انا اتجننت في عقلي ولا اية

**re3ooo** · 20-04-2009 01:30 AM

انا اشتريت cd سوني مستعمل تيلاندي الصنع مبيشغلش غير اوديو بس لوما باكل مطب سعات يتجنن ويفصل ويشتغل تاني مش بيفصل كهربا الا بيفصل صوت الاغنية ويكمل تاني المشكلة بقا في اية اني اشتريتو ب300 جنية الصراحة صوتو حلو اوي لية اربع مخارج صوت 40 وات كمان اية بقا اشتريت سمعتين مستعملين بردو بس الصراحة نضاف اوي لو شفتهم هتقولو عليهم زيرووووو محدش استخدمهم بكام بقا 100 جنية نعهم دايو بيضاوين همة
انا بسال امبارح في شارع دمشق بالصدفة لقيتو جديد 450 بالتركيب وكمان ضمان سنة انتو اية رايكم احاول ارجع الكست دة واجيب الجديد ابو 450 ولا دة حلو وخليني في الي جية وخلاص
ارجو الافادة علاشان لو كدة اروح اغيرة

**KoDaK_Gti** · 20-04-2009 01:45 AM

حلو ازاى وانت بتقول انه بايظ رجعه فورا طبعا

**lancer2006** · 20-04-2009 02:12 AM

حلو ازاى وانت بتقول انه بايظ رجعه فورا طبعا
+11111111111111

**shekoz** · 20-04-2009 04:57 AM

مش شرط يكون الكاسيت هو اللى بايظ .. شوف كدا يمكن يكون فى ارضى مهرب .....حصلت معايا قبل كدا

**nabaster** · 20-04-2009 05:41 AM

نصيحه اخويا علشان بكده حضرتك ممكن تظلم الراجل الي انتا اشتريت منه

حضرتك بتقول اما باخد مطب انتا عارف السي دي بيشتغل ازاي؟

السي دي ده باختصار عدسه وبطلع ضوء معين بيقرا بيه الاسطوانه دلوقت حضرتك اما بتاخد مطب العدسه دي راكبه علي سوسته وسير بموتور مع المطب الجامد العدسه بتتحرك من مكانها وعلي فكره ده سبب ان العدسه في بعض الموديلات الصيني بتتحرق بسرعه عموما لو المشكله في كده بس يبقي مفيش مشاكل يا باشا باذن الله

والله اعلم

**ahmed2y** · 20-04-2009 01:12 PM

رجعو وهات الجديد كفاية الضمان

**KoDaK_Gti** · 20-04-2009 02:55 PM

المشاركة الأصلية كتبت بواسطة shekoz

مش شرط يكون الكاسيت هو اللى بايظ .. شوف كدا يمكن يكون فى ارضى مهرب .....حصلت معايا قبل كدا

الراجل بيقول بيفصل صوت ويرجع يشتغل مع المطبات مقلش الجهاز بيطفى ويشتغل

المشاركة الأصلية كتبت بواسطة nabaster

نصيحه اخويا علشان بكده حضرتك ممكن تظلم الراجل الي انتا اشتريت منه
حضرتك بتقول اما باخد مطب انتا عارف السي دي بيشتغل ازاي؟
السي دي ده باختصار عدسه وبطلع ضوء معين بيقرا بيه الاسطوانه دلوقت حضرتك اما بتاخد مطب العدسه دي راكبه علي سوسته وسير بموتور مع المطب الجامد العدسه بتتحرك من مكانها وعلي فكره ده سبب ان العدسه في بعض الموديلات الصيني بتتحرق بسرعه عموما لو المشكله في كده بس يبقي مفيش مشاكل يا باشا باذن الله
والله اعلم

اومال ايه المشكلة !!!!!
كده العدسة بايظة
كل اجهزة العربيات بتبقة ضد الصدمات antishock علشان الصوت ميقطعش مع المطبات

المشاركة الأصلية كتبت بواسطة re3ooo

انا مقلتش انو بايظ انا بتكلم على فرق السعر بين الجديد والي انا استريتوة دة فبسائل ارجعوة واجيب الجديد دة ولا خليني مع دة مخلاص لا هوة صوتو محترم جدا بس كنت فاكر مع المطبات الجمدة بيفصل علاشان هوة وحش وبالنسبة للسماعات كدة غالي علية الثمن دة

رجعهوله وريح نفسك وهات جديد
السماعات كتير 100 جنيه على سماعات صينى مستعملة
هى جديدة بتبدأ من 80 جنيه

**re3ooo** · 20-04-2009 04:49 PM

لا كدة عندك حق لازم ارجعو احسن والجديد جديد برضو الاف شكر ليكو والله

**shekoz** · 21-04-2009 08:19 PM

المشاركة الأصلية كتبت بواسطة KoDaK_Gti

الراجل بيقول بيفصل صوت ويرجع يشتغل مع المطبات مقلش الجهاز بيطفى ويشتغل

على فكره انا كان عندى نفس المشكله و الصوت كان بيفصل و الكاسيت كان شغال عادى برضه و طلع العيب من سلك الارضى عشان كدا بقولو راجع على سلك الارضى