أفيو = استهلاك بنزين عالى! أعمل ايه؟

**أبو عمار** · 18-10-2007 10:05 AM

رأيي لو جاتلك سفرية إحسب إستهلاك البنزين في الطوالي
(فول التانك للآخر وصفر عداد الرحلات وسافر وعند الوصول فول التانك للآخر وإقسم قراءة عداد الرحلات على ليترات التفويلة التانية تعطيك معدل إستهلاكك في الطوالي)
لو كان كويس أو معقول متفكرش فيه تاني وإستمتع بعربيتك ومتضايقش نفسك

+1
مع واحد صاحبى فيرنا أوتوماتيك 1600 بتعمل معاه 14لتر/100كم جوه البلد و كان متضايق جدا من الموضوع ده
المهم راح التوكيل و قالوله طبيعى و عادى و الكلام ده لكنه أصر إن إستهلاك العربية مش طبيعي كده فطلع معاه مهندس الصيانة و فل العربية من بنزينة المطار عندنا فى إسكندرية و و صفر العداد و مشوا 50 كم على الطريق الدولى الساحلى و رجعوا على البنزينة تانى و طبعا التكييف off ,و السرعة 90 كم و المعاملة آخر رقة و شياكة لدواسة البنزين --------أعتقد إن النتيجة متوقعة -----
فول 6 لتر فقط لل100 كم ( مع إن الكتالوج بيقول 6.9 للطرق السريعة)
من بعدها عمل بنصيحة الـ م/أحمد (متفكرش فيه تاني وإستمتع بعربيتك ومتضايقش نفسك ) :mrgreen: :lol:

**zoro** · 19-10-2007 12:00 AM

ما تزعلش نفسك
ده استهلاك عادي في العربيات دي
انا معايا اوبترا في قطر و استهلاكها زي ما الكتالوج بيقول
بتعمل 100 كيلو بحوالي 9 لتر مع المكيف بس سواقتي بسرعات منتظمه يعني 100 مستمره لمده ربع ساعه مثلا
و الطرق هنا فاضيه و مفيش وقوف في الاشاره اكتر من 40 ثانيه و هكذت
نزلت بيها مصر الصيف اللي فات و حطيت انظف بنزين 95 و ده لتره ب 175 قرش و العربيه عملت معايا لكل 100 كيلو جوه البلد 15 لتر يعني استهبال و هي هي نفس العربيه بس اللي اتغير البنزين و الزحمه
و اتضايقت جدا من الاستهلاك العالي
و لما رجعت قطر عايرتها تاني لقيت استهلاكها زي ما قولتلك في الأول فل الفل
فموضوع الكتالوج ده زي ما الإخوه تفضلوا و قالو بيكون متعاير على سرعات ثابته 90 - 100 لمسافه 100 كيلو طوالي في الظروف المثلى ( بدون توقف - اشارات - ازدحام - تكييف - الخ - الخ - الخ )

**mina_ramsis** · 19-10-2007 12:50 AM

ما تزعلش نفسك
ده استهلاك عادي في العربيات دي
انا معايا اوبترا في قطر و استهلاكها زي ما الكتالوج بيقول
بتعمل 100 كيلو بحوالي 9 لتر مع المكيف بس سواقتي بسرعات منتظمه يعني 100 مستمره لمده ربع ساعه مثلا
و الطرق هنا فاضيه و مفيش وقوف في الاشاره اكتر من 40 ثانيه و هكذت
نزلت بيها مصر الصيف اللي فات و حطيت انظف بنزين 95 و ده لتره ب 175 قرش و العربيه عملت معايا لكل 100 كيلو جوه البلد 15 لتر يعني استهبال و هي هي نفس العربيه بس اللي اتغير البنزين و الزحمه
و اتضايقت جدا من الاستهلاك العالي
و لما رجعت قطر عايرتها تاني لقيت استهلاكها زي ما قولتلك في الأول فل الفل
فموضوع الكتالوج ده زي ما الإخوه تفضلوا و قالو بيكون متعاير على سرعات ثابته 90 - 100 لمسافه 100 كيلو طوالي في الظروف المثلى ( بدون توقف - اشارات - ازدحام - تكييف - الخ - الخ - الخ )

