بنزين وعفشة الانوس

**hanymoharem** · 20-04-2009 02:46 AM

بنزين عفشة خلاص قربت اكلم نفسى يا جماعة
معايا عربية لانوس موديل 2000 كاملة اوتوماتيك اشترتها من سنتين و ربنا ميوريكم بيعت هدومى عليه
العربية بتسكر بالبنزين حد يصدق انها بتعمل 120 كيلو ب27 لتر بنزين دوخت معاها على كل الباشمهندسين غير رشاشات غيرت لل الهونداى غير حساسات غيرت كل الحساسات غير شكمان غيرت الشكمان كلة غير طقم كهرباء غيرت نظف عمود الكامة ممكن يكون مسدود نظفت و الله مبخلت عليها بحاجة ومفيش حل
دة غير عفشتها و الله غيرتها كلها واصلى و لاتمر فيها شى
لسة بتخبط و بترازع
وهذا ندائى الاخير اليكم لو فى حل لمشكلتها عندكم افيدونى
علفكرة روحت بيها كل توكيلات الانوس ابو الفتوح و ايو غالى و فرست كار كلهم اشتغلونى ومفيش حل
منتظر الرد يمكن يوضع اسرارها فى نايل موتورز
ولكم الشكر على اى حال

يرجى من العضو مراعاه الدقة فى كتابة لفظ الجلالة

مشرف القسم

**أشرف فتحى** · 20-04-2009 03:00 AM

طبعا اللى هقوله ده ميعديش على كل اللى حضرتك اتعاملت معاهم بس للتذكره فقط!
حضرتك راجعت على خراطيم وماسوره البنزين ممكن تكون فيها شرخ بيعمل تسريب؟
التنك سليم مفيهوش اى خبطه ولا خروم بيتبخر منها البنزين؟
البوجيهات اخبارها ايه؟
العادم اللى بيطلع من الشكمان ريحته بنزين؟بيطلع البنزين نى يعنى؟

**bob2000** · 20-04-2009 03:12 AM

ممكن يكون فية تسريب فى دورة البنزين وكمان بص على الشكمان واتاكد ان العربية عفشتها سليمة لان الاسباب اللى فاتت بتزود استهلاك البنزين بالاضافة لطريقة قيادتك للسيارة

**ahmedsrs** · 20-04-2009 03:36 AM

انت لما اشتريت العربية من سنتين كان حلتها ايه
........................................
يعنى لو انت اشتريت العربية وفيها مشكله فى الشاسية هتاكل عفشة وعمرها مهترجع ذى الأول
غير اكل العفشة هتاكل بنزين لآن فى مقاومة غير طبيعية بتحصل
.............................................ز

**samirayad** · 20-04-2009 12:39 PM

طمنا الأول على حالة الفتيس ( وهل صوت المكنه ملحوظ مع وضع الفتيس على الd والسحب بالعربيه )......ياعنى صوت المكنه بيعلى مع الضغط على الأكسراتير بطريقه ملحوظه.............

_ الحاجه التانيه ياريت تقيم الأستهلاك بدون الأعتماد على العداد ولكن بالأعتماد على التفويل على مرتين (لأن ممكن يكون العداد بيكذب هو أو حساس مستوى البنزين اللى على الطلمبه )

**hanymoharem** · 20-04-2009 11:51 PM

انا متشكر للاهتمام
لاكن انا فعلن راجعت كل الحضرتكم قولتو مرتين فى التوكيل وكذا مرة برة
دورة البنزين سليمة تنك و خراطيم و عداد وحساس
والشاسية بحالة الزيرو والشكمان مغيرة كلة اصلى وعند واح محترم ورجعت علية عند واحد تانى و الفتيس راجعت علية عند اشهر واحد بتاع اوتوماتيك فى شارع السودان المهندسين وقال مية مية
بالنسبة لوضع العربية على d اوقات العربية تكون موس تحت رجلى و اوقات تكون سيات فى السحب و الصوت
وعلفكرة الصبح وانا بدور ريحة العادم بتكون كلها بنزين نى و لما امشى العربية بتكون مخنوقة لاكن بعد المشى شوية بسيطة لو بطلت العربية ودورتها بعد دقيقة الاقى السحب ظبط والعربية موس السر الله اعلم
افيدونى يرحمكم الله وشكرا على الاهتمام

**hanymoharem** · 20-04-2009 11:56 PM

شكرا لمشرف القسم على الملحوظة
وجارى التنفيذ
شكرا

**bakroov** · 22-04-2009 03:24 AM

عندى نفس مشكلتك فى لانوس 99 اتوماتيك وياريت لو لقيت حل تكلمنى واهو نواسى بعض انا اللى مستغربله ان ماحدش خد الموضوع تحدى عشان يوصل للصح وكل الباشمهندسين هزوا كتافهم ورجحوا نظرية الاحتمالات اللى بندفع فاتورتها بالالاف دون جدوى