لمبه ال n بتنور وتطفى مع الd
أنا معايا لانسر 98 كريستاله أتوماتيك عامله 180000كم لما أجى أطلع الصبح بلاقى لمبه الn بتنور وتطفى مع لمبه الd وبحس بنتشه فى العربيه وبيكون السحب ضعيف ولما أمشى شويه وبعدين أبطل وأدور تانى كل حاجه بتبقى تمام وبعدين روح التوكيل وعملت الأتى:
1-غيرت زيت الفتيس والفلتر مع أنى كنت مغيره قريب ماكملتش به 1000كم.
2-غيرت الحساسات بتاعت ال input&output الخاصه بالفتيس.
3-نضفت فيشه الكهربا بتاعت الفتيس.
4-غيرت طقم الفيوسات كله.
5-شيلت كابل البطاريه لفترة وركبته تانى.
كل دة أنا عاملته فى التوكيل على فترات يعنى حوالى شهر والعيب مازال موجود م العلم أنه كشفوا على الفتيس بالكمبيوتر وطلع سليم 1005 والحمد لله ومش عارف أعمل أيه تانى ولاهما عارفين لدرجه أن المهندس قالى كبر دماغك بس أنا مش مقتنع ولازم ألاقى حل ياريت حد يساعدنى!!!!!!!!!
