-
تجديد مصر!
ولاد البلد – عشرينات – 4/9/2007
مصر اليوم حائرة.. غنى لها الشاعر قديما.. وقف الخلق ينظرون، والسؤال إلى ماذا ينظرون؟ إذا كان كل شيء يحتاج إلى إنشاء وكل بناء يعوزه التأسيس..
ممكنها خلف جدار المستحيل.. غاب الشهد وحضرت الدموع وترددت قارئة الفنجان في توصيف الطريق المسدود يا مصري.. باختصار الجمهورية التي أسسها جمال ينتظرها مجهول ولا لختان البنات.
لكن مع ذلك لا نقول إن مصر ماتت لن نصلي صلاة الجنازة.. لن نستقيل من مصريتنا.. نقول مصر قابلة للترمبم ويحيي العظام وهي رميم..
مصر مازالت ومازال النيل يجري، مصر "لسه ممكنة" و"ياما في الجراب يا حاوي"، وقول يا عم جابر، ولسه أبو سويلم والارض العطشانة الذي يستعد أن يرويها بدمائه.. ولسه هناك أهل هوى يا ليل فاتوا مضاجعهم من أجل مصر، واتجمعوا يا ليل صحبة وأنا معهم.. لسه شكوكو يتمنى حبيبا بشرط أن يكون شغل كايرو.
ولسه بسم الله.. الله أكبر بسم الله.. بسم الله. لسه فيها عبد العاطي صائد الدبابات، ولسه فيها ولاد الارض والكابتن غزالي يا بيوت السويس يا بيوت مدينتي استشهد تحتك وتعيشي أنتي، ولسه معانا الفاكك والفكوك، لسه في اسماعيل ياسين في البوليس والبحرية، ولسه فيها الاقصر والشرقية، ولسه فيها أقباط ومسلمين وعاش الهلال مع الصليب.
مصر قابلة للتجديد؛ لأنها قابلة للحياة؛ فأشعة الإرادة خارقة، ولا تعرف المستحيل، بل إن المستحيل هو تصوراتنا التي لا تغني من الحق شيئا وأن لله عبادا إذا أرادوا أراد.
مصر قابلة للتجديد لأنها لا تعرف اليأس لأنها عرفت الحياة ولا حياة مع اليأس. اجتازلت ليل التاريخ.. ثوار وأتراك ومماليك عرب ورومان وفرعون ذي الأوتاد مصر.. ظلت هي هي بهية أم طرحة وجلابية قابلة للتجديد لأن شوارعها قابلة للنظافة، وصحفها قابلة للمصداقية، ومثقفوها قابلون للاستقلال، وأهلها قابلون لاحترام المواعيد والدور، مصر قابلة للضمير؛ لأنها فجر الضمير وقابلة للإتقان، قابلة للديمقراطية والعدالة، قابلة للحرية، مصر قابلة للمستقبل بعد قبولها في التاريخ، وأن تكون هبة المصريين بعد ان كانت هبة النيل.
هذا الملف مفتوح على شرف تجديد مصر يتستقبل آراءكم واقتراحاتكم المتفاعلة مع القضية إذا كنتم شايفين أنه مازال هناك أملا في مصر.. هل مصر قابلة للتجديد والتطوير.
------------------------------------------------------------
منقول بس اللى عنده رد على السؤال يرد
-
و الله يا استاذ حسام مش عارف هى تنفع تتجدد و لا لأ؟؟!!!
الواحد لما يقرا الكلام ده و يسمع ان فيها ناس كتير محترمة و ناس فعلآ عندها إستعداد تفيد البلد يقول و الله فيها أمل
لكن.... لما انزل الشارع و اتعامل مع الناس و نقف فى الطوابير اللى بقت فى كل حته و نشوف الروتين المتخلف اللى فى البلد دى... أروح البيت و الكلمة الوحيدة اللى على لسانى ( و الله ما فيها أمل!!! )
انا سمعت كلمة من فلاح بسيط قال ( إن البلد دى تروسها متركبة بالعكس لو حبيت تعديلها تتكسر )
هى دى المشكلة بمنتهى البساطة..
-
كلمة جامده أوى يا عمرو ----لو حبييت تعدلها تتكسر !!
و الله يا جماعه كل حاجة تنفع مفيش مستحيل بس عشان تنفع لازم حاجات كثير تتصلح
أولهم الدين - و الدين ينقسم لحاجتين ( عبادة - معامله )
مشكلة كبيرة أوى إن الناس منذ قديم الأذل بيسقطوا المعاملة من حسابتهم و عايزين يخلوا الدين هو العبادة و فقط وده يودى ورى الشمس دنيا و آخرة
لأن لو كلنا طبقنا الدين بما يرضى الله :
-----
زكاة المسلمين هاتغطى إحتياجات الفقراء و المحتاجين - هاتعول المحتاجين و الأيتام - هاتساعد الشباب فى خلق فرص عمل جديدة .....إلخ
الشارع إللى ماليان خناقات و صراعات ....هايبقى شارع متحضر
الزبالة محدش هايرمى ورقة فى الأرض
يكفى المعاملة الصادقة و الأمينه من كل الناس فى التجارة - يبقى مفيش غش تجارى ولا أكل حقوق بالباطل
الجار هايكون أخ لجاره مش عدو ليه منكد عليه
السرقة هاتقل جدا لأن إللى بيسرق ده محتاج !! طب الزكاة و الصدقة مش هاتخلى حد محتاج + هايفتكر حد السرقة و يراجع نفسه
القتل كذلك - و باقى الجرائم من عقوق والدين من زنا من تيتيم أطفال من نصب و إحتيال من من من ......
الإقتصاد هاينتعش بعد إلغاء المعاملات الربوية و وضع بديل إسلامى سليم و حديث يتواكب مع العصر و بناء عليه البركة هاتعم لأن المعاملات الربوية تجلب غضب الله و كلنا عارفين ده بيعمل (غلاء - إنعدام البركة - حاجات كثير منغصه عشيتنا)
الإحتكار هايختفى لأنه حرام وده هايعمل منافسه فى السوق و يؤدى لوجود سلع أكثر جودة و ما إلى ذلك
الغلاء و الكسب المضاعف لأن فى الكسب إللى بيوصل ل 100% و 200% و 500% فى بعض السلع ده مش صح و فيه نسبة المفرود الناس تتقى الله و مش تعديها
وووو حاجات كثير أوى كفاية كده لأنى وقتى إتشغل مش هالحق أكتب كمان
-
-
-
انا موافقك 100% يا محمود,,
الحقيقة ان رأي من زمان ان صلاح الناس بالرجوع لله و مراعاة الله في كل معاملاتهم,
ربنا يفتح عليك,,
Content Relevant URLs by
vBSEO 3.6.0 PL2