عايز اركب زجاج كهربا للاسكورت

**wkisho2005** · 20-04-2009 03:23 AM

ازيكوا يارججالة الفورد
عايز اركب زجاج كهربا بس في كذا مشكلة ادامي
1_مكان الزراير المفرود بيبقي حوالين الفتيس كدا (حتة اسمها القنصوة تقريبا) بس الراجل قالي طالما مفيهاش ازاز كهربا اصلا يبقي الكلام دا مش نافع وهتشوف مكان في التابلوه تحط فيه الزراير وانا مش عايز اخرم او العب في حاجة في التابلوه ومش عارف اعمل ايه
2_هل لو جبت مكن كهربا عادي مش بتاع الاسكورت هيشتغل عليها عادي؟؟ولا لازم بتاع الاسكورت؟؟
3_لو حد عمل الموضوع دا قبل كدا عايز اتعبه معايا شوية ويقولي هو عمل ايه بالتفصيل
نفسي بئي افتح الازاز اللي علي اليمين من غير ماعمل تمدد جانبي 90 درجة ويجيلي تقوس

**aYaBooY** · 21-04-2009 02:41 PM

طيب بما انك نازل بورسعيد ممكن تشتري الجزء بتاع الفتيس من هناك
و ده طبعا هاوفر عليك انك تخرم و تبهدل في تابلوه ممكن يعيش اكتر من الصاج
ديه حاجة اما موضوع المكن اعتقد انك ممكن تجيب مكن عادي علشان طبعا هاتلاقي فرق سعر وهمي بين المكن الاصلي و المكن الصيني الي في السوق
بس طبعا فيه فرق جودة رهيب و التوصيلات بتاعت الكهرباء يا ريت تروح لكهربائي فنان يمشيهالك من تحت الفرش علشان متظهرش

**wkisho2005** · 21-04-2009 05:46 PM

المشاركة الأصلية كتبت بواسطة aYaBooY

طيب بما انك نازل بورسعيد ممكن تشتري الجزء بتاع الفتيس من هناك
و ده طبعا هاوفر عليك انك تخرم و تبهدل في تابلوه ممكن يعيش اكتر من الصاج
ديه حاجة اما موضوع المكن اعتقد انك ممكن تجيب مكن عادي علشان طبعا هاتلاقي فرق سعر وهمي بين المكن الاصلي و المكن الصيني الي في السوق
بس طبعا فيه فرق جودة رهيب و التوصيلات بتاعت الكهرباء يا ريت تروح لكهربائي فنان يمشيهالك من تحت الفرش علشان متظهرش

كلام معقول جدا بس اللي عايز اسال عليه ياayabooy هل كل المكن زي بعضه في الشكل يعني الاصلي زي غيره؟؟بمعني ان الفرش اللي في جنب الباب ممكن لو مكن تاني غير بتاع الاسكورت مثلا ميبقاش متقفل حلو او كدا؟؟فاهمني

**aYaBooY** · 22-04-2009 12:37 PM

اكيد هايكون فيه اختلاف و ممكن برده كلامك صح تلاقي المكنة الاصلي ليها شكل و العادية ليها شكل تاني و بالتالي
مش هاتبيت في الباب انت كدة محتاج تروح لحد بتاع ابواب يشوفلك الموضوع ده