثابت مايزيدش الا لو عملت كيك داون العربية بتنط فجاة كانها كانت مربوطة والحبل قطع المهم رجعت للميكانيكي قللي دي علبة البيئة بتاعت الشكمان انا عارف ان علبة البيئة عندي كانت عايزة تتغير وكانت مخلية صوت الموتور عالي انا مش عارف اعمل ايه خصوصا نا علبة البيئة دي غالية جدا وانا برده مش متاكد من انها هيا السبب والميكانيكي قاللي ممكن افضيها بس صوت العربية هيعلي جدا حد يفيدني يا رجالة انا زهقت ولسه دافع تمن وش سلندر والدنيا ضلمة خالص