صور من زمااااااان

**eng_amrazek** · 18-09-2007 11:23 PM

جديد *جديد
العالم يغنى
ستالايت

**dragonsmith** · 19-09-2007 01:37 AM

ياااااااااااااااااه.
صورة سن توب و الجيم بوي رجعوني 20 سنة ورا.

**اسلام المصرى** · 19-09-2007 01:55 AM

شكرا جزيلا لك يا أخ عبدالله و يا أخ حسام على اضافة الصور :) بجد رجعتوا الواحد للأيام الجميلة :) وشكرا جزيلا لكم يا أخ محمد و يا اخ ديديو ويا أخ أحمد جزاكم الله خيرا :) ونحب نضيف برنامج نافذة على العالم و عالم البحار و الموسيقة المشهوره بتاعته :) وبرنامج مواقف و طرائف للاستاذ جلال علام. يا ترى الصورة ديه اللى فيها وش راجل يا أخ حسام بتاعت مقدم برنامج عالم البحار رحمة الله عليه ؟ فكرتونا بالأيام الجميلة لما كان الواحد مقيم مع والده و والدته - حفظهما الله وبارك فيهم - و مش شايل هم حاجة :) بجد ألف شكر ليكم.

**جندى مجند** · 19-09-2007 02:01 AM

المشاركة الأصلية كتبت بواسطة Hossam Hassan

لو لم تخنى الذاكرة فدى صورة استاذ صلاح جوهر الله يرحمه اللى كان بيقدم برنامج عالم البحار ... كنت بأحس و أنا بتفرج عليه ان القرش حيطلع من التليفزيون يلتهمنى :) و كان فى برنامج تانى اسمه عالم الكشافة أو حاجة كدة كان برنامج رائع و طبعاً جولة الكاميرا و العلم و الايمان و سينما الأطفال و مازينجر و جونجر ... يااااه ... دة عمر تانى فعلاً!

**د.أحمد سمير** · 19-09-2007 02:07 AM

طيب سؤال .. حد فاكر أول برنامج للكاميرا الخفية كان يقدمه فؤاد المهندس وبطولة اسماعيل يسري ومحمد جبر عام 1985 يعني من 22 سنة بالتمام والكمال .
فاكرين كمان اليوم المفتوح اللي كان يوم الأحد واتلغى سنة 1984 ورجع تاني وبقى يوم الخميس سنة 1988 .
فاكرين لما التليفزيون كان بيفتح الساعة 5 مساء .
فاكرين شوارع القاهرة لما كان فيها الترماي في كل مكان قبل ما يتشال ويصبح ذكرى غير موجودة سوى في مصر الجديدة والمطرية ..
كانت ايام .. يمكن يأخذنا الحنين إليها لأنها تذكرنا بطفولتنا .. لكني بصراحة لا أؤمن بحكاية الزمن الجميل التي يقولون عليها فهذا الزمن في مجمله لم يكن جميلاً .. احنا اللي كنا جمال وصغيرين ومقطقطين .
وياريت نذكر بالخير مدرسينا الرجال والنساء في شهر رمضان الكريم ونتذكر أفعالهم الخيرة والسيئة ، وندعوا لهم بالخير لو كانوا أحياء وقراءة الفاتحة لو كانوا أمواتاً .
تقبلوا خالص مودتي

**د.أحمد سمير** · 19-09-2007 02:13 AM

المشاركة الأصلية كتبت بواسطة جندى مجند

المشاركة الأصلية كتبت بواسطة Hossam Hassan

لو لم تخنى الذاكرة فدى صورة استاذ صلاح جوهر الله يرحمه اللى كان بيقدم برنامج عالم البحار ... كنت بأحس و أنا بتفرج عليه ان القرش حيطلع من التليفزيون يلتهمنى :) و كان فى برنامج تانى اسمه عالم الكشافة أو حاجة كدة كان برنامج رائع و طبعاً جولة الكاميرا و العلم و الايمان و سينما الأطفال و مازينجر و جونجر ... يااااه ... دة عمر تانى فعلاً!

إنه الأستاذ حامد جوهر .. العالم الكبير عليه رحمة الله تعالى .
أما حكاية جونجر دي فقليل من يذكرها ، كنت دائماً أحب جونجر وأفضله على غريمه التقليدي جريندايزر ، وكان هذا قبل مازينجر بزمن أقله خمس سنوات .
كان كذلك فيه برنامج أطفال رائع كانت تقدمه امرأة تشعر أنها ألمانية أذكر أنها كان اسمها *** موسى . كان اسمه أطفال العالم أو حاجة زي كدة ، وكانت بتجيب ألعاب جميلة تنمي الذهن فعلاً .
ده غير برنامج صباح الخير ، وماما نجوى وبقلظ ، وكان هذا البرنامج يعرض قبل ذلك في وقت العصر وكانت تقدمه المذيعة والممثلة إجلال زكي زوجة حسام ابو الفتوح ، وكان فيه بقلظ وأرنوب ودبدوب ، وكانت أغنيته المشهورة " كل شوية نكبر .. حبة حبة حبة ...الخ "
وتحول بعد ذلك إلى صباح الخير لتقدمه نجوى غبراهيم ، ومنى عبد المقصود ، وماجد عبد الرازق ، هذا بخلاف برنامج ما يطلبه الأطفال يوم الجمعة وتقدمه معالي حسين ، وسينما الأطفال وتقدمه عفاف الهلاوي ، ونشرة أخبار الأطفال الساعة 11 يوم الجمعة ..
يااااه .. هو احنا كبرنا قوي كدة

**جندى مجند** · 19-09-2007 03:20 AM

أنا بدأت أفتكر كل الكلام اللى حضرتك بتقوله يا دكتور أحمد و كأنه بالأمس القريب ... واضح فعلاً اننا كبرنا أوى ... و شكراً على التصحيح لإسم الأستاذ حامد جوهر ... الواحد فعلاً بدأت الذاكرة تخونه :(

**MMamdouh** · 19-09-2007 12:00 PM

ياااااااااااااااااااااااا اااه :roll:

MMamdouh

**Islam_galal** · 19-09-2007 12:45 PM

متشكر أوي يا اخواننا علي الذكريات الجميلة دي
هو فاضلنا كام علي المعاش :( :( :(

**Karim_Monir** · 19-09-2007 02:20 PM

حامد جوهر وعالم الحيوان كانو من احب البرامج الى قلبي
مع العلم والايمان للكتور مصطفي محمود
الا اللي كان بيقدم عالم الحيوان كان اسمه حاجة سلطان مش كدة ولا ايه يا دكتور احمد
بقلظ بقي دي ذكريات روعة مع ماما نجوي
ايام الوكمان فكرتني بام ثانوي والجامعة ايام ما كان الواحد ممكن ينزل من غير محفظة لكن ما ينزلش من غير الوكمان

طب فاكرين الموبايل نوكيا بنانا والكاتيل ايزي والفليبس اللي قد فردة الشبشب
ولا خط الموبايل بتاع مصر فون لما كان ب 2000 جنية وجبناه برضه بطلوع الروح
ولا لما ننوكيا نزلت المعجزة 6110 الملقب بالحرباية وكان تمنة 1500 جنية بالتمام والكمال وكنت انا في 3 كلية
وكان معايا 5110 وصممت اجيب الحرباية لاني كنت مهوووس بالتكنلوجي دايما
مع لما اقعد افتكرهم ماكنش في فرق كبير بينهم غير الميموري وكانت بالكيلو بايت
مش موبايل 8 جيجا :shock: :shock: :shock: :shock: :shock: :shock: