-
علبة البيئة استرا 2005
سلام عليكم يا شباب المشكلة ان من اسبوع سير الكاتينة قطع (استرا 2005) مع اني لسه مغيره خللي بالكم من النوع ده مكتوب عليه GM ومنتشر جدا بس للعلم مافيش في السوق GM اصلي المهم السير ماكملش شهرين وقطع طبعا طقم صبابات المهم انا اشتريت دماغي وجبت وش سلندر استيراد مش دي المشكلة المشكلة بعد ما غيرت وش السلندر العربية عزمها قل جدا لدرجة اني لما بشغل التكييف ممكن بعض احيان ادوس بنزين كاني مش دايس وصوت العربية يعلي وrpm يفضل ثابت مايزيدش الا لو عملت كيك داون العربية بتنط فجاة كانها كانت مربوطة والحبل قطع المهم رجعت للميكانيكي قللي دي علبة البيئة بتاعت الشكمان انا عارف ان علبة البيئة عندي كانت عايزة تتغير وكانت مخلية صوت الموتور عالي انا مش عارف اعمل ايه خصوصا نا علبة البيئة دي غالية جدا :011: وانا برده مش متاكد من انها هيا السبب والميكانيكي قاللي ممكن افضيها بس صوت العربية هيعلي جدا حد يفيدني يا رجالة انا زهقت ولسه دافع تمن وش سلندر والدنيا ضلمة خالص
-
والله يا باشا انا مش عارف بالظبط..
بس فيما يخص علبة البيئة.. هي تمنها مكن يكون في حدود 1000 جنيه استيراد..
بس في تجربة كده كان عاملها اخونا مينا معانا هنا ف المنتدي..هو معاه شيروكي..
غير علبة البيئة دي عند بتاع شكمانات ف المعادي.. و الواد عملها من غير حشو.. بس بسكل معين من جوة.. و كده بحيث انها تكتم الصوت..بس كده مبقتش علبة بيئة خلاص.. بقت علبة كاتمة للصوت و خلاص..
لو حبيت ممكن نسأله علي الموضوع ده و تروح للراجل ده تعملها عنده..
و افتكر انها ماتكلفتش كتير.. يعني رقم في حدود 200 جنيه باين.. يمكن اقل.. مش فاكر..
اللينك بتاعت الموضوع بتاعه اهي..
http://www.nilemotors.net/Nile/showthread.php?t=51889
-
علاوي باشا مشكوور يافندم ده ممكن يحل المشكلة ياريت لو نقدر نعرف الراجل ده فين في صقر قريش او نمرة تليفون او اي حاجة بس برده انا خايف يكون العيب ده من حاجة تانية غير علبة البيئة هوا عزم الموتور والسحب ليه علاقة بوش السلندر ؟ انا علي حد علمي ان ده يرجع للجزء السفلي من الموتور انا بس عايز اتاكد ان الميكانيكي مش بيشتغلني
-
الشكر لله يا باشا انا تحت امرك..
بالنسبة للراجل بتاع الشكمانات.. مش مشكلة خالص..
ممكن نوصل لرقمه و عنوانه بالتفصيل في اي وقت باذن الله..
لكن فيما يخص السحب و وش السلندر و كده.. بصراحة انا مش عارف..
محتاجين حد خبرة بقي و فاهم يوضح لينا النقطة دي..
Content Relevant URLs by
vBSEO 3.6.0 PL2