اقتراح وليس تدخل فى الاداره
انا شايف ان فى ناس كتيره جدا بتدخل المنتدى و تخش على المواضيع لمعرفه الاسعار فقط ده فى حد ذاته مش مشكله بس المشكله ان تلاقى واحد مش حيشترى العربيه واصلا ممكن تلاقيه مش عايز الموديل ده من اساسه وتلاقيه يقولك السعر عالى جدا جدا . طب ليه ؟؟؟؟؟؟؟؟؟ انا اقترح ان اللى عاجبه مواصفات العربيه وفعلا جاد فى الشراء هو بس اللى يرد و مفيش حد تانى يرد خالص ويكون الرد بعدم بخس ثمن العربيه يعنى مثلا يقوله اخرك كام فيها ؟؟؟ و هكذا ولو المسافات قريبه يتصلوا ببعض بأى وسيله ...تليفون_اميل .....الا اذا طلب صاحب الموضوع ان الاعضاء يسعروا العربيه فى هذه الحاله كل واحد يقول رأيه ...لان فعلا ممكن تلاقى عربيات حالتها ممتازه وممكن تتباع بسعر كويس و لكن بسبب ردود بعض الاعضاء يضطر صاحب العربيه ببيعها باقل من قيمتها وفى هذه الحاله حيكون حرام علينا كده اننا ظلمناه و خصوصا ان مفيش حد شاف العربيه اصلا .... و ده مجرد اقتراح مش اكتر و الله المستعان