ربنا يباركلك فيها سيارة ممتازة ونصيحتي ان لا تفرط فيها ابدا لان الفلوس بتيجي وتروح لكن حالة السيارة ممتازة وتكاد تكون احسن من موديلات حديثة كثير
عرض للطباعة
ربنا يباركلك فيها سيارة ممتازة ونصيحتي ان لا تفرط فيها ابدا لان الفلوس بتيجي وتروح لكن حالة السيارة ممتازة وتكاد تكون احسن من موديلات حديثة كثير
اخي الفاضل حضرتك انا حسبت فعلا تمن العربيه طلع 83 الف وشوية كسور
حضرتك بتحسب كده او عايز تحسب معدل الاهلاك او dibriciation دلوقت نظريا كده عربيه ب 83 الف المفروض لما تبقي دلوقت ب 25 ده الي حد ما كويس انا بقول الي حد ما وعلي فكره انا بحسب الاهلاك وبحسب التضخم يعني فرضت كل العوامل الاخري بصفر فاهمين؟؟
يعني مش حاسب لا عرض ولا طلب الي هيا اصلا اساسي في الموضوع انا حسب الall factors or variabls is constant or = zero
يارب اكون وصلة معلومتي وشكرا لساده الاعضاء جميعا
معلش لصاحب الموضوع يعذرني على المداخله دي بس انا حبيت اوضح معلومه بسيطه مش اكتر
بالنسبه لل Vehicles Depreciation فهو معروف عالميا انه ما بين 4 ل 5 سنوات فقط وده اقصي مده وبعد كده قيمتها 0 او بالاصح قيمة رمزيه 1 جنيه يعني لو عندك عربيه ب 100 الف جنيه وبعد 5 سنين بعتها ب 60 الف (وده اللي بيحصل في مصر طبعا فقط) يعتبر ال 60 الف دول ارباح راسماليه من الاخر دول مكسب جالك من الهوا لان المفروض قيمتها جنيه وانت كده كسبت فيها
والله ياجماعه الكلام ده بيتعمل بجد في اي شركه في مصر وفقا لمعايير المحاسبه سواء المصريه او الدوليه
اسف على تلك المداخله بس انا حبيت اضيف معلومه فقط ولا اقصد اي شئ لصاحب الموضوع وربنا يكرمك في البيع ان شاء الله
للاسف انا ماشوفتش رد حضرتك غير دلوقتى .
مش فاهم انتى بتكدبنى على اساس ايه , تكونشى كنت معايا و انا مش واخد بالى , عموما احب ان اللى يتكلم يبقى عارف بيتكلم عن ايه و يروح يشوف الاسعار قبل ما يتكلم علشان وجع الدماغ بس , و على فكرة و انا بابيع عربيتى شوفت عربية 131 صفراء موديل 1977 اتباعت بـ 33000, و اقسم بالله على هذا .
و اخيرا اللى مش عاوز يشترى و مش حاطط العربية فى دماغه داخل علشان يقلل فى السعر ليه , احنا ليه بقينا كدة ؟
يعني اخى الكريم برده ماقلتلناش سعر حضرتك كام
وقابل للتفاوض ولا لا؟
الاخوة الاعزاء رواد المنتدى
طبعا بحييكم جميعا على كل ردودكم حتى الردود القاسية سواء من صاحب اي سيارة او من الاخرين , لكن احب اقول يا جماعة لازم يكون عندنا ثقافة الحوار واحترام كل واحد لرأى الاخر يعنى مش معنى انى اختلف معاك يبقى بقينا متنافسين مين اللى يثبت انة أصح . انا لازم احترم رأي صاحب السيارة لانة عارف قيمتها وحالتها وتقييمة لها لانه اكيد قبل ما يفكر يبيع اكيد خد فكرة عن مستوى الاسعار وصحيح ممكن يكون سعرة اعلى من السوق بس يمكن تكون فعلا العربية تستاهل والراجل ما اجبرش حد على الشراء ولو لم يجد احد يشترى هينزل من نفسة السعر او هيقرر يحتفظ بيها زي انا ما عملت اما بالنسبة للاخوة الاعضاء فطبعا احترم رايهم جدا بس بشرط انه يكون موضوعى ومش مبنى على اشاعات زي الجديد هيرخص , وقانون ال25 سنة للملاكى وغيرها ولازم كل مشترى يحط نفسة مكان البايع قبل ما يتكلم , طبيعى ان الواحد عايز يشترى باقل سعر ويبيع باعلى سعر لكن بلاش يا مصريين نفقد ثقافة الحوار والاختلاف فى الرأى ولازم نقدر بعض ونحترم بعض اكتر شوية كفاية اللى برة علينا .واخيرا انا مقصدش حد معين لكن والله انا عايز الخير للجميع