رد مع اقتباس
اشتريت لانسر شارك الكاملة من ناشيونال موتورز اسيوط اول الشهر و طبعا يادوب مشيت بيها حاجة بسيطة لغاية ورقها ما خلص ... وفجاة قفلت العربية بالريموت عادى خالص و نزلت اشترى حاجة ... رجعت لقيت العربية مش راضية تفتح خالص !!!
قعدت ادوس بالريموت اكتر من مرة فى كل حتة مافيش فايدة !!!
قلت خلاص افتح بالمفتاح ... وكانت الصدمة ان المفتاح مش راضى يفتح !!!!
كلمت التوكيل و كان الرد : هات سمكرى يفكلك الشبكة اللى قدام و يكشف على البطارية اكيد ضعيفة (مع انى كنت ماشى بالعربية!!)
انا كنت هاتجنن لسة شارى العربية و افك الشبكة ؟
لا و كمان سالت ايه دخل البطارية بالباب اللى مش بيفتح بمفتاحه ؟؟؟؟
وكان الرد : ؟؟؟؟ لا احد يعرف !!!
المهم انا كنت ع الطريق و ما فيش حد ... تطوع واحد كهربائى طيب ييجى معايا و لما شاف العربية جديدة صعب عليه و قال لى : لو فكيتلك الشبكة الدنيا قدام هتبوظ !!
وسالنى : مفيش مفتاح تانى ؟ وافتكرت انى سالت نفس السؤال وقالولى لا هوا واحد بس !!
المهم قدر عن طريق الرفرف يفتح الكبوت و يوصل للبطارية و لقيها سليمة خالص !!
طبعا حصلت بهدلة علشان يوصل للبطارية دا غير الحاجات اللى قعد يجربها و كنت واقف جنبه حاسس انى هاعيط من المهزلة اللى عايشها مع عربية المفروض انى جايبها جديدة و دافع فيها تحويشة عمرى ودلوقتى بقها مفتوح و بيتلعب فيها !!!
خدت تاكس ودخت على بتاع ساعات علشان اغير حجر الريموت (يمكن ؟) وقالولى الحجر سليم خالص .. مع كدة حطيت واحد جديد !
المهم جربنا كل حاجة و مفيش فايدة ... اتصلت بمهندس الشركة و كان رده انى اجيبله العربية القاهرة (طبعا كوميديا لو عرفتوا ان العربية واقفة فى طريق اسيوط - سوهاج و مش بتتحرك !!! دا غير انها اتوماتيك ما بتتزقش)
دا غير الوقت اللى ضاع و البهدلة اللى خدتها و انا دلوقتى سايب العربية على الطريق و مشيت اشوف شغلى
لو برمجة المفتاح طارت المفتاح هيفتح الكالون بتاع الباب عادي
انا قلت نفس الكلام بالحرف لبتاع التوكيل .. وكانت الردود :
-العربية دى جاية بمفتاح واحد !!!
-موضوع ان المفتاح ما بيفتحش دى غريبة و عمرها ما حصلت !!
اللي انا باقوله
فيه حاجة ملعوب فيها مش تمام
انا سألت مدير الصيانة على الموضوع ده قال لي
فيه مفتاح طوارئ حديد داخل الريموت (يتم سحبه من مكانه فيظهر مفتاح كامل عادي جدا حديد) بحيث ان المفروض يتم الفتح به في حالة ما اذا الريموت لم يعمل فأنا مستغرب جدا ان المفتاح الحديد لم يفتح الباب حيث ان فتح الباب في الحالة دي ليس له اي علاقة بالدوائر الكهربية
, شنطه العربيه مش راضية تفتح بالريموت و مافيش مكان لمفتاح !!
انا اعصابى اتحرقت .... كل يوم يقولولى هانبعت لك حد ... و العربية واقفة على الطريق
حضر احد الفنيين بعد ان قام احد العاملين بالتوكيل بالاتصال به .. و الرجل فنى تويوتا اصلا ... لما شاف العربية قال لى :
يا باشا ايه البهدلة دى !!!
