الفتيس بينطر على الخامس

**edfeeoc** · 18-09-2007 01:47 PM

أفيدونا افادكم الله الفتيس بينطر على الخامس بعد ال 120 كيلومتر فى الساعة علما بأن زيت الفتيس ناقص نتيجة وجود تهريب من اويل سيل الدريك يعنى فيه تقريبا كيلو ونص من اتنيين كيلو و ربع فهل هذه المشكلة لها علاقة بالزيت كمية او نوع ولا الفتيس حصل فيه مشكلة

وشكرا

:shock:

**ecybrarian** · 18-09-2007 02:37 PM

يا راجل حرام عليك :) :) يبقى في تسريب جامد كده في زيت الفتيس وبتستكي. انت كده ممكن تضيع الفتيس. الأحسن تصلح موضوع الزيت ده بسرعة قبل الموضوع ما يكبر

**Abdallah** · 18-09-2007 02:53 PM

غويشة او ترس واحتمال ضعيف تبقى عصاية الفتيس مش مظبوطة بس مش هتحس بيها فى الخامس لوحدة يعنى الخامس والمارشدير او الاول والثانى.
اسمحلى اسئلك سؤال, لو انسان قعد ينزف لحد ما فضلش من دمه الا 2 لتر, هل يقدر يعيش ويتعايش عادى؟؟؟
الزيت بالنسبة للعربية زى الدم بالنسبة لبنى ادم.

**edfeeoc** · 18-09-2007 06:16 PM

المشكلة ان الميكانيكى قلى مفيش اى مشكلة طلما فيه زيت ربنا يخرب بيوتهم زى مخربو بيتى
طيب يا جماعة تعرفو مين يحل المشكلة ديه وممكن تتكلف كام وشكرا

:shock:

**Adham** · 19-09-2007 01:44 AM

كدة بيببقى نحتاج تغير "غويشة" الغيار الخامس بتاع الفتيس

**Adham** · 19-09-2007 01:45 AM

فية واحد كويس متخصص اصلاح فتايس مانيوال في الحدايق حاجيبلك عنوانة من أخويا بكرة ان شاء الله

**edfeeoc** · 19-09-2007 11:21 AM

ربنا يبارك فيكم
طيب والغويشة ديه هجبها استيراد ولا بتتباع جديدة وبكام
ورمضان كريم

**Adham** · 19-09-2007 12:35 PM

اعتقد انهل جديدة بتيجي طقم اصلاح كامل للفتيس (بالنسبة للتويوتا)
لكن بتاع الفتايس ممكن يشوفلك واحدة استيراد او شبية ليها من اي ماركة

**ابو سيف** · 19-09-2007 04:14 PM

في واحد ممتاز جدا جدا متخصص في الفتيس المانويل و بجد انا اتعاملت معاه و هوة تمام جدا و هيقولك على الصح و لو محتاج حاجة هيجيبهالك لو منين هوة اسمه رضا الصول جمب سور كليه الزراعه في شبرا لو روحت اخر السور و سألت اي عيل صغير ماشي في الشارع فين رضا الصول هيوصفلك المحل بالظبط و بالتوفيق

**Abdallah** · 19-09-2007 04:16 PM

تخيل انا كنت ناسى الموضوع دة, فعلا فى طقم إصلاح فتيس للتويوتا الموديل دة , هو من حوالى سنتين كان بـ 800 جنيه تقريبا مش عارف حاليا بقة بكام, بس راعى انك تجيب الاصلى لان اى حاجة تانية غير الاصلى متنفعش فى الحاجات الحساسة الى زى دى.