ممكن اعرف عربية حضرتك 1600 ولا 1800 سى سى و اذا كان بينزل منها عندكم الموديلين و لا واحد بس

**zoro** · 19-10-2007 01:41 PM

نزل منها ال 1600 و ال 1800 بالشكلين الواجن و السيدان سنه 2006 بس موديلات 2007 و 2008 اللي لسه نازله من شهر كلها 1600 و منزلوش الواجن لانها كانت تقيله في البيع أوي
أما بالنسبه لعربيتي فهي 1600 مانيوال
و على فكره انا شفت العربيه عند المسلمي في الأجازه اللي فاتت شهر 7 و لقيت شويه فروفات بين عربيتي و العربيه اللي بينزلها منصور مثل
1. عربيتي فيه 2 وساده هوائية
2. الفرامل الخلفيه زي الأمامية قرصيه
3. لما تفتح الشنطه تلاقي غطا الشنطه متغطي بفرش زي اللي على الأرضيه ( يعني الصاج متغطي )
4. شكل الدركسيون مختلف ( للأفضل ) ( بسبب وجود الوسادات الهوائية )
5. الجنوط 15 و الكاوتش 195 على 55
6. الحليه في التابلوه و الأبواب سوداء مش شبه اليي عند منصور
7. الكاسيت اليكتروني و وشه بيتخلع و يشغل جزء من المساحة في الكنسول و تحته درج فاضي ممكن يتخلع و يتركب فيه حاجه تانيه

فيه جاجات عندي بس مش عارف بقى دي موجوده في العربية عندكو و لا لا و دي بقى لو ممكن تقوللي عليها مثل
1. عندي امبولايزر ( العربيه مش بتدور غير بمفتاحها ) و المفتاح المصطنع ما بيدورهاش
2. سخان للمرايات الجانبية .
3. محول نواتج الاحتراق .

**mina_ramsis** · 19-10-2007 02:45 PM

الفرامل الخلفيه زي الأمامية قرصيه

اللى فى مصر كده برده نفس نظام الاسترا الجديده برده

الجنوط 15 و الكاوتش 195 على 55

قولت لناس هنا فى المنتدى انها بتنزل بره بجنوط 15 ما كنوش مصدقنى الحمد الله انك اكدتلى المعلومة ديه

الحليه في التابلوه و الأبواب سوداء مش شبه اليي عند منصور

ما هى اللى فى مصر بحلية سوداء يارييت لو كنت حضرتك فاضى تصورلى اللى عند حضرتك

الكاسيت اليكتروني و وشه بيتخلع و يشغل جزء من المساحة في الكنسول و تحته درج فاضي ممكن يتخلع و يتركب فيه حاجه تانيه

اللى عند حضرتك ده مش الاصلى الاصلى اللى بينزل مع العربية بيبقى اخد مساحة الخانتين و مش الكترونى

فيه جاجات عندي بس مش عارف بقى دي موجوده في العربية عندكو و لا لا و دي بقى لو ممكن تقوللي عليها مثل
1. عندي امبولايزر ( العربيه مش بتدور غير بمفتاحها ) و المفتاح المصطنع ما بيدورهاش

بص يا باشا انا الصراحة مش عارف بس لاحظت حاجة انى لما بقفل العربية بالريموت و اجى افتحها بالمفتاح الاصلى التانى اللى مافيهوش ريموت بتفتح معايا عادى خالص فمش عارف اذا كان ده بيدل ان فيها ايموبلايزر و لا لأ

سخان للمرايات الجانبية .