طبعا صعب عليه منظرها و طبعا هوا عارف انها عربية جديدة
المهم باستخدام عتلة حديد عرف يفتح الباب ولقى كالون الباب بايظ خالص و قال بالحرف :
انا عمرى ما شفت حاجة زى كدة فى عربية جديدة فى حياتى !!!
وسالنى - كالعادة - على المفتاح التانى !! و كالعادة برضه استغرب خالص لما سمع موضوع انى استلمت واحد
و لقى الريموت بايظ خالص و قاللى تشغلها بالمفتاح و انا هاظبطلك الكالون
وطبعا انا دلوقتى كل حاجة باعملها بالمفتاح
اتصلت بالتوكيل "ناشيونال موتورز" وكان كلامهم معناه "بالذوق" = اخبط راسك فى الحيط !!
ولكن علشان يثبتوا انهم لسه بنى ادمين دلونى على ورشة فى القاهرة اعمل مفتاحو اصلح الحاجات اللى باظت على حسابى !!!!!!!!!!!!!!!!!!
الحكاية خلصت بالاتصال التالى من احد العاملين بالتوكيل :
"ياريت يا دكتور ما تتعبش نفسك لان انت اللى هتتاذى !!!"
"يعنى ايه ؟ ... انا هاعمل محضر و اكلم بتوع حماية المستهلك"
ضحكة قصيرة (زى بتاعة بتوع المافيا فى الافلام الاجنبى)
"يعنى عماد بيه بيقول ما تتعبش نفسك لان انت اللى هتتاذى"
والبقية فى حياتكم فى الامانة والصدق والاحترام و الالتزام و ...و..
واهلا بالغش و النصب و الاحتيال و البلطجة و ...و...
وابعدوا عن ناشيونال موتورز النصابين ...
وكل سنة و انتم طيبين !
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 21366
تاريخ التسجيل : 07Oct2008
المشاركات : 297
النوع : ذكر
الاقامة : Giza
السيارة: 000
السيارة[2]: Logan
دراجة بخارية: 000
الحالة :
-
hasad">شكرا على هذا الموضوع فعلا مفيد فى اتخاذ القرار ... واضح ان رينو فى المقدمة من كلام الاعضاء
بس الصورة مش واضحة ممكن لو سمحتم حد يكتب الكلام اللى فى الصورة او يحاول يظهر لنا اللينك بتاع الصورة وشكرا
-
رقم العضوية : 19558
تاريخ التسجيل : 20Sep2008
المشاركات : 85
النوع : ذكر
الاقامة : SOHAG
السيارة: mitsubishi
السيارة[2]: toyota
الحالة :
-
-
رقم العضوية : 484
تاريخ التسجيل : 05May2007
المشاركات : 1,982
النوع : ذكر
الاقامة : Egypt/Giza
السيارة: Proton Wira
السيارة[2]: Proton Wira
دراجة بخارية: no
الحالة :
-
ممتاز جدا الموضوع ده
سبحانك اللهم وبحمدك ، أشهد أن لا إله إلا أنت أستغفرك وأتوب إليك
-
رقم العضوية : 19063
تاريخ التسجيل : 15Sep2008
المشاركات : 289
النوع : ذكر
الاقامة : maadi - cairo
السيارة: n/a
السيارة[2]: scoda-octavia
دراجة بخارية: n/a
الحالة :
-
انا لله وانا الية راجعون .. حاجة تنرفز وتغيييييييييييظ .. اولا موضوع ان انت اللي هتتاذي دة انا ميش فاهمة خالص .. هما ماسكين على حضرتك ذلة ولا حاجة .. دا اية قلة ال.... دي .. ثانيا : اتكل على الله واستخير واشتكيهم دون تردد في حماية المستهلك .. لاني اعتقد دا اكتر جهاز محترم دلوقتي في البلد .. دول لسة كسبين قضية ضد اسكودا ودفعت اسكودا غرامة 70 الف جنية وغيرت عربيتين .. ثالثاً : احتسب الكلام دة عند ربنا طبعا ومعليش واضح ان العين جامدة شويتين معاك
المشاركة الأصلية كتبت بواسطة aymamgad
اخيرا : الموضوع دة ممتاز قوي ولكن .. دايما اي موضوع احصائي لازم يبقي فية منه هدف .. لاما ميبقاش ليه فائدة .. يعني مثلا لما نشوف ان هيونداي من اسوا التوكيلات وبرضة هي اكتر عربية مبيعه .. طيب فين هنا الفائدة .. يعني هما هيصلحوا نفسيهم ليه .. مهم كدة كدة بيبيعوا .
