طرق تلوين بيض شم النسيم بمواد طبيعيه

**mahamedaraby** · 20-04-2009 07:53 AM

تلوين بيض شم النسيم

1ـ للون الأصفر : قشر البصل او قشر الجزرأو قشر البرتقال حسب درجة تركيزهم او يعطى لون برتقالى

2ـ للون الأحمر : الفراوله أو الكركديه
البيضه هى اللى لونها كده

3: للون البنفسج : العنب الأحمر

4: للون الأزرق : الكرنب الأحمر

5: للون الأصفر الغامق : الكركم

6: للون الأخضر : السبانخ او البقدونس

7: للون البنى : النسكافيه أو البن والشاى

لتثبيت تلك الألوان يوضع خل مع ماء السلق ويغطى الناء أثناء السلق ولتلميعها يستخدم بعض قطرات الزيت لدهنها

وطبعا ده تقليد جميل وبيفرح الأطفال جدا وكل عام وأنتم بخير

**Terrible_DaRsH** · 20-04-2009 08:25 AM

كل عام و كل الناس بخير :)

بس احنا بنجيب البيض بتاع النعام وبنجيب الفرشة و الالوان و بنكتشف مواهبنا :)

او بنرشه بالاسبراى , و ساعات بندخله فرن ..

**MTAK** · 20-04-2009 09:53 AM

المشاركة الأصلية كتبت بواسطة Terrible_DaRsH

كل عام و كل الناس بخير :)

بس احنا بنجيب البيض بتاع النعام وبنجيب الفرشة و الالوان و بنكتشف مواهبنا :)

او بنرشه بالاسبراى , و ساعات بندخله فرن ..

هو بيض النعام يباع
بصراحه اول مرة اعرف
ممكن منين و بكام
و ده كرتونته شكلها عامل ازاى
:k31:

**MTAK** · 20-04-2009 03:24 PM

المشاركة الأصلية كتبت بواسطة Terrible_DaRsH

هههههههه لا لا ده انا بهرج :)

انا اساسا عايز اعرف مين اللى اخترع البدعة دى :)

كمان بعد ما بنلون البيض بنرميه فى الزبالة ( مع انى عمرى ما عملتها شخصيا ) :)

ماشى يا عم
هرج براحتك

بس انا برضه كنت شاكك من الاول

فاهمنى
علشان محدش يضحك عليا تانى
هاهاهاهاهاهاهاهاهاها
--
عموما ممكن نستخلص من الموضوع ده
استعمال المواد الطبيعيه و البعد عن الصناعى
انما الون البيض ليه
ما بيتباع متلون جاهز
مش فى بيض ابيض و بيض احمر
القطبين اهم عايزين ايه تانى