لعشاق المازدا 323 بالحالات الشاذة

**turbocharger** · 21-04-2009 10:02 PM

المشاركة الأصلية كتبت بواسطة أحمد سالم

يااستاذى الفاضل انا فعلا لم اقصد الاسائة ليك
وانا فى اخر الكلام قلت
لأن انت اللى راكب العربيه وانت اللى بتصرف عليها وادرى بحالتها
وهى فعلا من فتره كانت تجيب السعر ده وكانت ممكن توصل لاعلى شويه كمان
لاكن حاول قبل ماتزعل من كلامى او من كلام اى حد من الاخوه اللى ردو على موضوعك
تنزل تشوف اسعار المازدا فى السوق ايه
لان السوق هو الحكم بين البائع والمشترى فى كل الاوقات
زى الذهب بيبقى الحكم فيه الصائغ
وفى الاخر احنا كلنا نتمنى الخير لبعض ولا يوجد بيننا اى شيء
بالعكس الواحد بيتعرف من المنتدى على ناس فعلا محترمه كتير
وانا جبت لك عينه من اسعار المازدا 323
من موقعين متخصصين فى عروض البيع على اانترنت
وبتاريخ اليوم

شكرا يا استاذ أحمد على الرد وانا مزعلتش ولا حاجة وعلى فكرة انا نزلت السوق وشوفت المواقع بتاعت كونتكت ومصراوى وعارف ان اسعار المازدا مابين 18 و20 و22 بس ياترى بقى الحالة اية هو دة السؤال لانى بصراحة اللى ب 18 دى من الاخر مش عربية ومتنفعش تتركب الا بعد فلى الاقل مايتصرف عليها بتاع 3 الاف واللى بعشرين يعنى هتلاقيها اكيد معمر مرة ولا اتنين وهكذا بقى ملحم كام حاجة كدة فلو حضرتك عندك حاجة بحالة اللى معايا على 18 او 20 يبقى حصل خير وانا مش هخسر حاجة عربيتى تحت دماغى ومحدش هيلزمنى ابيع بسعر انا مش عايزوا ولا اية وبعدين حضرتك مشفتش صور ومش كل الحالات زى بعضها ياراجل دانا بديك عربية موديل 82 وعاملة 170 الف بس ومعمرتش قبل كدة دا فى عربيات 2000 عمرت وتانية عادت 200 الف يبقى عايزنى ابيع اللى معايا ب 20 الف لا اسف طبعا وبين البايع والشارى يفتح الله واسف على الاطالة بس متبقاش تحسسنى انى عايش فى كوكب تانى

**eg_falcon** · 21-04-2009 11:19 PM

المشاركة الأصلية كتبت بواسطة أحمد سالم

يااستاذى الفاضل انا فعلا لم اقصد الاسائة ليك
وانا فى اخر الكلام قلت
لأن انت اللى راكب العربيه وانت اللى بتصرف عليها وادرى بحالتها
وهى فعلا من فتره كانت تجيب السعر ده وكانت ممكن توصل لاعلى شويه كمان
لاكن حاول قبل ماتزعل من كلامى او من كلام اى حد من الاخوه اللى ردو على موضوعك
تنزل تشوف اسعار المازدا فى السوق ايه
لان السوق هو الحكم بين البائع والمشترى فى كل الاوقات
زى الذهب بيبقى الحكم فيه الصائغ
وفى الاخر احنا كلنا نتمنى الخير لبعض ولا يوجد بيننا اى شيء
بالعكس الواحد بيتعرف من المنتدى على ناس فعلا محترمه كتير
وانا جبت لك عينه من اسعار المازدا 323
من موقعين متخصصين فى عروض البيع على اانترنت
وبتاريخ اليوم
[IMG]

[/IMG]
[IMG]

[/IMG]

عملتها ازاي قصة تحديد نوع العربية في كل موقع يا كبير

**أحمد سالم** · 22-04-2009 02:29 AM

عملتها ازاي قصة تحديد نوع العربية في كل موقع يا كبير

فى مصراوى بكتابة اسم العربيه فى خانة البحث
اما كونتاكت كار
هو فيه اختيار العربيات الجديده او المستعمله
وبعدين تحدد النوع
وبعدين تحدد الفئه
وبعدين تحدد الارخص سعرا
او تحدد بسنة الصنع
والتصوير ده ببرنامج بياخد سكرين شوط من الديسك توب
لأى حاجه مفتوحة على الديسك توب واسمه
SnagIt32
واى سؤال تانى او ايضاح انا فى الخدمة
اسف لادارة المنتدى لانى ذكرت اسامى المواقع الاخرى
لاكن الشرح تطلب هذا
ولو هيسبب اى زعل ممكن حضراتكم تحذفو الاسامى
وده حقكم ودمتم بخير

**khaledmohamed07** · 22-04-2009 03:01 AM

الله غالب

**Ahmed_Gadalah** · 22-04-2009 04:55 AM

حاول تنزل السعر عشان تعرف تبيع

**turbocharger** · 22-04-2009 12:20 PM

المشاركة الأصلية كتبت بواسطة HellBoy22

حاول تنزل السعر عشان تعرف تبيع

شكرا ولكن السعر مش هينزل ولو متبعتش أنا مش خسران

**amr_elrashidy** · 22-04-2009 01:19 PM

المشاركة الأصلية كتبت بواسطة turbocharger

شكرا ولكن السعر مش هينزل ولو متبعتش أنا مش خسران

متقلقش التجار فى مصر قادرين يرفعوا السوق تانى فى الصيف مانت عارف احنا غير باقى دول العالم سوقنا تحكمه الافراد ووجهات النظر و الخبره فى النصب و الاحتيال و ملوش قوانين..فكده كده حيعلى تانى و اكتر من الاول غصب عننا كلنا....اصبر و حتلاقى نفسك بايع ارخص من السوق فى الاخر

**bishoy02010** · 23-04-2009 11:56 AM

ربنا يوفقك فى بيعها

**Kkk** · 23-04-2009 12:34 PM

خبر جديد بمناسبه التجار في المرور قالو لواحد صاحبي انهم مش هيعترفو الا بتوكيل واحد وبعدين لازم تترخص العربيه باسم من له اول توكيل فوداعا للتجار

**amr_elrashidy** · 23-04-2009 12:47 PM

المشاركة الأصلية كتبت بواسطة Kkk

خبر جديد بمناسبه التجار في المرور قالو لواحد صاحبي انهم مش هيعترفو الا بتوكيل واحد وبعدين لازم تترخص العربيه باسم من له اول توكيل فوداعا للتجار

وهو التاجر مش حيعرف يبيع و يشترى غير بالتوكيل؟ فى تجار كتير بتسجل باسمها العربية و تضيف تمن التسجيل على البيعه عشان كمان المشترى يطمن نوعا ما للبايع و طالما العقد المسجل بدون امضاء المشترى خلاص زيه زى التوكيل مدته مفتوحه لحين انتهاء الرخصة اذا كانت ساريه