انا شايف تلت حجات اولا: لازم نوصل المعلومات دي للتوكيلات دي .. ثانيا لازم نوصل نتيجة الاحصاء للشركات الام الرئيسية للتوكيلات دي عن طريق الايميل بعد ترجمتها طبعا .. ثالثا : احنا بقي هنعمل اية؟ يعني اية الاجراء اللي هنعملة .. نقاطع التوكيلات المعفنة مثلا ولا نعمل اية ولا نعمل مثلا بلاك لست وننشرها على النت يعني اية الاجراء؟؟؟
-
رقم العضوية : 19063
تاريخ التسجيل : 15Sep2008
المشاركات : 289
النوع : ذكر
الاقامة : maadi - cairo
السيارة: n/a
السيارة[2]: scoda-octavia
دراجة بخارية: n/a
الحالة :
-
hasad">الموضوع دة ممتاز قوي ولكن .. دايما اي موضوع احصائي لازم يبقي فية منه هدف .. لاما ميبقاش ليه فائدة .. يعني مثلا لما نشوف ان هيونداي من اسوا التوكيلات وبرضة هي اكتر عربية مبيعه .. طيب فين هنا الفائدة .. يعني هما هيصلحوا نفسيهم ليه .. مهما كدة كدة بيبيعوا .
بصراحة انا شايف تلت حجات اولا: لازم نوصل المعلومات دي للتوكيلات دي .. ثانيا لازم نوصل نتيجة الاحصاء للشركات الام الرئيسية للتوكيلات دي عن طريق الايميل بعد ترجمتها طبعا ودا اعتقد ان شاء الله ميش هيتعب الاخوة المحترمين القائمين على الموضوع دة لانها البيان كلة ارقام ..
ثالثا : احنا بقي هنعمل اية؟ يعني اية الاجراء اللي هنعملة .. نقاطع التوكيلات المعفنة مثلا ولا هنعمل اية ؟ رايي نعمل مثلا بلاك لست باسماء التوكيلات المتعبة واللي منها شكاوي كثيرة وننشرها على النت يعني ممكن الاجراء دة مثلا يهتهم شوية ويخليهم يتحركوا ويسمع في الشركات الام مثلا؟؟؟
.gif "Majd(4)")
المواضيع المتشابهه
-
نتائج تقييم التوكيلات من أعضاء نايل موتورزحتي شهر مارس 2010
بواسطة Islam_galal في المنتدى المنتــــــدى العـــــــــــام للسيــاراتمشاركات: 22آخر مشاركة: 19-04-2010, 05:17 PM -
نتائج تقييم التوكيلات من أعضاء نايل موتورزحتي شهر نوفمبر 2009
بواسطة Islam_galal في المنتدى المنتــــــدى العـــــــــــام للسيــاراتمشاركات: 20آخر مشاركة: 12-02-2010, 06:27 AM -
نتائج تقييم التوكيلات إحصائيا من أعضاء نايل - مارس 2009
بواسطة Islam_galal في المنتدى ::: أهـــم مـوضـوعــات القســـم :::مشاركات: 7آخر مشاركة: 19-03-2009, 02:00 PM
المفضلات