لا ديه مش موجوده عندنا احنا عندنا السخان للزجاج الخلفى فقط

محول نواتج الاحتراق

معرفش الصراحة
هو حضرتك ما سألتش اذا نزلتها مصر جماركها هتبقى كام كمان هى عندهم سعرها يعادل كام بالجنيه المصرى
احنا عندنا اى عربية بينزلوها مصر بيجردوها من اى كماليات و الحمد لله :( :( :(

**zoro** · 19-10-2007 03:47 PM

ما هى اللى فى مصر بحلية سوداء يارييت لو كنت حضرتك فاضى تصورلى اللى عند حضرتك

اللي عندي سوداء ساده خالص مطفيه مش لميع
بس اللي شفتها عند المسلمي لميع و فيها زي مايكون حاجه فضي ( بص انا مش عارف اوصفها كويس )
انا هصورلك اللي عندي

اللى عند حضرتك ده مش الاصلى الاصلى اللى بينزل مع العربية بيبقى اخد مساحة الخانتين و مش الكترونى

هنا مفيش حاجه بتتشال من العربيه و هيه جايه كده من بلدها
اللي بيعمل الحركات دي التوكيلات في مصل بيقلعوا العربيه ملط و ياخدو الكماليات بتاعتها و يقولوا لو عايز كذا يبقى بكذا
لو تحب تاخدها يكاوتش ده بقى له سعر تاني و هكذا
لكن الكاسيت اللي عندي طبعا أصلي و هو اللي مرسوم في الكتالوج بتاع العربية
و كمان مرسوم عدد آخر من الكاسيتات منهم اللي نازل في العربيع عندكو
و دي تشكيله من الكاسيتات و كل واحد طبعا له سعره
و كلهم موجودين عندي في كتالوج عربيتي مش عارف الكتالوج عندكو فيه كل التشكيله ولا لأ
( طبعا كل موديل كاسيت له سعره ؟؟ )و أكيد اللي نازل عند منصور هو أرخص واحد
( اذا كانوا استخسروا فرش غطاء الشنطه الداخلي )

بالنسبه للجمارك انا طبعا سألت لأني هنزلها السنه اللي جايه
هيه هنا ب 60 الف حنيه مصري و جماركها بعد خصم نسبه 15 % استعمال سنتين هتكون 35 الف جنيه مصري
يعني هتقف ب 95 الف جنيه مصري

لو عايز تتأكد من موضوع الأيمبولايزر روح عند بتاع المفاتيح و خليه يعملك نسخه
و حاول تدور العربيه لو دارت يبقى مفيهاش ايمبولايزر
و لو المارش اشتغل بس الموتور مابييقومش يبقى فيها

**mina_ramsis** · 19-10-2007 04:46 PM

هنا مفيش حاجه بتتشال من العربيه و هيه جايه كده من بلدها
اللي بيعمل الحركات دي التوكيلات في مصل بيقلعوا العربيه ملط و ياخدو الكماليات بتاعتها و يقولوا لو عايز كذا يبقى بكذا
لو تحب تاخدها يكاوتش ده بقى له سعر تاني و هكذا
لكن الكاسيت اللي عندي طبعا أصلي و هو اللي مرسوم في الكتالوج بتاع العربية
و كمان مرسوم عدد آخر من الكاسيتات منهم اللي نازل في العربيع عندكو
و دي تشكيله من الكاسيتات و كل واحد طبعا له سعره
و كلهم موجودين عندي في كتالوج عربيتي مش عارف الكتالوج عندكو فيه كل التشكيله ولا لأ
( طبعا كل موديل كاسيت له سعره ؟؟ )و أكيد اللي نازل عند منصور هو أرخص واحد
( اذا كانوا استخسروا فرش غطاء الشنطه الداخلي )

عندك حق بس اللى فى الكاتالوك عندنا 3 انواع من الكاسيتات واحد اللى راكب فى العربية عندنا و واحد اللى فيه 6 او 5 سى دى مش فاكر بالضبط و واحد تانى اللى فيه مكان لسى دى واحد بس
على فكرة كده هتبقى واقفة عليك غالية اوى يعنى هتبقى واقفة ب 101 الف و كسور و ده للمانيوال اللى ثمنها فى مصر 86 الف يعنى فرق 15 الف جنيه ده لو فرضنا انها موديل السنة ديه و جديده
على العموم انا هبقى اجرب حكاية الايموبلايزر و ان شاء الله اقول لحضرتك على النتيجة